5 ફોટો ગેલેરી

તમારા કામનું / સરકાર આપી રહી છે ગેરંટી વગર ₹3 લાખ સુધીની લોન, વ્યાજમાં પણ મળી શકે સબસિડી; જાણો કોણ લઈ શકે લાભ અને અરજીની રીત

Last Updated: 02:12 PM, 21 September 2026

FOLLOW ON

શેર કરો

જો તમે તમારો પોતાનો વ્યવસાય શરૂ કરવા માંગો છો, પરંતુ નાણાકીય મર્યાદાઓને કારણે મુશ્કેલીઓનો સામનો કરી રહ્યા હોય, તો સરકાર તમને મદદ કરવા માટે તૈયાર છે. આવા વ્યક્તિઓની ચિંતાઓ દૂર કરવા માટે, નરેન્દ્ર મોદીના નેતૃત્વવાળી કેન્દ્ર સરકાર એક વિશેષ યોજના ચલાવી રહી છે જે કુશળ કામદારોને 3 લાખ રુપિયા સુધીની કોલેટરલ-ફ્રી લોન પૂરી પાડે છે.

1/5

1. સ્કીમમાં સામેલ આ 18 નાના બિઝનેસ

વડાપ્રધાન નરેન્દ્ર મોદીએ 17 સપ્ટેમ્બર, 2023ના રોજ 'પીએમ વિશ્વકર્મા યોજના'નો શુભારંભ કર્યો હતો, જેનો ઉદ્દેશ્ય કુશળ વ્યક્તિઓને પોતાનો વ્યવસાય શરૂ કરવા માટે આર્થિક સહાય પૂરી પાડવાનો છે. આ યોજનામાં 18 જેટલા વ્યવસાયોનો સમાવેશ થાય છે અને તે ગ્રામીણ તેમજ શહેરી વિસ્તારોના કારીગરો અને હસ્તકલાકારોને સહાય પૂરી પાડે છે. તેમાં કડિયા, સુથાર, હોડી બનાવનારા, લુહાર, તાળાં બનાવનારા, કુંભાર (માટીના વાસણો અને અન્ય વસ્તુઓ બનાવનારા), શિલ્પકારો, માછીમારીની જાળ બનાવનારા અને રમકડાં બનાવનારા વગેરેનો સમાવેશ થાય છે.

આ તસવીર શેર કરો

2/5

2. 3 લાખની લોન આપે છે મોદી સરકાર

પીએમ વિશ્વકર્મા યોજના હેઠળ, મોદી સરકાર 3 લાખ રુપિયા સુધીની લોન પૂરી પાડે છે, જે બે તબક્કામાં આપવામાં આવે છે. પ્રથમ તબક્કામાં વ્યવસાય શરૂ કરવા માટે 1 લાખ રુપિયાની લોન આપવામાં આવે છે, અને ત્યારબાદ બીજા તબક્કામાં વ્યવસાયના વિસ્તરણ માટે વધારાની 2 લાખ રુપિયાની લોન મળે છે. આ સરકારી લોન પર વ્યાજનો દર માત્ર 5 ટકા રાખવામાં આવ્યો છે. આ યોજનાની એક મુખ્ય વિશેષતા એ છે કે આ લોન 'કોલેટરલ-ફ્રી' છે. એટલે કે, તે મેળવવા માટે તમારે કોઈ સંપત્તિ ગીરો મૂકવાની જરૂર નથી.

આ તસવીર શેર કરો

3/5

3. 'પીએમ વિશ્વકર્મા' પ્રમાણપત્ર

મોદી સરકારની આ યોજના હેઠળ માત્ર લોન જ આપવામાં આવતી નથી, પરંતુ 18 વિવિધ વ્યવસાયોના કુશળ વ્યક્તિઓને માસ્ટર ટ્રેનર્સ દ્વારા તાલીમ પણ આપવામાં આવે છે. તાલીમની સાથે 500 રુપિયાનું સ્ટાઈપેન્ડ પણ આપવામાં આવે છે. આ ઉપરાંત, લાભાર્થીઓને 'પીએમ વિશ્વકર્મા' પ્રમાણપત્ર અને ઓળખ કાર્ડ મળે છે, પાયાની અને અદ્યતન તાલીમ દ્વારા કૌશલ્યમાં વૃદ્ધિ થાય છે, તેમજ 15,000 રુપિયાની કિંમતની ટૂલકિટ પણ પ્રાપ્ત થાય છે.

આ તસવીર શેર કરો

4/5

4. Loan માટે જોઇશે આ ડોક્યુમેન્ટ્સ

આ માટે અરજી કરવા માટે માત્ર આધાર કાર્ડ, પાન કાર્ડ, આવકનું પ્રમાણપત્ર, જાતિનું પ્રમાણપત્ર, ઓળખનો પુરાવો, રહેઠાણનો પુરાવો, પાસપોર્ટ સાઈઝનો ફોટોગ્રાફ, બેંક પાસબુક અને માન્ય મોબાઈલ નંબરની જરૂર છે.

આ તસવીર શેર કરો

5/5

5. કેવી રીતે કરી શકાય છે લોન માટે એપ્લાય?

મોદી સરકારની યોજના માટે અરજી કરવા માટે, અરજદારે નિર્ધારિત 18 વ્યવસાયોમાંથી કોઈ એક સાથે સંકળાયેલા હોવું આવશ્યક છે. અરજી માટેની વય મર્યાદા 18 થી 50 વર્ષની છે. લોન માટેની અરજીઓ વેબસાઇટ (pmvishwakarma.gov.in) દ્વારા સબમિટ કરી શકાય છે. હોમપેજ પરના 'PM Vishwakarma Kaushal Samman Yojana' વિભાગમાં ઉપલબ્ધ 'Apply Online' વિકલ્પ પર ક્લિક કરો. તમારે રજિસ્ટ્રેશન કરાવવી પડશે; નોંધણી નંબર અને પાસવર્ડ તમારા રજિસ્ટર્ડ મોબાઈલ નંબર પર SMS દ્વારા મોકલવામાં આવશે. રજિસ્ટ્રેશન ફોર્મ કાળજીપૂર્વક વાંચો અને ભરો, સંબંધિત દસ્તાવેજો જોડો અને તેને સબમિટ કરો.

આ તસવીર શેર કરો

સંકળાયેલા મુદ્દાઓ

pm vishwakarma yojana loan collateral free complete 3 years gives 3 lakh rupee