બ્રેકિંગ ન્યુઝ
બ્રેકિંગ ન્યુઝ
Last Updated: 04:20 PM, 21 June 2026
FOLLOW ON
શેર કરો
સમગ્ર દેશમાં આજે લાખો વિદ્યાર્થીઓ ભવિષ્યની તબીબી કારકિર્દી માટેની સૌથી મોટી પરીક્ષા NEET-UG 2026 આપી રહ્યા છે. આ દરમિયાન વડાપ્રધાન નરેન્દ્ર મોદીની એક સંવેદનશીલ અને પ્રશંસનીય પહેલ સોશિયલ મીડિયાથી લઈને રાજકીય ગલિયારાઓમાં ભારે ચર્ચા જગાવી રહી છે. પશ્ચિમ બંગાળના પ્રવાસેથી પરત ફરીને વડાપ્રધાન આજે બપોરે આશરે 1:15 PM વાગ્યે દિલ્હી એરપોર્ટ પર લેન્ડ થયા હતા. પ્રોટોકોલ મુજબ તેમણે તુરંત જ પોતાના સરકારી આવાસ તરફ રવાના થવાનું હતું, પરંતુ દિલ્હીના રસ્તાઓ પર NEET પરીક્ષાના કેન્દ્રો તરફ જઈ રહેલા વિદ્યાર્થીઓની ભારે ભીડ અને વાહનોની અવરજવરને જોતા વડાપ્રધાને માનવતાવાદી અભિગમ અપનાવ્યો હતો.
ADVERTISEMENT
After arriving at Delhi Airport at 1:15 PM today, Prime Minister Narendra Modi chose to wait at the airport instead of heading directly to his residence.
— ANI (@ANI) June 21, 2026
With the NEET examination was scheduled to begin at 2 PM, he delayed his departure to ensure students faced no inconvenience… pic.twitter.com/ioyGnJT7g6
વડાપ્રધાનના કાફલાના કારણે રસ્તાઓ બંધ ન થાય અને પરીક્ષા કેન્દ્રો તરફ દોડી રહેલા વિદ્યાર્થીઓ ટ્રાફિક જામમાં ફસાઈને પરીક્ષાથી વંચિત ન રહી જાય, તેવા ઉદ્દેશ્યથી પીએમ મોદીએ લગભગ 45 Minutes સુધી એરપોર્ટ પર જ રોકાઈ રહેવાનો નિર્ણય કર્યો હતો. બપોરે 2:00 PM વાગ્યે જ્યારે દેશભરમાં પરીક્ષા સત્તાવાર રીતે શરૂ થઈ ગઈ, ત્યારપછી જ વડાપ્રધાનનો કાફલો એરપોર્ટથી તેમના આવાસ તરફ રવાના થયો હતો.
ADVERTISEMENT
ADVERTISEMENT
બીજી તરફ, દેશભરમાં રવિવારે બપોરે 2:00 PM વાગ્યે NEET-UG 2026 ની રી-એક્ઝામ શાંતિપૂર્ણ માહોલમાં શરૂ થઈ ગઈ છે, જે સાંજે 5:15 PM વાગ્યા સુધી ચાલશે. આ વખતે નેશનલ ટેસ્ટિંગ એજન્સી (NTA) એ વિદ્યાર્થીઓને સામાન્ય સમય કરતાં 15 મિનિટનો વધારાનો સમય આપ્યો છે, જેથી પરીક્ષાનો કુલ સમયગાળો હવે 3 Hours 15 મિનિટનો થયો છે.
પરીક્ષાને સંપૂર્ણપણે લીકપ્રૂફ અને પારદર્શક બનાવવા માટે NTA દ્વારા અભૂતપૂર્વ વ્યવસ્થા કરવામાં આવી છે. ભારતના 551 શહેરોમાં આવેલા 5,440 પરીક્ષા કેન્દ્રો અને વિદેશના 14 કેન્દ્રો પર આ પરીક્ષા લેવાઈ રહી છે. કુલ 95,000 થી વધુ વર્ગખંડોમાં પરીક્ષા ચાલી રહી છે અને તમામ રૂમમાં મળીને દેશભરમાં કુલ 1,38,560 સીસીટીવી કેમેરા લગાવવામાં આવ્યા છે. આ કેમેરાનું લાઈવ મોનિટરિંગ રાષ્ટ્રીય, રાજ્ય અને શિક્ષણ મંત્રાલય સ્તરે બનાવવામાં આવેલા વર્ચ્યુઅલ કંટ્રોલ રૂમ દ્વારા સીધું કરવામાં આવી રહ્યું છે. વળી, હાઈટેક નકલખોરોને રોકવા માટે સેન્ટર્સ પર 51,311 જૅમર પણ એક્ટિવ કરી દેવાયા છે. સંવેદનશીલ વિસ્તારોમાં પોલીસ, અર્ધસૈનિક દળો અને ડ્રોનની મદદથી સઘન સુરક્ષા કવચ તૈયાર કરાયું છે.
ADVERTISEMENT
ADVERTISEMENT
મેડિકલ પ્રવેશ માટેની આ વર્ષની સફર ભારે વિવાદો અને ઉતાર-ચઢાવ ભરેલી રહી છે:
3 May 2026: આ દિવસે NEET-UG 2026 ની મૂળ પરીક્ષા લેવામાં આવી હતી.
ADVERTISEMENT
પેપર લીક અને આક્રોશ: પરીક્ષા બાદ દેશભરમાં પેપર લીકના ગંભીર આરોપો લાગ્યા, જેને લઈને વિદ્યાર્થીઓએ ઉગ્ર વિરોધ પ્રદર્શનો કર્યા હતા.
12 May 2026: આંતરિક તપાસ અને પેપર લીકના પુરાવા મળ્યા બાદ NTA એ આખી પરીક્ષા રદ કરવાનો મોટો નિર્ણય લીધો, જેના કારણે 23 લાખથી વધુ વિદ્યાર્થીઓ અનિશ્ચિતતામાં મુકાયા હતા.
15 May 2026: કેન્દ્રીય શિક્ષણ મંત્રી ધર્મેન્દ્ર પ્રધાને સંસદ અને મીડિયા સમક્ષ સત્તાવાર જાહેરાત કરી કે NEET-UG ની પ્રક્રિયાને નવેસરથી મજબૂત કરીને 21 June 2026 ના રોજ પુનઃપરીક્ષા લેવામાં આવશે.
આ પણ વાંચોઃ સ્કાયમેટ આગાહી / 24થી 26 જૂન વચ્ચે ચોમાસું આ સ્થળે પહોંચશે ચોમાસું, સ્કાયમેટે કરી આગાહી
NEET-UG એ ભારતની સૌથી મોટી અને એકમાત્ર તબીબી પ્રવેશ પરીક્ષા છે. આ પરીક્ષા પાસ કર્યા બાદ જ દેશની તમામ સરકારી અને ખાનગી મેડિકલ કોલેજો, ડેન્ટલ કોલેજો તેમજ આયુષ (આયુર્વેદ, યોગ, યુનાની, સિદ્ધ અને હોમિયોપેથી) ના સ્નાતક કક્ષાના અભ્યાસક્રમોમાં પ્રવેશ મળે છે. આજના દિવસે દેશના આશરે 23 લાખથી વધુ વિદ્યાર્થીઓ ફરીથી પરીક્ષા આપી રહ્યા છે. આ પરીક્ષામાં સફળ થનારા વિદ્યાર્થીઓને મેરિટના આધારે MBBS, BDS, BAMS, BHMS જેવા પ્રતિષ્ઠિત મેડિકલ કોર્સોમાં એડમિશન આપવામાં આવશે.
સંકળાયેલા મુદ્દાઓ
વધુ વાંચો
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
