જાણી લો / Aadhaar સાથે લિંક ન કરાવવા પર PAN Card ડીએક્ટીવ થઈ ગયું છે તો ફરી કેવી રીતે એક્ટીવ કરવું? જાણો આખી પ્રોસેસ

• પાન કાર્ડને આધાર સાથે લિંક કરવાની છેલ્લી તારીખ પૂરી થઈ ગઈ 
• લિંક ન કરાવેલ પાન કાર્ડને 1 જુલાઈથી નિષ્ક્રિય કરી દેવામાં આવ્યા છે
• તમારી પાસે હજુ પણ તેને ફરીથી એક્ટિવ કરવાનો વિકલ્પ છે

પાન કાર્ડને આધાર સાથે લિંક કરવાની છેલ્લી તારીખ પણ પૂરી થઈ ગઈ છે. સરકારે અગાઉ પણ ઘણી વખત આ તારીખ લંબાવી હતી પણ આ વખતે તારીખ લંબાવવામાં આવી નથી. જણાવી દઈએ કે આવકવેરા વિભાગના જણાવ્યા અનુસાર જે લોકોના પાન કાર્ડ હજુ સુધી આધાર સાથે લિંક નથી થયા એ પાન કાર્ડને 1 જુલાઈથી નિષ્ક્રિય કરી દેવામાં આવ્યા છે. જો તમારું PAN કાર્ડ પણ આવી જ રીતે નિષ્ક્રિય થઈ ગયું હોય તો ગભરાવાની કોઈ વાત નથી. કારણ કે તમારી પાસે હજી પણ તેને ફરીથી એક્ટિવ કરવાનો વિકલ્પ છે.

જણાવી દઈએ કે સેન્ટ્રલ બોર્ડ ઓફ ડાયરેક્ટ ટેક્સિસના નોટિફિકેશન મુજબ તમે 1000 રૂપિયાની ફી ચૂકવીને નિષ્ક્રિય પાન કાર્ડને ફરીથી સક્રિય કરી શકો છો. ચાલો જાણીએ કે પાન કાર્ડને ફરીથી સક્રિય કરવાની પ્રક્રિયા શું છે?

કેવી રીતે તપાસવું કે PAN સક્રિય છે કે નહીં?
- જો તમને ખબર નથી કે તમારું PAN કાર્ડ સક્રિય છે કે નિષ્ક્રિય છે, તો તમે તેને ઘરે બેઠા સરળતાથી ઓનલાઈન ચેક કરી શકો છો. આ તપાસવા માટે, 
- પહેલા આવકવેરા ફાઇલિંગ પોર્ટલ incometax.gov.in/iec/foportal/ પર જાઓ. 
- અહીં Quick Links વિભાગમાં, “Verify Your PAN” વિકલ્પ પર ક્લિક કરો. 
- ત્યાં મોબાઈલ નંબર સાથે તમારો PAN નંબર, નામ અને જન્મ તારીખ દાખલ કરો.
- તે પછી "ચાલુ રાખો" પર ક્લિક કરો અને OTP દાખલ કરો. 
- વેરિફિકેશન સફળ થતાની સાથે જ તમે તમારી સ્ક્રીન પર PAN નું સ્ટેટસ જોઈ શકશો 

PAN કેવી રીતે ફરીથી સક્રિય કરવું?
- જો તમારું PAN નિષ્ક્રિય થઈ ગયું છે, તો તેને ફરીથી સક્રિય કરવા માટે, તમારે 
- તે જ પોર્ટલ incometax.gov.in/iec/foportal/ પર જવું પડશે.
- અહીં 'ઈ-પે ટેક્સ' પર જાઓ અને તમારી PAN વિગતો દાખલ કરો. 
- આ પછી CHALLAN NO./ITNS 280 પર જાઓ અને ફી ચૂકવો. 
- આ પછી, મૂલ્યાંકન વર્ષ પસંદ કરો અને સરનામું દાખલ કરો. 
- પછી કેપ્ચા કોડ ભરો અને આગળ વધો ટેબ પર ક્લિક કરો. 
- આ પ્રક્રિયા પૂર્ણ કર્યાના 30 દિવસ પછી તમારું PAN ફરીથી સક્રિય થઈ જશે.