હિમાચલ પ્રદેશ / PM મોદીએ ખેડૂત બિલ પર સંબોધન આપતા કહ્યું- ગત સદીના નિયમો અને કાયદાઓથી આગામી સદીમાં ન પહોંચી શકાય

• હિમાચલ પ્રદેશના કુલ્લૂ સ્થિત સોલંગ ઘાટીમાં પ્રધાનમંત્રીએ જનસભાને સંબોધિ
• કોંગ્રેસ માટે ચૂંટણી સામે હતી, અમારા માટે દેશના ખેડૂતો સામે છેઃ પીએમ મોદી
• ગત સદીમાં જીવવું છે તો તેમને જીવવા દો, દેશ અટકવાનો નથીઃ મોદી

હિમાચલ પ્રદેશના કુલ્લૂ સ્થિત સોલંગ ઘાટીમાં પ્રધાનમંત્રી નરેન્દ્ર મોદીએ એક જનસભાને સંબોધિત હતી. આ પહેલા તેમણે અટલ સુરંગનું ઉદ્ધાટન કર્યું અને લાહોરના સિસ્સૂ ગામમાં પણ એક જનસભાને સંબોધિ હતી. સોલંગની જનસભામાં પીએમ મોદીએ કહ્યું કે, એટલા માટે સમાજ અને વ્યવસ્થાઓમાં ફેરફારના વિરોધી જેટલી પણ પોતાના સ્વાર્થની રાજનીતિ કરે, દેશને આત્મનિર્ભર બનાવવા માટે સુધારાનો સિલસિલો સતત ચાલતો રહેશે.

આવા અનેક સુધારાઓથી લોકોનો સમય અને પૈસા બન્ને બચે છેઃ પીએમ મોદી

સોલંગ ઘાટીના લોકોને સંબોધિત કરી રહેલા પ્રધાનમંત્રીએ કેન્દ્ર સરકારની અલગ અલગ યોજનાઓથી લોકોને થઇ રહેલા ફાયદાઓને ગણાવતા કહ્યું કે, તેમની સરકારના પ્રયાસો છે કે સામાન્ય લોકોની મુશ્કેલીઓ કેવી રીતે ઓછી અને તેમને પોતાના હકનો પૂરો લાભ કેમ મળે? તેમણે કહ્યું કે, આવા અનેક સુધારાઓથી લોકોનો સમય અને પૈસા બન્ને બચી રહ્યાં છે અને ભ્રષ્ટાચારના રસ્તા પણ બંધ થઇ રહ્યા છે. દેશમાં આજે જે સુધારા કરવામાં આવી રહ્યા છે, તેનાથી એવા લોકો મુશ્કેલીમાં મુકાયા છે, જેમણે હંમેશા પોતાના રાજકીય હિતો માટે કામ કર્યું છે.

ગત સદીમાં જીવવું છે તો તેમને જીવવા દો, દેશ અટકવાનો નથીઃ મોદી

પીએમએ કહ્યું કે, સુધારાઓ અને વ્યવસ્થાઓમાં ફેરફારના વિરોધીઓ પોતાના સ્વાર્થની જેટલી પણ રાજનીતિ કરી લે, આ દેશ અટકવાનો નથી. મોદીએ કહ્યું કે, કૃષિ સુધાર કાયદાઓનો વિરોધ કરનારા કહે છે કે, યથાસ્થિતિ બનાવી રાખો. સદી બદલી ગઇ પરંતુ તેમના વિચારો નથી બદલ્યા. હવે સદી બદલી ગઇ છે તો વિચાર પણ બદલવા પડશે. ગત સદીમાં જીવવું છે તો તેમને જીવવા દો,પરંતુ દેશ આજે પરિવર્તન માટે પ્રતિબદ્ધ છે. 

પ્રધાનમંત્રીએ કહ્યું કે, આ તે સુધાર છે જેમણે કોંગ્રેસે પણ વિચાર્યો હતો પરંતુ તેમણે લાગૂ કરવામાં તેમને રાજકીય ઇચ્છાશક્તી નહોતી. તેમનામાં હિમ્મતની અછત હતી, અમારી અંદર હિમ્મત છે. તેમની માટે ચૂંટણી સામે હતી, અમારા માટે દેશના ખેડૂતો સામે છે.