વેધર અપડેટ / આંધી-વંટોળ સાથે વરસાદ, તાપમાનમાં વધારો... જાણો શું કહે છે અંબાલાલ પટેલની નવી આગાહી

રાજ્યમાં આગામી દિવસોમાં તપામાનમાં વધારો જોવા મળશે. હવામાન નિષ્ણાંત અંબાલાલ પટેલે આ અંગેની આગાહી કરી છે. અંબાલાલ પટેલે આગાહી કરતા જણાવ્યું કે મે મહિનામાં રાજ્યના કેટલાક ભાગમાં 45 ડિગ્રી સુધી તાપમાન જોવા મળશે, જ્યારે 28, 29 એપ્રિલ વડોદરા અને આણંદમાં 43 થી 44  ડિગ્રી સુધી તાપમાન પહોચશે.

હવામાનની આગાહી કરતા અંબાલાલ પટેલે કહ્યું કે 26 થી 28 એપ્રિલ રાજ્યમાં વાદળછાયુ વાતાવરણ રહેશે, જયારે 28-29 એપ્રિલ દરમિયાન વડોદરા અને આણંદમાં 43 થી 44 ડિગ્રી તાપમાન રહેશે. સાથે જ એમ પણ જણાવ્યું કે અમદાવાદ અને ગાંધીનગરમાં પણ તાપમાનમાં વધારો થશે. અંબાલાલ પટેલે કરેલી આગાહી અનુસાર, ઉત્તર સૌરાષ્ટ્રના ભાગોમાં 41 ડિગ્રીથી વધુ તાપમાન રહેશે. જયારે મે મહિનાની શરૂઆતમાં દેશના ઘણા ભાગોમાં પ્રી-મોનસૂન એક્ટિવિટી થશે. 10 થી 14 મે દરમિયાન આંધી-વંટોળ સાથે કેટલાક ભાગોમાં વરસાદની આગાહી કરી છે. 

હાલ જયારે રાજ્યમાં અંગ દઝાડતી ગરમી પડી રહી છે, ત્યારે મે મહિનામાં રાજ્યમાં મહત્તમ તાપમાન 45 ડિગ્રી સુધી પહોંચશે. અરબ સાગરમાં 8 જૂનની આસપાસ સમુદ્રમાં હલચલ જોવા મળશે, એવું પણ તેમણે જણાવ્યું. 

વધુ વાંચો: ગુજરાતમાં ફરી ગરમીનો પારો જશે આસમાને, તાપમાન પહોંચી શકે છે 40 ડિગ્રીને પાર

ગરમીમાં હિટ સ્ટ્રોકથી રક્ષણ મેળવવા આટલું કરો 

• ઘરની બહાર જાવ ત્યારે માથાનો ભાગ કપડા, છત્રી કે ટોપીથી ઢાંકી રાખો
• વજનમાં હળવા હોય તેવા સુતરાઉ વસ્ત્રો પહેરો
• તરસ ન લાગે છતાં પર્યાપ્ત માત્રામાં પાણી પાવાનો આગ્રહ રાખો
• આંખોનાં રક્ષણ માટે સન ગ્લાસીસ અને લીંબુ પાણી, ભાતનું ઓસામણ, નાળિયેર પાણી સહિતનાં પીણાંનું સેવન કરો
• ગરમી સામે રક્ષણ માટે પ્રાથમિક સારવાર અંગે તાલીમ લેવી
• બાળકો, વૃદ્ધો અને બીમાર વ્યક્તિઓએ વિશેષ કાળજી રાખવી
• બપોરનાં 12 વાગ્યાથી 3 વાગ્યા સુધી તડકામાં ન જવું, ઉઘાડા પગે બહાર ન જવું
• બપોરનાં સમયે બહાર જઈને શ્રમ પડે તેવી પ્રવૃતિ ન કરવી
• બપોરનાં સમયે રસોઈ કરવાનું ટાળો અને રસોડાનાં બારી અને બારણાં ખુલ્લા રાખો
• શરીરમાંથી પાણીનું પ્રમાણ ઘડાટે તેવા ચા, કોફી કે સોફ્ટ ડ્રિંક ન લેવા
• પ્રોટીનની વધુ માત્રા હોય તેવા મસાલેદાર, તળેલા, વધુ પડતા મીઠાવાળા આહાર ન લેવા
• શક્ય હોય ત્યાં સુધી ઘરમાં જ રહો
• ઘરગથ્થુ ઉપાય જેવા કે કાચી કેરી સાથે ડુંગળીમાં ધાણાજીરૂ નાંખેલું કચુંબર "લૂ" સામે રક્ષણ આપે છે.
• સૂક, પાંદડા, ખેતીનો કે અન્ય કરચો બાળશો નહીં.
• ઊર્જા કાર્યદક્ષ સાધનો, શુક્ર, બળતણ અને ઊર્જાનાં વૈકલ્પિક સ્ત્રોતનો ઉપયોગ કરવો

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો