એલર્ટ / જૂનાગઢ કોર્ટથી લઇને રાજકોટ કલેક્ટર કચેરીને બોમ્બથી ઉડાવવાની ધમકી, પોલીસ થઇ દોડતી

રાજકોટ કલેક્ટર કચેરીને બોમ્બથી ઉડાવવાની ધમકી આપવામાં આવી છે. બોમ્બથી ઉડાવી દેવાની ધમકી મળતા દોડધામ મચી જવા પામી છે. તેમજ પોલીસ દ્વારા તાત્કાલીક કલેક્ટર કચેરી પહોંચી કલેક્ટર કચેરી ખાલી કરાવવામાં આવી હતી. SOG ને સાથે રાખી પોલીસે કચેરીમાં તપાસ શરૂ કરી છે.

ડિસ્ટ્રિક્ટ કોર્ટને ધમકી ભર્યો મેઈલ મળતા દોડધામ

જુનાગઢ કોર્ટને પણ બોમ્બથી ઉડાવી દેવાની ધમકી આપવામાં આવી છે. જેમાં ડિસ્ટ્રીક્ટ કોર્ટને ધમકી ભર્યો મેઈલ મળતા દોડધામ મચી જવા પામી હતી. ધમકી બાદ પોલીસ ફાયરની ટીમો ઘટના સ્થળે પહોંચી હતી. સુરક્ષાના ભાગરૂપે કોર્ટ પરિસર ખાલી કરાવ્યું હતુ.

બનાસકાંઠા બાદ હવે બોટાદમાં પણ કલેકટર કચેરીને બોમ્બથી ઉડાવી દેવાની ધમકી મળતા ખળભળાટ મચી ગયો હતો. બોટાદ શહેરના ખસ રોડ પર આવેલી કલેકટર કચેરીને ઈ-મેઈલ મારફતે બોમ્બથી ઉડાવી દેવાની ધમકી આપવામાં આવી હતી.

ડોગ સ્કોવડે તપાસ શરૂ કરી

ધમકી મળતાની સાથે જ પોલીસ તંત્ર હરકતમાં આવી ગયું હતું. બોટાદ પોલીસનો મોટો કાફલો તાત્કાલિક કલેકટર કચેરી ખાતે પહોંચ્યો હતો. સુરક્ષાના ભાગરૂપે LCB, SOG તેમજ ડોગ સ્કોડની ટીમોને પણ સ્થળ પર બોલાવવામાં આવી હતી.

પોલીસે રાહતનો શ્વાસ લીધો

કલેકટર કચેરીમાં અને આસપાસના વિસ્તારોમાં સઘન તપાસ હાથ ધરવામાં આવી હતી. ડોગ સ્કોડ દ્વારા પણ દરેક ખૂણાની તપાસ કરવામાં આવી. જો કે, તપાસ દરમિયાન કોઈપણ શંકાસ્પદ વસ્તુ કે વિસ્ફોટક સામગ્રી ન મળતા પોલીસે રાહતનો શ્વાસ લીધો હતો.

આ પણ વાંચોઃ સુરત પહોચ્યો ભાઇજાન, સલમાન ખાનને જોવા એરપોર્ટ પર ફેન્સનો જમાવડો

સાયબર ટીમે ઈ-મેઈલ મોકલનારની તપાસ શરૂ કરી

હાલમાં પોલીસ દ્વારા ધમકીભર્યા ઈ-મેઈલ અંગે તપાસ આગળ વધારવામાં આવી રહી છે અને મેઈલ મોકલનાર સુધી પહોંચવા સાયબર ટીમની મદદ લેવામાં આવી રહી છે. સમગ્ર ઘટનાને લઈને કલેકટર કચેરી અને આસપાસના વિસ્તારમાં પોલીસ બંદોબસ્ત વધારવામાં આવ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ