Madhyapradesh / બીજું બધુ પછી, તુલારામની કચોરી પહેલા...: MPના આ ગામની જૂની યાદો વિશે PM મોદીએ કર્યો ઉલ્લેખ, હવે દુકાને ઉમટી પડી ભીડ

• પ્રધાનમંત્રીએ ફેમસ હલવાઈ તુલારામની કચોરીને યાદ કરી
• ‘બીજું બધુ પછી, તુલારામની કચોરી પહેલા...’
• ‘બીજી વાર આવીશ ત્યારે તુલારામની કચોરી જરૂરથી ખાઈશ’

પ્રધાનમંત્રી નરેન્દ્ર મોદીએ શાજાપુર શહેરના બાપુની કુટીર પાસેના મેદાન પર ચૂંટણી સભાને સંબોધન કરતા જણાવ્યું હતું કે, ‘હું અહીંયા આવતો હતો. શાજાપુરના લોકો માટે દાળબાટી, દૂધ જલેબીનું શું મહત્ત્વ છે, તે મને ખબર છે. બીજું બધુ પછી, તુલારામની કચોરી પહેલા...’

પ્રધાનમંત્રી નરેન્દ્ર મોદીએ તેમના રાજનૈતિક ભાષણમાં માલવાના ફેમસ હલવાઈ તુલારામની કચોરીને યાદ કરી હતી કે, જનસંઘ સમયે શાજાપુર આવ્યો હતો, ત્યારે માલવાની પ્રસિદ્ધ દાળબાટી અને તુલારામની કચોરી ખાધી હતી. આજે મારી પાસે વધુ સમય નથી. 3 ડિસેમ્બરે ચૂંટણી પછી દિવાળી ઊજવીશું અને બીજી વાર આવીશ ત્યારે અહીંયાની દાળબાટી અને તુલારામની કચોરી જરૂરથી ખાઈશ.

જનસભા સમાપ્ત થયા પછી શહેરવાસીઓએ તુલારામજી પાસે જઈને આ વાતની જાણકારી આપી અને કચોરી ખાવાની ઈચ્છા વ્યક્ત કરી હતી. 

1990માં પહેલી વાર ટેસ્ટ કરી હતી
તુલારામજીએ આ બાબતે જણાવ્યું કે, ‘તે સમયે નરેન્દ્ર મોદી પ્રધાનમંત્રી અને મુખ્યમંત્રી નહોતા. ત્યારે તેઓ શાજાપુરમાં પ્રચારક તરીકે આવ્યા હતા અને અમારી દુકાન પર કચોરી ખાધી હતી. તે સમયે અહીંયા ગ્રાહકોની ભીડ થતી હતી. હવે તો દુકાન બંધ કરી દીધી છે અને ઘરે જ કચોરી બનાવીએ છીએ. મને ખુશી થાય છે કે, પ્રધાનમંત્રી બન્યા પછી પણ તેમને આ સ્વાદ યાદ છે. વિશાળ જનસમુદાય સામે મને યાદ કરીને મારા સમ્માનમાં વધારો કર્યો છે. તે માટે તેમનો ખૂબ ખૂબ આભાર.’ હવે તુલારામજીનો દીકરો જ આ કામ સંભાળે છે. 

1997માં પણ સ્વાદ લીધી હતો
મધ્યપ્રદેશ ભાજપના પ્રભારી રહી ચૂકેલ નરેન્દ્ર મોદી શાજાપુરમાં ‘મારૂ બૂથ સૌથી મજબૂત’ માટે આવ્યા હતા. ત્યારે મોદીજી ભોપાલમાં ગયા ત્યારે કચોરી લઈને ગયા હતા અને તુલારામજીની કચોરીનો સ્વાદ લીધો હતો.