પ્લેન ક્રેશ / PIA પ્લેન ક્રેશમાં આ ખૂબસૂરત મોડલનું મોત, ચાહકોમાં શોકની લાગણી

પાકિસ્તાનમાં શુક્રવારે મોટી વિમાની દુર્ઘટના ઘટી હતી. પાકિસ્તાન ઇન્ટરનેશનલ એરલાઇન્સનું વિમાન ક્રેશ થઇ ગયું હતું. આ દુર્ઘટનાગ્રસ્ત વિમાનમાં 91 યાત્રી સાથે 8 ક્રૂ મેમ્બર હતા. અચાનક વિમાનનું સંતુલન બગડતાં રહેણાંક વિસ્તારમાં જ તે ક્રેશ થઇ ગયું હતું. આ દુર્ઘટનામાં પાકિસ્તાની મોડૅલ ઝારા આબિદનું પણ મૃત્યુ થયું છે. 

• પાકિસ્તાની  મોડૅલ ઝારા આબિદનું અવસાન

ઝારાના મૃત્યુંના સમાચાર મળતાની સાથે જ તેના નજીકના લોકોએ ટ્વિટ કરવાનું શરૂ કરી દીધું હતું, પરંતુ જ્યારે લોકોને સમાચાર મળ્યા કે કેટલાક લોકો સુરક્ષિત છે ત્યારે તેઓએ ટ્વિટ ડિલિટ કરી દીધી હતી અને ઝારા આબિદ માટે દુઆ કરવા લાગ્યા હતા. 

• પત્રકાર ઝૈન ખાનના બે અલગ ટ્વિટ

પાકિસ્તાની પત્રકાર ઝૈન ખાને પણ સામાન્ય લોકોની જેમ બે અલગ અલગ ટ્વિટ કર્યા હતા. પહેલા તેઓએ ટ્વિટ કર્યુ હતું કે ઝારા આબિદ સુરક્ષિત રહેલા કેટલાક વ્યક્તિઓમાંની એક છે, બાદમાં તેમણે કન્ફોર્મ કર્યુ હતું કે ઝારા આબિદ હવે આપણી વચ્ચે નથી રહી. તેમણે ઝારાની મોત પર ખૂબ દુ:ખ વ્યક્ત કર્યુ અને તેમના પરિવાર તેમજ મિત્રો પ્રત્યે સંવેદના વ્યક્ત કરી હતી. 

• ઝારાના મોતથી શોકની લાગણી છવાઇ

પ્લેન ક્રેશ થવાના કેટલાક સમય પહેલા કંન્ટ્રોલ રૂમમાંથી પાયલોટે એન્જીન ખરાબ હોવાની સૂચના આપી હતી. સૂચના આપ્યાના થોડા જ સમય બાદ આ દુર્ઘટના ઘટી હતી. 

ઝારા આબિદના મોતથી તેમના પરિવાર અને ફૅન્સને મોટો ઝટકો લાગ્યો છે. તેમના લાખો કરોડો ફૅન્સ હાલ દુ:ખની લાગણી અનુભવી રહ્યાં છે. સાથે જ પાકિસ્તાનના લોકો સમગ્ર દુર્ઘટનાને લઇને ઘણા જ દુ:ખી છે.