સુરેન્દ્રનગર / થાનગઢના મેળામાં બંદોબસ્તમાંથી 103 જવાનોને ફરજ મોકૂફ કરાયા, કેમ કરાઈ કાર્યવાહી?

થાનગઢના મેળામાં બંદોબસ્તમાંથી ગેરહાજર 103 જવાનોને ફરજ મોકૂફ કરી દેવાયા છે. ગેરહાજરી અંગે સંબંધિત જવાનો પાસે ખુલાસો માગવામાં આવ્યો છે. યોગ્ય અને વાજબી કારણ જણાશે તો ફરજ પર પરત લેવાશે અને જો કારણ સંતોષકારક નહીં જણાય તો આગળની કાયદેસરની કાર્યવાહી કરાશે.

મેળામાં 665 હોમગાર્ડ જવાનોનો બંદોબસ્ત

વિશ્વપ્રસિદ્ધ તરણતરના મેળામાં 665 હોમગાર્ડ જવાનોનો બંદોબસ્ત કરવામાં આવ્યો છે અને 103 જવાનો ગેરહાજર રહ્યાંનું માલૂમ પડતાં તેમને ફરજ મોકૂફ કરી દેવાયા છે.

15 સપ્ટેમ્બરમાં મેળામાં દુર્ઘટના

ઉલ્લેખનીય છે કે 15 સપ્ટેમ્બરમાં તરણતરના મેળામાં એક દુર્ઘટના સર્જાઈ હતી. મોતના કૂવામાં સ્ટેજ પાસેની લોખંડની મોટી એંગલ તૂટી પડી હતી જેને અડફેટ આવતાં 5 લોકોને ઈજા પહોંચી હતી. કેટલાક લોકોએ લોખંડની એંગલને ટેકો આપીને પકડી રાખી હતી જેને કારણે મોટી દુર્ઘટના ટળી ગઈ હતી. ઘટનાને પગલે મેળામાં થોડા સમય માટે અફરાતફરીનો માહોલ જોવા મળ્યો હતો.બનાવથી મેળામાં સુરક્ષા વ્યવસ્થાને લઈને પણ સવાલો ઉઠ્યા હતા.

રાઇડ પરથી પડી જવાથી 12 વર્ષની સગીરાનું મોત

ગત 7 સપ્ટેમ્બરના રોજ વઢવાણના મેળામાં રાઇડ પરથી પડી જવાથી 12 વર્ષની નિહારિકા પરમારનું કરૂણ મોત નીપજ્યું હતું. આટલી મોટી ઘાતક ઘટના બન્યા છતાં તરણેતરના મેળામાં સરકારી નિયમો નેવે મૂકીને રાઇડો શરૂ કરવામાં આવી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ