સુરેન્દ્રનગર / હવે આવતા ભવમાં મળીશું... કેનાલમાંથી પ્રેમી પંખીડાના મૃતદેહ કાઢ્યા તો બાથ ભીડેલી હતી, સમાજની બીકે યુવક-યુવતીએ આપઘાત કરી લેતા અરેરાટી

• પ્રેમની વેદી પર વધુ યુગલનું આપઘાત
• વઢવાણમાં પ્રેમી પંખીડા કેનાલમાં કૂદી આપઘાત કર્યો
• પોલીસે મૃતદેહને બહાર નીકાળી પી એમ અર્થે ખસેડ્યા

સુરેન્દ્રનગર જિલ્લાના વઢવાણમાં પ્રેમી પંખીડાઓએ આપઘાત કર્યાની ઘટના સામે આવી છે. 20 વર્ષના હર્ષદ નામના યુવક અને 20 વર્ષની લક્ષ્મી નામની યુવતીએ પ્રેમની વેદી પર આપઘાત કર્યાની ઘટના સામે આવી છે. બંન્ને પ્રેમી પખીડા દૂધરેજની કેનાલમાં કૂદી ગયા હતા. જે બંન્ને એકબીજાને બાથ ભીડેલી હોય તેવી હાલતમાં મૃતદેહો મળી આવ્યા છે

યુવક-યુવતીએ આપઘાત કર્યો
પાપ્ત માહિતી મુજબ વઢવાણ નજીક દૂધરેજ કેનાલમાં યુવક યુવતીએ બાથ ભીડીને ઝંપલાવ્યું હતું. જે બનાવની જાણ થતાં પોલીસે ઘટનાસ્થળે પહોંચી તપાસ હાથ ધરી હતી. મૃતદેહને બહાર નીકાળીને પોસ્ટમોર્ટમ અર્થ રાજકોટ ખાતે ખસેડવામાં આવ્યા હતા. જો કે, યુવક-યુવતી ઓળખ અંગે તપાસ હાથ ધરાતા જાણવા મળ્યું હતું કે, વઢવાણ દૂધની ડેરી નજીક નવા દરવાજા પાસે હર્ષદ મનોજ સીતાપર નામનો યુવક અને યુવતી તેની પડોશમાં રહેતી લક્ષ્મી પ્રહલાદ નંદેસરીયા છે. 

પોલીસ તપાસ હાથ ધરી
આ બંન્ને પ્રેમી પંખીડા ઘરેથી નાંસી છૂટ્યા હતાં. જે બંન્ને ન મળતા પરિવારજનોએ ગુમ થયાની પોલીસને જાણ કરી હતી. જો કે, યુવક-યુવતીએ સજોડ કેનાલમાં પડતું મૂકી જીવન સંકેલી લીધું હતું, જો કે, બંન્નના મૃતદેહ કોહવાઈ ગયેલા હાલતમાં મળી આવ્યા હતા. જો કે, પોલીસ બંન્ને મૃતદેહને પોસ્ટ મોર્ટમ અર્થે ખસેડ્યા છે. સમગ્ર ઘટનાને પગલે અરેરાટી વ્યાપી જવા પામી છે