VIDEO / આઝાદી દિવસે પાકિસ્તાનની ફજેતી, બુર્જ ખલીફા પર ન દેખાયો રાષ્ટ્રીય ધ્વજ, લોકોએ કર્યો હોબાળો

A Pakistani lady narrates, How Pakistan flag didn't show up on Burj Khalifa on their Independence day😂😂🤣🤣 pic.twitter.com/WNbEOetANL

— Gems of Politics (@GemsOf_Politics) August 14, 2023

• સ્વાતંત્ર્ય દિવસની ઉજવણીમાં પાકિસ્તાનની થઈ વિશ્વમાં ફજેતી
• બુર્જ ખલીફા પર પાકિસ્તાનના રાષ્ટ્રધ્વજનું નામ નિશાન ન દેખાયું
• પાકિસ્તાનીઓએ હંગામો મચાવી દીધો

પાકિસ્તાનમાં 14 ઓગસ્ટે સ્વાતંત્ર્ય દિવસની ઉજવણી કરવામાં આવતી હોય છે. પરંતુ પાડોશી દેશની સ્વાતંત્ર્ય પર્વની ઉજવણીમાં જ વિશ્વમાં ફજેતી થઈ છે. સ્વતંત્રતા દિવસમાં દુબઈમાં આવેલ વિશ્વની સૌથી ઊંચી બિલ્ડીંગ બુર્જ ખલીફા પર પાકિસ્તાનના રાષ્ટ્રધ્વજનું નામ નિશાન દેખાયું ન હતું. બીજી બાજુ વૈશ્વિક ફજેતી ભોગવતા પાકિસ્તાનીઓએ હંગામો મચાવી દીધો હતો અને પોતાના દેશના સમર્થનમાં પાકિસ્તાન જિંદાબાદના નારા લગાવ્યા હતા.

બુર્જ ખલીફા પર પાકિસ્તાનનો રાષ્ટ્રધ્વજ દર્શાવવામાં આવશે નહીં

બુર્જ ખલીફા પર તેમનો ધ્વજ ન દેખાતા પાકિસ્તાનના હજારો લોકોમાં આક્રોશનો જ્વાળા ભભૂક્યો હતો અને તેમનામાં નિરાશા છવાઈ હતી. પાકિસ્તાનીઓ બુર્જ ખલીફા પાસે રાહ જોતા રહ્યા હતા પરંતુ તેમના દેશનો ધ્વજ દેખાયો ન હોવાનો વીડિયો સોશિયલ મીડિયા પર વાયરલ થઈ રહ્યો છે. આ સમગ્ર ઘટનાને એક મહિલાએ મોબાઇલમાં વીડિયો રેકોર્ડ કરી અને જણાવ્યું હતું કે સમય સવારના 12: 01 વાગ્યાનો થયો છે. પરંતુ દુબઈના સત્તાવાળાએ માહિતી આપીને કહ્યું છે કે બુર્જ ખલીફા પર પાકિસ્તાનનો રાષ્ટ્રધ્વજ દર્શાવવામાં આવશે નહીં.