નિવેદન / રામલલા મંદિરનો સંઘર્ષ: પૂજારીએ કહ્યું- ભગવાન માટે વર્ષમાં માત્ર 7 જ વાઘા મળતા, વરસાદમાં પાણી ટપકતું, એક-એક કામ માટે કોર્ટ જવું પડતું હતું

• યોધ્યાના રામ મંદિરના મુખ્ય પૂજારી મહંત સત્યેન્દ્ર દાસનું નિવેદન 
• ભગવાન રામની મૂર્તિને તાડપત્રમાં ઢાંકીને તેઓ પૂજા કરતા તે સમય પીડદાયક 
• કોઈપણ નવી બાબત માટે કોર્ટમાં જવું પડતું હતું: મહંત સત્યેન્દ્ર દાસ
• તાડપત્રી ફાટી જતી ત્યારે કોર્ટમાં જવું પડતું: મહંત સત્યેન્દ્ર દાસ

Ayodhya Ram Mandir : 22 જાન્યુઆરીએ અયોધ્યાના રામ મંદિરમાં ભગવાન રામની મૂર્તિનો અભિષેક થવાનો છે. આ પહેલા એક ખાનગી મીડિયા સાથેની વાતચીતમાં મહંત સત્યેન્દ્ર દાસે મોટું નિવેદન આપ્યું છે. મહત્વનું છે કે, મહંત સત્યેન્દ્ર દાસ ઘણા વર્ષોથી અયોધ્યામાં 'રામ લલ્લા'ના મુખ્ય પૂજારી છે. આચાર્ય સત્યેન્દ્ર દાસે એ સમયને પીડાદાયક ગણાવ્યો હતો જ્યારે ભગવાન રામની મૂર્તિને તાડપત્રમાં ઢાંકીને તેઓ પૂજા કરતા હતા. તેમણે કહ્યું કે, તે સમયે પૂજા વગેરે માટે જેટલી રકમની માંગણી કરવામાં આવી હતી તે તેના કરતા ઓછી હતી. કોઈપણ નવી બાબત માટે કોર્ટમાં જવું પડતું હતું.

વરસાદ અને ઉનાળામાં સમસ્યા હતી: મહંત સત્યેન્દ્ર દાસ
મહંત સત્યેન્દ્ર દાસે કહ્યું, તે સમયે જ્યારે વરસાદ દરમિયાન પાણીના ટીપા ભગવાન પર પડતા હતા ત્યારે તે દુઃખ પહોંચાડતું હતું. તે સમયે અમારી પાસે તેને રોકવાનો કોઈ રસ્તો નહોતો. આ સિવાય ખૂબ જ ગરમી હતી, પંખા સિવાય બીજું કંઈ નહોતું. અમે ત્યાં AC અથવા કુલર લગાવવા માગતા હતા, પરંતુ અમે ઈચ્છવા છતાં પણ કંઈ કરી શક્યા નહીં. તેમણે કહ્યું કે, જ્યારે પણ કોઈ માંગણી કરવામાં આવે છે ત્યારે જવાબ આપવામાં આવતો હતો કે, કોર્ટ વગર કંઈ થઈ શકે તેમ નથી. સત્યેન્દ્ર દાસે કહ્યું,  જો કંઈ પણ નવું થતું તો વિપક્ષ તરત જ વિરોધ કરવા કોર્ટમાં પહોંચી જતું હતું. તેથી જ તે સમય ખૂબ જ મુશ્કેલ હતો, ફક્ત ભગવાનની કૃપાથી તે સમય પસાર થયો.

વધુ વાંચો: 'નવયુવાનો તમારી તાકાતને જાળવી રાખજો, નહીં તો એવું ના થાય...', રામમંદિરના ઉદ્ઘાટન પહેલા અસદુદ્દીન ઓવૈસીનું ભડકાઉ નિવેદન

મને ખર્ચના 20 હજાર રૂપિયા મળતા હતા: મહંત સત્યેન્દ્ર દાસ
મહંત સત્યેન્દ્ર દાસે ભગવાનના વસ્ત્રો કેવી રીતે ગોઠવવામાં આવ્યા હતા તે પણ જણાવ્યું હતું. કહેવાય છે કે, ભગવાનના સાત પ્રકારના વસ્ત્રો એકસાથે બનાવવામાં આવ્યા હતા. જેમાં અઠવાડિયાના અલગ-અલગ દિવસો પ્રમાણે ફેરફાર કરવામાં આવ્યા હતા. આ નવા કપડા ચૈત્ર નવરાત્રીના સમયે બનાવવામાં આવતા હતા અને પછી આખા વર્ષ દરમિયાન આ જ કપડાં પહેરવામાં આવતા હતા. કારણ કે માત્ર 7 કપડા બનાવવા માટે આટલા પૈસા મળતા હતા અને પછી પૂજારી તેને એક વર્ષ સુધી ચલાવતા હતા.

તાડપત્રી ફાટી જતી ત્યારે કોર્ટમાં જવું પડતું
આ સથે મહંત સત્યેન્દ્ર દાસે કહ્યું કે, તેઓ ભગવાન પર ખર્ચ કરવા માટે દર મહિને 25 હજાર રૂપિયા આપવાની માંગ કરતા હતા, પરંતુ માત્ર 20 હજાર રૂપિયા જ આપવામાં આવ્યા હતા. મતલબ કે અમે જેટલી માંગણી કરી હતી તેટલી અમને મળતી જ નહોતી. કોર્ટની પરવાનગી વિના રકમ વધારી શકાય નહીં તેમ જણાવાયું હતું. તેમણે કહ્યું કે, અંતિમ સમયે ત્યાં હાજર ઋષિએ બહુ મુશ્કેલીથી બજેટ વધારીને 30 હજાર રૂપિયા કરી દીધું. આ પૈસા પૂજા, અર્પણ, શ્રૃંગાર, ચંદન અને અત્તર વગેરે પાછળ ખર્ચવામાં આવ્યા હતા. જોકે તાડપત્રી ફાટી જતી ત્યારે કોર્ટમાં જવું પડતું હતું.