ઇન્ટરનેટની દુનિયામાં ફેમસ થયા બાદ હવે રિલાયન્સ જીઓ બ્રોડબેન્ડની દુનિયામાં બ્સાસ્ટ કરવાની તૈયારીમા છે. રિલાયન્સ JIOની ફાઇબર સર્વિસને લઇને એક નવી જાણકારી સામે આવી છે જે ગ્રાહકોને ખુશ કરવા માટે ઘણું છે. મીડિયામાં આવેલા સમાચારોનું માનીએ તો JIO ફાઇબરમાં ગ્રાહકોને 1000 રૂપિયાથી પણ ઓછામાં 100mbps સુધી ડેટા સ્પીડ મળશે.
આ સાથે જ પ્લાનમાં અનલિમિટેડ કોલિંગની સાથે સાથે જિયો ટીવીનું ફ્રી સબ્સક્રિપ્શન પણ મળશે. તમને જણાવી દઇએ કે સપ્ટેમ્બર 2016 થી જ જિયો ફાઇબરની ટેસ્ટિંગ કરી રહ્યું છે. એ હેઠળ કેટલાક પસંદગીના ગ્રાહકોને આ સર્વિસ આપવામાં આવી રહી છે. કંપની વર્ષના અંત સુધીમાં આ પ્લાનની સુવિધા દરેક ગ્રાહક માટે લોન્ચ કરવાનો છે.
એક રિપોર્ટ અનુસાર જિયો ફાઇબરમાં 1000 રૂપિયાથી પણ ઓછામાં 100mbps ની સ્પીડથી ઇન્ટરનેટની સાથે સાથે ગ્રાહકોને અનલિમિટેડ વોઇસ અને વીડિયો કોલિંગની સુવિધા મળશે. જણાવી દઇએ કે હાલમાં jio fiberનું ટેસ્ટિંગ નવી દિલ્હી ચેન્નાઇ અમદાવાદ જામનગર અને મુંબઇ જેવા મોટા શહેરોમાં થઇ રહી છે.
