સુવિધા / મુસાફરીમાં ડોક્યુમેન્ટ્સ રાખવાની ઝઝંટમાંથી છૂટકારો, ડિજિલોકરમાંથી આધાર-લાયસન્સ બતાવી શકાશેે

ભારતીય રેલવે મુસાફરોની સુવિધા માટે આ પગલું ભર્યું છે. હવેથી તમે ટ્રેનમાં મુસાફરી કરો છો તો ડિજિલોકર એપમાં રહેલ આઈડી પ્રૂફ સંબંધિત દસ્તાવેજને ટિકિટ ચેક કરનાર સ્ટાફને બતાવી શકો છો. ભારત સરકારે ડિજિટલ ઈન્ડિયા અંતર્ગત આ ડિજિલોકર અકાઉન્ટની સુવિધા શરૂ કરી છે.

જાણો કેવી રીતે લાભ ઉઠાવી શકો છો -

મુસાફર હવે M-Aaadhaarને આઈડી પ્રૂફ તરીકે ઉપયોગ કરી શકે છે. ઈન્ડિયન રેલવે કેટરિંગ એન્ડ ટૂરિઝમ કોર્પોરેશન (IRCTC)ની ટ્વીટ અનુસાર, હવે M-Aaadhaar, ઈ- આધાર, ડ્રાઈવિંગ લાઈસન્સ મુસાફરી દરમિયાન માન્ય ગણાશે. 

- યાત્રી મોબાઈલની મદદથી તેમનું વેરિફેક્શન કરાવી શકે છે. તેમાં તમે 1GB સુધીનું ક્લાઉડ સ્પેસ ફ્રી મેળવી શકો છો. આ એપમાં તમે ડોક્યુમેન્ટ સ્કેન કરીને રાખી શકો છો. જરૂર પડવા પર આ ડિજિલોકરનો ઉપયોગ કરી શકો છો.

 

Passengers can now show Digital Aadhaar and Driving License from #DigiLocker as valid proof of identity while undertaking journey through #IndianRailways #DigitalIndia #Aadhaar pic.twitter.com/pIaEqCz1iw

— DigiLocker (@digilocker_ind) February 28, 2020

ડિજિલોકરે ટ્વીટ કરીને જાણકારી આપતા જણાવ્યું કે, હવે ટ્રેનમાં મુસાફરી કરતા યાત્રી ડિજિલોકરથી આધાર અને ડ્રાઈવિંગ લાઈસન્સ આઈડી પ્રૂફ તરીકે બતાવી શકે છે. આ ટ્વીટ બાદ યુનિક આઇડેન્ટિફિકેશન ઓથોરિટી ઓફ ઈન્ડિયા (UIDAI)એ રીટ્વીટ કરી હતી.

આ છે પ્રોસેસ 
સૌથી પહેલા તમારે તમારા ફોનમાં m-Aadhaar ડાઉનલોડ કરવાનું રહેશે. આધાર કાર્ડ હોલ્ડર પ્લેસ્ટોર પરથી m-Aadhaar એપને મોબાઈલ ફોનમાં ડાઉનલોડ કરી શકે છે.

તેનાથી ઓળખની ચકાસણી કરવા માટે આઈડી પ્રૂફ બતાવવાની પ્રક્રિયા સરળ થઈ જાય છે. આ ઈન્ટરફેસ દ્વારા આધારકાર્ડ હોલ્ડર પોતાનું નામ, ઉંમર, ફોટો જેવી જાણકારી ફોનમાં રાખી શકે છે. આ એપ અત્યારે માત્ર એન્ડ્રોઈડ યુઝર્સ માટે ઉપલબ્ધ છે. ios યુઝરને આ એપ માટે થોડી રાહ જોવી પડશે.