અપીલ / અમદાવાદીઓ સાવધાન! AMCએ પાણીને લઈ નાગરિકોને આપી ખાસ સલાહ

ચોમાસાની ઋતુના ચાલુ પ્રવાહ વચ્ચે શહેરમાં પાણીની સપ્લાયમાં તાત્કાલિક ફેરફાર થવાની શક્યતા છે. સરદાર સરોવર ડેમ મારફતે અમદાવાદ શહેરમાં પૂરો પાડવામાં આવે છે. ચોમાસા દરમ્યાન પાણી ડહોળું આવવાની સંભાવના છે. જેથી તંત્રએ જણાવ્યું છે કે આ પાણી પીવા લાયક છે. પણ લોકો માટે આરોગ્યની સલામતી નજરમાં રાખીને ખાસ સૂચના આપવામાં આવી છે કે પીવાનું પાણી ઉકાળીને જ વાપરવું.

પાણીમાં ડહોળપણું હોવા છતાં તેમાં કોઈ હાનિકારક તત્વો નથી તેમ તંત્રએ સ્પષ્ટતા કરી છે. તેમ છતાં પાણીમાં મટીરિયલ અને અવશેષોની સંભાવના હોવાથી તેને ઉકાળી લેવી જરૂરી ગણાઈ છે. તેમજ નાગરિકોને જાગૃત રહેવા અને સ્વચ્છતાની સાથે પોતાના આરોગ્યનું પણ ધ્યાન રાખવા અનુરોધ કર્યો છે.

View this post on Instagram

A post shared by VTV Gujarati News and Beyond (@vtv_gujarati_news)

પાણીની ગુણવત્તા પર સતત નજર રાખવામાં આવી રહી છે અને જરૂરી જગ્યાએ ટેમ્પરરી ફિલ્ટરિંગ કે ક્લોરિનેશન જેવી પ્રક્રિયાઓ પણ શરૂ કરવામાં આવી છે. મહાનગર પાલિકા દ્વારા પાણીના નમૂનાઓનું નિયમિત પરીક્ષણ કરાઈ રહ્યું છે અને હજુ સુધી કોઈ ગંભીર પ્રકારની તકલીફ નોંધાઈ નથી.

આ પણ વાંચોઃ જો-જો જ્યાં ત્યાં બુકિંગ ના કરી દેતા, UPથી ઝડપાયો સાળંગપુર મંદિરની ફેક વેબસાઈટ બનાવનારો આરોપી

તંત્રએ જણાવ્યું કે ડહોળું પાણી માત્ર ચોમાસાની અસર છે અને પાણીની સપ્લાય થોડા દિવસોમાં સામાન્ય સ્થિતિમાં આવી જશે.તેમજ નવી જાહેરાત ન થાય ત્યાં સુધી નાગરિકોએ પાણી ઉકાળીને પીવું તેમ સૂચન તંત્ર દ્વારા કરવામાં આવ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ