દિલ્હી / દુનિયા Made in India વિમાનની ચર્ચા કરશે, PM મોદીએ કેપ્ટન સ્મિત મચ્છર પર આપ્યું મોટું નિવેદન

પ્રધાનમંત્રી નરેન્દ્ર મોદીએ તેમના નેતૃત્વની 25મી વર્ષગાંઠ નિમિત્તે ભારતીય પાયલોટ કેપ્ટન સ્મિત મચ્છરની બહાદુરીની પ્રશંસા કરી. તેમણે કહ્યું કે આજે આખી દુનિયા એક ભારતીય પાઈલટ વિશે વાત કરી રહી છે, અને તે દિવસ આવશે જ્યારે દુનિયા 'મેડ ઇન ઇન્ડિયા' વિમાનો વિશે વાત કરશે.

પહેલા પણ બહાદુરીની પ્રશંસા

પ્રધાનમંત્રીએ કેપ્ટન સ્મિત મચ્છરની બહાદુરીની પ્રશંસા પહેલા પણ ઘણી વખત કરી છે. ફ્લાયદુબઈ ફ્લાઇટમાં કો- પાઈલટ દ્વારા કરવામાં આવેલા જીવલેણ હુમલામાં ગંભીર રીતે ઘાયલ થયા હોવા છતાં, સ્મિતે સમજદારી બતાવી અને કોકપીટનો દરવાજો ખોલવામાં સફળ રહ્યા. તેમના પ્રયાસોથી મુસાફરો અને અન્ય ક્રૂ સભ્યો ભાગી શક્યા, જેના કારણે વિમાનમાં સવાર તમામ 174 મુસાફરોનો જીવ બચી ગયો.

સમગ્ર દેશને સ્મિત પર ગર્વ

પ્રધાનમંત્રી મોદીએ સોશિયલ મીડિયા પ્લેટફોર્મ X પર કેપ્ટન સ્મિતને હીરો પણ કહ્યા હતા. તેમણે કહ્યું કે સમગ્ર ભારતને તેમની અદમ્ય હિંમત અને બહાદુરી પર ગર્વ છે.

આ પણ વાંચો : ''શું આ પોલીસના બાપની પેઢી છે?'', પોસ્ટર વૉર વચ્ચે વિફર્યા સાંસદ ગેનીબેન ઠાકોર

પીએમ મોદીએ કેપ્ટન સ્મિત સાથે વીડિયો કોલ પર વાત કરી

2 ઓક્ટોબર, ગાંધી જયંતિના રોજ, પીએમ મોદીએ અબુ ધાબીની એક હોસ્પિટલમાં સારવાર લઈ રહેલા કેપ્ટન સ્મિત સાથે લગભગ નવ મિનિટ સુધી વીડિયો કોલ દ્વારા વાત કરી. તેમણે સ્મિતના સ્વાસ્થ્ય વિશે પૂછપરછ કરી અને તેમને ઝડપથી સ્વસ્થ થવાની શુભેચ્છા પાઠવી. આ વાતચીત દરમિયાન, પીએમ મોદીએ કહ્યું કે સમગ્ર રાષ્ટ્ર તેમના માટે પ્રાર્થના કરી રહ્યું છે.પીએમએ કહ્યું કે ગંભીર ઇજાઓ અને જીવન-મરણની લડાઈ છતાં, સ્મિતે મુસાફરોના જીવ બચાવીને ૧.૪ અબજ દેશવાસીઓને સન્માન આપ્યું. તેમણે કહ્યું કે ભારતના લોકો જીવ લેનારા નથી, પરંતુ જીવન બચાવનારા છે. ગાંધી જયંતીને ટાંકીને પીએમએ એમ પણ કહ્યું કે સ્મિતે પોતાના કાર્યો દ્વારા વિશ્વને અહિંસાના અર્થને દર્શાવ્યો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ