5 ફોટો ગેલેરી

મનોરંજન / માત્ર 8 દિવસમાં રામાયણે દુનિયાભરમાં કમાયા ₹1000 કરોડ, તૂટ્યા અનેક રેકોર્ડ!

Last Updated: 08:02 AM, 13 November 2026

FOLLOW ON

શેર કરો

રણબીર કપૂર, સાઈ પલ્લવી અને યશની ફિલ્મ 'રામાયણ પાર્ટ 1'એ બોક્સ ઓફિસ પર ધમાલ મચાવી છે. રિલીઝના માત્ર 8 દિવસમાં ફિલ્મે દુનિયાભરમાં 1000 કરોડ રૂપિયાની કમાણીનો આંકડો પાર કરી લીધો છે.

1/5

1. 8 દિવસમાં રામાયણની ₹1000 કરોડની કમાણી!

દિવાળીના તહેવાર પછી પણ ફિલ્મ જોવા માટે થિયેટરોમાં દર્શકોની ભીડ જોવા મળી રહી છે. આ સાથે જ 'રામાયણ' ભારતીય સિનેમાની સૌથી વધુ કમાણી કરનારી ફિલ્મોની ખાસ યાદીમાં સામેલ થઈ ગઈ છે. ફિલ્મે આ રેકોર્ડ બનાવવામાં ઘણી મોટી ફિલ્મોને પાછળ છોડી છે. ખાસ વાત એ છે કે આ ફિલ્મ રણબીર કપૂરની કારકિર્દીની પહેલી એવી ફિલ્મ બની છે, જેણે આ ક્લબમાં સ્થાન મેળવ્યું છે. જાણીએ ફિલ્મની કમાણી અને અત્યાર સુધીના તમામ મોટા રેકોર્ડ વિશે.

આ તસવીર શેર કરો

2/5

2. 'રામાયણ'એ 8 દિવસમાં જ દુનિયાભરમાં 1000 કરોડનો આંકડો પાર કર્યો

નિતેશ તિવારીના નિર્દેશનમાં બનેલી 'રામાયણ પાર્ટ 1' 5 નવેમ્બરે સિનેમાઘરોમાં રિલીઝ થઈ હતી. ફિલ્મમાં રણબીર કપૂર ભગવાન રામની ભૂમિકામાં જોવા મળી રહ્યા છે, જ્યારે યશ રાવણના પાત્રમાં છે. સાઈ પલ્લવીએ માતા સીતાની ભૂમિકા ભજવી છે. રિલીઝના શરૂઆતના સાત દિવસમાં ફિલ્મે દુનિયાભરમાં અંદાજે 945 કરોડ રૂપિયાની કમાણી કરી હતી. ત્યારબાદ આઠમા દિવસે 1000 કરોડનો આંકડો પાર કરવા માટે ફિલ્મને માત્ર 55 કરોડ રૂપિયાની જરૂર હતી. આઠમા દિવસે દુનિયાભરમાં 85 કરોડ રૂપિયાથી વધુની કમાણી સાથે ફિલ્મનું કુલ ગ્રોસ કલેક્શન 1033.55 કરોડ રૂપિયા સુધી પહોંચી ગયું. આ સાથે જ 'રામાયણ' 1000 કરોડની કમાણી કરનારી 11મી ભારતીય ફિલ્મ બની ગઈ છે.

આ તસવીર શેર કરો

3/5

3. આઠમા દિવસે ભારતમાં 53.50 કરોડની નેટ કમાણી

ફિલ્મે આઠમા દિવસે ભારતમાં 24,042 શોમાંથી 53.50 કરોડ રૂપિયાની નેટ કમાણી કરી હતી. ભાષા પ્રમાણે કમાણીની વાત કરીએ તો હિન્દીમાં સૌથી વધુ 43 કરોડ રૂપિયા મળ્યા હતા. કન્નડમાં 3.25 કરોડ, મલયાલમમાં 2.80 કરોડ, તેલુગુમાં 2.30 કરોડ અને અન્ય ભાષાના વર્ઝનમાં 2.15 કરોડ રૂપિયાની કમાણી થઈ હતી. આ સાથે ભારતમાં ફિલ્મનું કુલ નેટ કલેક્શન 564.60 કરોડ રૂપિયા અને ગ્રોસ કલેક્શન 675.05 કરોડ રૂપિયા થઈ ગયું છે. બીજી તરફ વિદેશમાં પણ ફિલ્મનો જાદુ જોવા મળ્યો છે. આઠમા દિવસે વિદેશી બજારમાંથી 25 કરોડ રૂપિયાની કમાણી થઈ હતી. જેના કારણે વિદેશમાં ફિલ્મનું કુલ ગ્રોસ કલેક્શન 358.50 કરોડ રૂપિયા સુધી પહોંચ્યું છે. ભારત અને વિદેશની કમાણી ભેગી કરીએ તો ફિલ્મનું કુલ વર્લ્ડવાઇડ ગ્રોસ કલેક્શન 1033.55 કરોડ રૂપિયા થઈ ગયું છે.

આ તસવીર શેર કરો

4/5

4. સૌથી ઝડપથી 1000 કરોડની કમાણી કરનારી ત્રીજી ભારતીય ફિલ્મ બની

1000 કરોડની ક્લબમાં સામેલ થવાની સાથે 'રામાયણ'એ ઝડપની બાબતમાં પણ મોટો રેકોર્ડ બનાવ્યો છે. માત્ર આઠ દિવસમાં આ સિદ્ધિ મેળવીને તે સૌથી ઝડપથી 1000 કરોડની કમાણી કરનારી ત્રીજી ભારતીય ફિલ્મ બની ગઈ છે. આ યાદીમાં 'પુષ્પા 2' અને 'ધુરંધર 2' ફિલ્મો તેનાથી આગળ છે. આ બંને ફિલ્મોએ માત્ર સાત દિવસમાં 1000 કરોડની કમાણીનો આંકડો પાર કર્યો હતો. જ્યારે 'બાહુબલી 2'ને આ સિદ્ધિ મેળવવામાં અંદાજે 10થી 11 દિવસનો સમય લાગ્યો હતો. હવે 'રામાયણ'એ પણ આ ખાસ યાદીમાં સ્થાન મેળવી લીધું છે. આ સાથે જ રણબીર કપૂરની કારકિર્દીમાં આ પહેલી ફિલ્મ છે, જેણે દુનિયાભરમાં 1000 કરોડની કમાણીનો આંકડો પાર કર્યો છે.

આ તસવીર શેર કરો

5/5

5. 'એનિમલ'નો રેકોર્ડ તોડ્યો, હવે બીજા વીકએન્ડ પર નજર

'રામાયણ'એ અત્યાર સુધીની કમાણી સાથે રણબીર કપૂરની જ ફિલ્મ 'એનિમલ'ના કુલ વર્લ્ડવાઇડ કલેક્શનને પણ પાછળ છોડી દીધું છે. આ રીતે ફિલ્મે માત્ર આઠ દિવસમાં અનેક મોટા રેકોર્ડ પોતાના નામે કર્યા છે. ભારતીય સિનેમાની સૌથી મોટી બ્લોકબસ્ટર ફિલ્મોની યાદીમાં હવે 'રામાયણ'નું નામ પણ સામેલ થઈ ગયું છે. 'દંગલ', 'બાહુબલી 2', 'જવાન' અને 'ધુરંધર 2' જેવી ફિલ્મોની સાથે તેની ચર્ચા થઈ રહી છે. દિવાળીના તહેવાર દરમિયાન મળેલી રજાઓનો ફિલ્મને ફાયદો થયો હતો, પરંતુ હવે સૌથી મોટો સવાલ એ છે કે રજાઓ પૂરી થયા પછી પણ ફિલ્મની કમાણીની રફતાર જળવાઈ રહેશે કે નહીં. ખાસ કરીને બીજા વીકએન્ડમાં ફિલ્મ કેટલો બિઝનેસ કરે છે તેના પર સૌની નજર છે. જો રજાઓ વગર પણ દર્શકોનો આવો જ પ્રતિસાદ મળે તો ફિલ્મની કમાણીમાં હજુ મોટો વધારો થઈ શકે છે.

આ તસવીર શેર કરો

સંકળાયેલા મુદ્દાઓ

Collection Ranbir Kapoor Ramayan Ramayan Box Office