ચૈત્ર મહિનાના કૃષ્ણ પક્ષની એકાદશીએ પાપમોચની એકાદશીનું વ્રત કરવામાં આવે છે. આ વખત આ વ્રત 5 એપ્રિલ એટલે કે આજે છે. આ તિથિ પર જગતના પાલનહાર ભગવાન વિષ્ણુની સાથે ધનની દેવી માતા લક્ષ્મીની પૂજા-અર્ચના કરવામાં આવે છે. સાથે જ જીવનમાં સુખ-શાંતિ માટે વ્રત પણ કરવામાં આવે છે.
માન્યતા છે કે સાધકને પાપમોચની એકાદશી વ્રતનું સંપૂર્ણ ફળ કથાનો પાઠ કરવાથી પ્રાપ્ત થાય છે. માટે આ દિવસે પૂજા વખતે પાપમોચની એકાદશી વ્રત કથાનો પાઠ જરૂર કરવો જોઈએ. એવામાં આવો જાણીએ પાપમોચની એકાદશીની વ્રત કથા.
પાપમોચની એકાદશી 2024 વ્રત કથા
પૌરાણિક કથા અનુસાર એક વખત રાજા માંધાતાએ લોમશ ઋષિને એક પ્રશ્ન કર્યો કે ભૂલથી થયેલા પાપોમાંથી મુક્તિ કેવી રીતે પ્રાપ્ત કરી શકાય છે? તો એવામાં લોમશ ઋષિએ પાપમોચની એકાદશી વ્રત વિશે જણાવ્યું.
કથા અનુસાર એક વખત ચ્યવન ઋષિના પુત્ર મેઘાવી વનમાં તપસ્યા કરી રહ્યા હતા. ત્યારે ત્યાંથી એક અપ્સરા જઈ રહી હતી. જેનું નામ મંજુધોષા હતું. તેની નજર મેઘાવી પર પડી અને તેને જોઈને મોહિત થઈ ગઈ.
ત્યાર બાદ મંજુધોષાએ મેઘાવીને પોતાની તરફ આકર્ષિત કરવા માટે પ્રયત્ન કર્યો. આ કાર્યની મદદ માટે કામદેવન પણ આકાશથી આવ્યા. ત્યારે મેઘાવી પણ મંજૂધોષાની તરફ આકર્ષિત થઈ ગયા. એવામાં તે દેવોના દેવ મહાદેવની તપસ્યા કવાનું ભુલી ગયા તો તેમણે મંજૂધોષાને દોષી માનતા તેમને પિશાચિની થવાનો શ્રાપ આપ્યો. જેનાથી અપ્સરા ખૂબ જ દુખી થઈ.
વધુ વાંચો: ભગવાનને ભોગ ધરાવતી વખતે કેટલી વાર ઘંટડી વગાડવી? જાણો તેના નિયમો
ત્યાર બાદ અપ્સરાએ મેઘાવીની માફી માંગી અને તે વાતને સાંભળીને મેઘાવીએ મંજૂધોષાને ચૈત્ર મહિનાની પાપમોચની એકાદશી વ્રત વિશે જણાવ્યું. મેઘાવીના કહેવાય પર મંજૂઘોષાએ વિધિપૂર્વક પાપમોચની એકાદશીનું વ્રત કર્યું. વ્રતના પુષ્ય પ્રભાવથી અપ્સરાને બધા પાપોમાંથી છુટકારો મળ્યો. આ એકાદશી વ્રતના પ્રભાવથી મંજુધોષા ફરી અપ્સરા બની ગઈ અને સ્વર્ગમાં પાછી જતી રહી. મંજૂધોષાના બાદ મેઘાવીએ પણ પાપમોચની એકાદશીનું વ્રત કર્યું અને પોતાના પાપોને દૂર કર્યા.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
