Bollywood News / રીલીઝના ચોથા દિવસે રણબીરની અનિમલની કમાણી ગ્રાફ એકદમ નીચે, સેમ બહાદુરને પણ બોક્સ ઓફિસમાં પછડાટ, જાણો કલેક્શન

• એનિમલે પ્રથમ ત્રણ દિવસમાં બોક્સ ઓફિસ પર જોરદાર કમાણી કરી 
• ચોથા દિવસે ફિલ્મ ત્રણ દિવસની સરખામણીમાં ઘણી ઓછી કમાણી કરી
• ફિલ્મે પહેલા દિવસે 63.78 કરોડની કમાણી કરી હતી

રણબીર કપૂર, બોબી દેઓલ, રશ્મિકા મંદાન્ના અને અનિલ કપૂર સ્ટારર ફિલ્મ એનિમલ માટે આ દિવસોમાં ભારે ક્રેઝ છે. ફિલ્મમાં રણબીર કપૂરના એક્શનથી લઈને બોબી દેઓલની સ્વેગી સ્ટાઈલ લોકોને ખૂબ પસંદ આવી રહી છે. આ જ કારણ છે કે ફિલ્મ બોક્સ ઓફિસ પર સારી કમાણી કરી રહી છે. પ્રથમ ત્રણ દિવસમાં ફિલ્મે બોક્સ ઓફિસ પર બમ્પર કમાણી કરી હતી. જોકે ચોથા દિવસે સ્થિતિ થોડી વણસી રહી હોય તેવું લાગી રહ્યું છે. સોમવારે રાત્રે 9 વાગ્યા સુધી બહાર આવેલા સેકનિલ્કના રિપોર્ટમાં અનુમાન છે કે ચોથા દિવસે એનિમલ માત્ર 33.12 કરોડ રૂપિયાની કમાણી કરશે. જો કે, હાલમાં આ આંકડા અંદાજિત છે. હવે આ કમાણીમાં શું બદલાવ આવશે, શું ફિલ્મ ખરેખર માત્ર 33 કરોડની કમાણી કરી શકશે, તેના ચોક્કસ આંકડા મંગળવારે જ સામે આવશે.

પ્રથમ ત્રણ દિવસની કમાણી

જો આપણે પહેલા ત્રણ દિવસમાં એનિમલની કમાણીની વાત કરીએ તો ફિલ્મે પહેલા દિવસે 63.78 કરોડની કમાણી કરી હતી. બીજા અને ત્રીજા દિવસે ફિલ્મે 66.27 કરોડ રૂપિયા અને 71.46 કરોડ રૂપિયાનો બિઝનેસ કર્યો હતો. તમને જણાવી દઈએ કે આ આંકડા માત્ર ઘરેલુ બોક્સ ઓફિસના છે. આ સિવાય ફિલ્મ દુનિયાભરમાં સારો બિઝનેસ પણ કરી રહી છે.

જાણો સામ બહાદુરની હાલત

જો વિકી કૌશલની સેમ બહાદુરની વાત કરીએ તો રિપોર્ટમાં અનુમાન લગાવવામાં આવ્યું છે કે ચોથા દિવસે ફિલ્મ માત્ર 2.64 કરોડ રૂપિયાનો બિઝનેસ કરી શકશે. જોકે, એનિમલની જેમ આ ફિલ્મના કલેક્શનના ચોક્કસ આંકડા પણ મંગળવારે જાહેર થશે. નોંધનીય છે કે સેમ બહાદુરે શરૂઆતના દિવસે 6.25 કરોડ રૂપિયાનો બિઝનેસ કર્યો હતો. તે પછી બીજા દિવસે 9 કરોડ રૂપિયાનો બિઝનેસ કર્યો અને ત્રીજા દિવસે ફિલ્મે 10.3 કરોડ રૂપિયાનું કલેક્શન કર્યું. જો કે એનિમલની જેમ વિકીની ફિલ્મ પણ સોમવારની પરીક્ષા પાસ કરી શકશે નહીં એવું લાગે છે.