રાજીપો / 'વિરોધીઓ સમજી ગયા કે આપડું કશું ચાલશે નહીં', દ્વારકામાં મેગા ડિમોલિશનની કામગીરીને PM મોદીએ વખાણી

• બેટ દ્વારકા ડિમોલિશનને લઇ PM મોદીનું નિવેદન
• PM મોદીએ ડિમોલિશન કામગીરીના કર્યા વખાણ
• હમણાં સમુદ્ર કિનારા પર સફાઇ ચાલી રહી છેઃ PM 

ગુજરાત પ્રવાસ દરમિયાન આજે વડાપ્રધાનનું હાલારની ભૂમિ પર આગમન થયું હતું. જેને લઇને જામનગર શહેરમાં દિવાળી જેવા માહોલ છવાયો હતો. જામનગરવાસીઑ માટે આજની ઘડી રડિયામણી અને સોનાના સૂરજ સમાન છે. કારણ કે આજે 1 હજાર 448 કરોડના વિકાસ કાર્યોનું લોકાર્પણ અને ખાતમુહૂર્ત પ્રધાનમંત્રી મોદી દ્વારા કરાયું હતું.  આ દરમિયાન પ્રધાનમંત્રી નરેન્દ્ર મોદીના હસ્તે જામનગર ખાતે સૌરાષ્ટ્રને પાણીદાર ભેટ આપી સૌની યોજનાના બીજા-ત્રીજા તબક્કાનું લોકાર્પણ ઉપરાંત 1448 કરોડના વિકાસના વિવિધ પ્રોજેક્ટ્સનું ખાતમુહૂર્ત અને ઇ લોકાર્પણ કરવામાં આવ્યું હતું. 

સમુદ્ર પટ્ટા પર ગેરકાયદેસર બાંધકામો હટાવ્યા છેઃ PM
આ દરમિયાન  પ્રધાનમંત્રી મોદીએ સભાનું સંબોધન કર્યું હતું. જેમાં તેમણે બેટ દ્વારકામાં તંત્ર દ્વારા કરાયેલા મેગા ડિમોલિશનની કામગીરીને મુક્તમને બિરદાવી હતી. મક્કમ મનનો માનવી લીડરશીપ લેતો હોય છે ત્યારે બધા જ વિરોધ વગર સહકાર આપતા હોય છે. જે આ મેગા ડિમોલિશનએ મક્કમ નિર્ણયનું ઉદાહરણ છે. વધુમા ડિમોલિશન મામલે સંતોના નિવેદન સાંભળીને રાજીપો થયો હોવાનું પણ વડાપ્રધાને ઉમેર્યું હતું. 'આખા ગુજરાતના સમુદ્ર કિનારા પર ભૂપેન્દ્રભાઈ સફાઇ કરાવી રહ્યાનું' જણાવ્યું હતું. વિરોધીઑ થોડી જ વારમા સમજી ગયા કે આહી આપડુ કશું ચાલશે નહીં. તેમ ઉમેરી આ મામલે વડાપ્રધાન નરેન્દ્ર મોદીએ મુખ્યમંત્રી ભૂપેન્દ્ર પટેલ અને સરકારને અભિનંદન પાઠવ્યા હતા.
 
બેટ દ્વારકામાં તંત્ર દ્વારા કરાયું મેગા ડિમોલિશન
બેટ દ્વારકામાં તંત્ર દ્વારા મેગા ડિમોલિશન હાથ ધરાયું હતું. જેમાં પાંચ દિવસથી વધુ આ કામગીરી ચાલી હતી અને અત્યાર સુધીમાં 5 કરોડથી વધુ કિંમતની જમીન પરનું દબાણ દૂર કરાયું છે. જયા 30 જેટલાં ધાર્મિક સ્થાનો પર બુલડોઝર ફરી ચૂક્યું છે. મેગા ડિમોલિશનમાં ગોડાઉન અને ગેરકાયદેસર મકાનો તોડી પડાયા હતા. ઑપરેશન ક્લિન અપ દ્વારા બેટ દ્વારકામાં તમામ દબાણો દૂર કરવાની કામગીરી હાથ ધરી બેટ દ્વારકામાં એક લાખ ફૂટથી વધુ જમીન ઉપર ગેરકાયદેસર જમીનો પરના દબાણો તોડી પડાયા છે.