મહામારી / PM મોદીના કાકી નર્મદાબેનનું કોરોનાથી નિધન, સિવિલ હોસ્પિટલમાં 10 દિવસથી હતા સારવાર હેઠળ

Hiren

Last Updated: 08:32 PM, 27 April 2021

FOLLOW ON

શેર કરો

પ્રધાનમંત્રી નરેન્દ્ર મોદીના કાકી નર્મદાબેનનું કોરોનાથી નિધન થયું છે. તેઓ અમદાવાદની સિવિલ હોસ્પિટલમાં 10 દિવસથી સારવાર હેઠળ હતા.

પ્રધાનમંત્રી મોદીના પરિવારના સભ્યનું કોરોનાથી નિધન
પ્રધાનમંત્રી મોદીના કાકી નર્મદાબેનનું સારવાર દરમિયાન નિધન
અમદાવાદની સિવિલ હોસ્પિટલમાં લઇ રહ્યા હતા સારવાર

પ્રધાનમંત્રી નરેન્દ્ર મોદીના કાકી નર્મદાબેન મોદીનું મંગળવારે અમદાવાદ સિવિલ હોસ્પિટલમાં નિધન થયું છે. તેઓ કોરોના વાયરસથી સંક્રમિત હતા. નર્મદાબેનનું 80 વર્ષની વયે નિધન થયું છે. તેઓ અમદાવાદના ન્યૂ રાણીપ વિસ્તારમાં રહેતા હતા.

પ્રધાનમંત્રીના નાના ભાઇ પ્રહ્લાદ મોદીએ કહ્યું કે, કોરોના વાયરસ સંક્રમણથી તબિયત બગડતા અમારા કાકી નર્મદાબેનને અંદાજિત 10 દિવસ પહેલા સિવિલ હોસ્પિટલમાં દાખલ કરવામાં આવ્યા હતા.

પ્રહ્લાદ મોદીએ કહ્યું કે, તેમણે આજે હોસ્પિટલમાં અંતિમ શ્વાસ લીધા. તેમણે કહ્યું કે, તેમના કાકીના પતિ જગજીવનદાસ, પ્રધાનમંત્રી નરેન્દ્ર મોદીના પિતા દામોદરદાસના ભાઈ હતા અને તેમનું કેટલાક વર્ષ પહેલા મૃત્યુ થઇ ગયું હતું.

સંકળાયેલા મુદ્દાઓ

Coronavirus PM modi કોરોના વાયરસ પીએમ મોદી coronavirus