પાટણ / પાટણમાં કિર્તિદાન-રાજભાના ડાયરામાં ચલણી નોટોનો વરસાદ, આખુ સ્ટેજ રૂપિયાથી ઉભરાયું

પાટણ ખાતે ગતરોજ ગોશાળાના હિતાર્થે ભવ્ય લોકડાયરાનું આયોજન કરવામાં આવ્યું હતું. કાર્યક્રમ દરમિયાન કિર્તિદાન ગઢવી, રાજભા ગઢવી અને રાજદાન ગઢવીએ સૂર અને સંગીતની મોહક મહેફિલ માણવી દીધી હતી. તેમની મંડપમાં ઉમટી પડેલ ભક્તોમાં ઉત્સાહનો માહોલ જોવા મળ્યો હતો. જનમેદનીએ ખુશી વ્યક્ત કરતા ચલણી નોટોના વરસાદથી સ્ટેજ રૂપિયાથી છલકાઈ ગયું હતું. 50, 100 અને 500 રૂપિયાની નોટોથી સ્ટેજ ઉભરાઈ જવા પામ્યું હતું.

છઠ્ઠા દિવસે લોક ડાયરો યોજાયો

પાટણના અનાવાડામાં હરિઓમ ગૌશાળા લાભાર્થે રમેશભાઈ ઓઝાના વ્યાસપીઠે શ્રીમદ્ ભાગવત કથા ચાલી રહી છે. કથાના છઠ્ઠા દિવસે હરિઓમ ગૌશાળા અને ગૌ હોસ્પિટલના લાભાર્થે લોક ડાયરાનું આયોજન કરવામાં આવ્યું હતું. જેમાં સુપ્રસિદ્ધ કલાકારો કીર્તિદાન ગઢવી, રાજભા ગઢવી અને રાજદાન ગઢવી સહિતનાઓએ ડાયરાની રમઝટ બોલાવી હતી.

આ પણ વાંચોઃ અમિત શાહના હસ્તે વસ્ત્રાપુર તળાવનું લોકાર્પણ, નરસિંહ મહેતા સરોવર નામ અપાયું, 1 જાન્યુ.થી ઓપન

નોટોનો વરસાદ કર્યો

લોક ડાયરો બીમાર ગૌમાતા અને ગૌશાળાના લાભાર્થે યોજાયો હતો. કલાકારોએ ભજન અને ગીતોની રમઝટ બોલાવી હતી.લોકોએ 50, 100 અને 500ની ચલણી નોટોનો વરસાદ કર્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ