- રક્ષાબંધનમાં રાખડી બાંધવાનાં પણ હોય છે ખાસ નિયમો
- હિંદૂ પંચાગમાં શુભ મુહૂર્તને લઈને કરવામાં આવી છે સ્પષ્ટતા
- આ વખતે રાખડી બાંધવાનો શુભ યોગ રાત્રીનાં સમયે બની રહ્યો છે
પ્રત્યેક તહેવાર પોતાનામાં એક વિશેષ મહત્વ ધરાવે છે. દરવર્ષે આ તમામ તહેવારો તિથિ અનુસાર મનાવવામાં આવે છે. શુભ મુહૂર્તમાં તહેવાર ઊજવવાથી તેના સકારાત્મક પરિણામ મળતા હોય છે. આ વખતે ઑગસ્ટ મહિનાનાં અંતમાં રક્ષાબંધન આવી રહી છે. હિંદૂ પંચાગ અનુસાર આ દિવસે ભદ્રાનો યોગ પણ બની રહ્યો છે જેના લીધે 2 દિવસ રક્ષાબંધન ઊજવાશે. પરંતુ હવે પ્રશ્ન એ થાય છે કે શું રાત્રીનાં સમયે ભાઈને રાખડી બાંધવું શુભકારી છે ખરું?
રાત્રીના સમયે રાખડી બાંધવી જોઈએ?
જ્યોતિષ વિશેષજ્ઞો અનુસાર હિંદૂ પંચાગમાં જે પણ શુભ મુહૂર્ત આપવામાં આવે તેને જ સર્વોત્તમ માનીને રાખડી બાંધવી જોઈએ. પછી તે દિવસનો સમય હોય કે રાત્રીનો. શુભ મુહૂર્તમાં રાખડી બાંધવુ લાભકારી હોય છે. પરંતુ ભદ્રકાળમાં રાખડી બાંધવું વર્જિત હોય છે. આ વખતે રાખડી બાંધવાનો શુભ યોગ રાત્રીનો છે તેથી સ્પષ્ટ થાય છે કે રાખડી રાત્રે પણ બાંધી શકાશે.
રાખડી બાંધવાનો શુભ મુહૂર્ત
હિંદૂ પંચાગ અનુસાર આ વર્ષે રક્ષાબંધનનો પર્વ 30-31 ઑગસ્ટ એટલે કે 2 દિવસ ઊજવવામાં આવશે. રાખડી બાંધવાનો શુભ સમય 30 ઑગસ્ટનાં રાત્રે 9.02 વાગ્યાથી 31 ઑગસ્ટ સવારે 7.05 વાગ્યા સુધીનો રહેશે.
રાખડી બાંધવાનાં ખાસ નિયમો
- ધાર્મિક માન્યતાઓ અનુસાર રક્ષાબંધનવાળા દિવસે ભાઈ અને બહેન બંનેએ સ્નાનાદિક ક્રિયાઓ કરીને શુદ્ધ થઈ સ્વચ્છ વસ્ત્ર પહેરીને તૈયાર થવું.
- ભાઈએ પૂર્વ કે ઉત્તર દિશાની તરફ મુખ કરીને બેસી જવું.
- ભાઈએ ખાલી કે ખુલ્લા હાથે રાખડી ન બંધાવવી. હાથમાં દક્ષિણા કે ચોખ્ખાં મુઠ્ઠીમાં બાંધી લેવાં અને પછી જ બહેન પાસે રાખડી બંધાવવી.
- બહેન અને ભાઈ બંનેએ પોતાનું માથું ઢાંકવું.
- બહેને ભાઈનાં માથાં પર કુમકુમનું તિલક અને અક્ષત લગાડવું.
- ભાઈનાં હાથમાં નારિયેળ આપીને રાખડી બાંધવી. રાખડીમાં ત્રણ ગાંઠ લગાડવું અતિ શુભ માનવામાં આવે છે. આ બાદ મીઠું મોઢું કરાવી આરતી ઊતારવી.
- ભાઈએ પોતાની બહેનનાં ચરણ સ્પર્શ કરવા અને તેની રક્ષાનું વચન આપતાં તેને ભેટ આપવી.
