નવરાત્રી પારણા / નવરાત્રીમાં ઉપવાસ કરતાં લોકો ખાસ જાણી લેજો: પારણા કરતાં સમયે ભૂલથી પણ કરવી જોઈએ આ ભૂલો, જાણો ક્યારે અને શું ખાવું

• 23 ઓક્ટોબર 2023ના રોજ નવમીના દિવસે શારદીય નવરાત્રી પૂર્ણ થશે
• નવમીના દિવસે માઁ દુર્ગાની વિશેષ પૂજા કરવામાં આવે છે
• દિવસ વ્રત કર્યા પછી પારણા ક્યારે કરવા?

આજે શારદીય નવરાત્રીની સાતમ છે, આવતીકાલે મહાઅષ્ટમી છે. 23 ઓક્ટોબર 2023ના રોજ નવમીના દિવસે શારદીય નવરાત્રી પૂર્ણ થશે. અષ્ટમી અને નવમીના દિવસે માઁ દુર્ગાની વિશેષ પૂજા કરવામાં આવે છે અને કન્યાઓને ભોજન કરાવવામાં આવે છે. 9 દિવસ વ્રત કર્યા પછી પારણા ક્યારે કરવા તે અંગે અહીંયા જણાવવામાં આવ્યું છે.  

નવરાત્રી પારણા
જે લોકો માત્ર આઠમનું વ્રત કરે તેઓ 23 ઓક્ટોબરના રોજ સવારે પારમાં કરશે. જે લોકો 9 દિવસ વ્રત કરે છે, તે લોકોએ દશેરાની જગ્યાએ નવમીના દિવસે પારણા કરવા જોઈએ. આ વર્ષે 24 ઓક્ટોબરના રોજ મંગળવારે દશેરા છે. માનવામાં આવે છે કે, જે લોકો 9 દિવસ વ્રત કરે છે, તેમણે મંગળવારે પારણા ના કરવા જોઈએ. આ કારણોસર આ વર્ષે નવમીના દિવસે સાંજે માઁ દુર્ગાની પૂજા કર્યા પછી પારણા કરી લેવા.

નવરાત્રી પારણા સમય
પંચાંગ અનુસાર 23 ઓક્ટોબરના રોજ નવમીના દિવસે સોમવારે બપોરે 03:10 વાગ્યા સુધી જ છે. ત્યારપછી દશેરા શરૂ થશે. આ કારમોસર 9 દિવસ વ્રત કરતા લોકો 23 ઓક્ટોબરના રોજ સોમવારે બપોરે બપોરે 03:10 વાગ્યા પછી વ્રતના પારણા કરી શકે છે. 

પારણામાં શું ખાવું?
નવરાત્રીમાં પૂજાની સાથે સાથે વ્રત અને પારણાનું મહત્ત્વ પણ છે. 9 દિવસ સુધી વ્રત કર્યા પછી પારણા યોગ્ય વિધિ અને યોગ્ય વસ્તુ ખાઈને જ કરવા. નવરાત્રીમાં માતા રાનીને નવમા દિવસે હલવો, પુરી અને ચણાનો ભોગ ધરાવવામાં આવે છે. આ પ્રસાદથી વ્રતના પારણા કરવા તે શુભ માનવામાં આવે છે.