જળબંબાકાર / સુરતના લિંબાયત વાદળ ફાટ્યું! સાડા ચાર ઇંચ વરસાદ ખાબકી પડ્યો, અનેક વિસ્તાર ગળાડૂબ

થોડા દિવસોના વિરામ બાદ આજે સવારે સુરત શહેરમાં મોસમાએ ફરીથી સતત વરસાદે શહેરના અનેક વિસ્તારોને પાણીમાં ગરકાવ કરી દીધા છે. ખાસ કરીને નીચાણવાળા વિસ્તારોમાં પાણી ભરાવાને કારણે સામાન્ય જનજીવન ખોરવાયું છે.

ઓમનગરમાં વરસાદી પાણીના દરિયા જેવી સ્થિતિ

લિંબાયત વિસ્તારનું ઓમનગર પાણીની ભયાવહ સ્થિતિનો સામનો કરી રહ્યું છે. અહીં નિકાસ વ્યવસ્થાની અછતને કારણે વરસાદી પાણી ઘરોમાં ઘૂસી ગયું છે, જેના કારણે સ્થાનિકોએ ઘર છોડવાનો વારો આવ્યો છે. અનેક ઘરોમાં લાકડા, ઇલેક્ટ્રોનિક સાધનો અને જરૂરિયાતની ચીજવસ્તુઓ પાણીમાં તણાઈ ગઈ હતી.

છેલ્લા ત્રણ દિવસથી વરસાદી માહોલ છવાયેલો

સુરત શહેરમાં છેલ્લા ત્રણ દિવસથી વરસાદી માહોલ છવાયેલો છે. શહેરના વિવિધ વિસ્તારોમાં ધોધમાર વરસાદ પડ્યો હતો. લિંબાયતમાં એક કલાકમાં સાડા ચારા ઈંચ વરસાદ પડતા જળબંબાકારની સ્થિતિ સર્જાવા પામી હતી. લીંબાયત વિસ્તારમાં લોકોના ઘરોમાં પાણી ઘૂસી જવા પામ્યા હતા. તેમજ અનેક વિસ્તારોમાં ઘુંટણ સમા પાણી ભરાઈ જવા પામ્યા હતા. સુરતના અન્ય વિસ્તારોમાં પણ એક ઈંચથી બે ઈંચ જેટલો વરસાદ પડ્યો હતો.

આ પણ વાંચોઃ ચોટીલા બાનમાં લીધું! ઘાંચીવાડમાં 5 થી 6 લોકોએ લાકડીઓ ફેરવી, મકાનના દરવાજા તોડી સાધનમાં તોડફોડ

વાહન ચાલકોને ભારે મુશ્કેલી

શહેરના કેટલાક મુખ્ય માર્ગો પર વરસાદી પાણી ભરાઈ જતાં વાહનચાલકોને ભારે હાલાકીનો સામનો કરવો પડ્યો. કેટલાક વાહનો રસ્તામાં બંધ પડી ગયાં છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ