Raksha Bandhan 2023 / રક્ષાબંધનની તારીખને લઈને તમામ કન્ફ્યુઝન ખતમ: જાણી લો ક્યારે ઉજવાશે તહેવાર અને રાખડી બાંધવાનું શુભ મુહૂર્ત

• શ્રાવણી પૂનમના દિવસે રક્ષાબંધન ઊજવાય છે
• 30-31 ઓગસ્ટના રોજ રક્ષાબંધન
• આ વર્ષે રક્ષાબંધનના દિવસે ભદ્રા છે

સનાતન ધર્મમાં રક્ષાબંધનનું વિશેષ મહત્ત્વ છે. શ્રાવણી પૂનમના દિવસે રક્ષાબંધન ઊજવવામાં આવે છે. આ વર્ષે 30-31 ઓગસ્ટના રોજ રક્ષાબંધન છે. આ વર્ષે રક્ષાબંધનના દિવસે ભદ્રા છે, જેથી લોકો ખૂબ જ મૂંઝવણમાં છે કે, રાખડી ક્યારે બાંધવી જોઈએ. આ કારણોસર રાખડી બાંધવાનું શુભ મુહૂર્ત શું છે તે વિશે અહીંયા જણાવવામાં આવ્યું છે. 

શ્રાવણી પૂનમ
શ્રાવણી પૂનમના દિવસે રક્ષાબંધન ઊજવવામાં આવે છે. 30 ઓગસ્ટના રોજ સવારે 10:59 વાગ્યે શ્રાવણી પૂનમની શરૂઆતદ થશે અને 31 ઓગસ્ટના રોજ સવારે 07:05 વાગ્યે પૂર્ણ થશે. આ કારણોસર 30 અને 31 તારીખે રક્ષાબંધન જવવામાં આવશે. બહેનોએ ભદ્રાકાળને ધ્યાનમાં રાખીને ભાઈને રાખડી બાંધવાની રહેશે. 

ભદ્રા કાળ 

રક્ષાબંધન પર ભદ્રા રહેશે. 30 ઓગસ્ટના રોજ રાત્રે 09:02 વાગ્યે ભદ્રાકાળ પૂર્ણ થશે. તેથી ભદ્રકાળ પૂર્ણ થયા પછી રાખડી બાંધવી જોઈએ. આ કારણોસર 30 ઓગસ્ટના રોજ રાત્રે 09:02 વાગ્યા પછી રાખડી બાંધવી જોઈએ. 

31 ઓગસ્ટના રોજ શુભ મુહૂર્ત
જો તમે 31 ઓગસ્ટના રોજ રાખડી બાંધવાના છો, તો તમારે 31 ઓગસ્ટના રોજ સવારે 07:05 વાગ્યા પહેલા રાખડી બાંધી દેવી જોઈએ. 31 ઓગસ્ટના રોજ સવારે 07:05 વાગ્યે શ્રાવણી પૂનમ પૂર્ણ થઈ જશે. 

રાખડી બાંધતા સમયે મંત્રજાપ
રક્ષાબંધનનું રક્ષાસૂત્ર લાલ, પીળા ને સફેદ રંગનું હોવું જોઈએ. હંમેશા મંત્રજાપ કરતા કરતા જ રાખડી બાંધવી જોઈએ. રાખડી બાંધતા સમયે બહેનોએ येन बद्धो बलि राजा, दानवेन्द्रो महाबलः। तेन त्वाम रक्ष बध्नामि, रक्षे माचल माचल:।। મંત્રનો જાપ કરવો. 

રક્ષાબંધનના દિવસે ભાઈએ શું કરવું?
રક્ષાસૂત્ર બાંધ્યા પછી ભાઈઓએ માતા પિતા અને વડીલના આશીર્વાદ લેવા. ત્યારપછી શક્તિ અનુસાર બહેનોને ગિફ્ટ આપવી. ગિફ્ટમાં કાળા કપડા અથવા ખાવા પીવાની તીખી વસ્તુ ના આપવી જોઈએ.  પ્રકારે કરવાથી સંબંધોમાં ખટાશ આવી શકે છે.