બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / આરોગ્ય / માઇગ્રેનમાં માથાના દુખાવા સિવાય પણ દેખાય છે આ લક્ષણો! જાણો ક્યારે સાવચેત થવું ?
5 ફોટો ગેલેરી
Last Updated: 08:00 PM, 14 August 2026
FOLLOW ON
શેર કરો
1/5
આજના આધુનિક સમયમાં ઘણા લોકોને માઈગ્રેનની સમસ્યાનો સામનો કરવો પડી રહ્યો છે. માઈગ્રેનને અવારનવાર માત્ર તીવ્ર માથાના દુખાવા સાથે જોડવામાં આવે છે, પરંતુ તેની અસર માત્ર માથા સુધી સીમિત રહેતી નથી. આ સમસ્યાને કારણે વ્યક્તિને રોજીંદા કામકાજ કરવા, અભ્યાસ કરવા કે આરામ કરવામાં ભારે મુશ્કેલી પડે છે. દરેક વ્યક્તિમાં માઈગ્રેનની તીવ્રતા અને લક્ષણો અલગ-અલગ હોઈ શકે છે, તેથી તેને સામાન્ય માથાનો દુખાવો સમજીને અવગણવો યોગ્ય નથી.
આ તસવીર શેર કરો
2/5
માઈગ્રેનમાં માથામાં તીવ્ર ઉપડતા દુખાવાની સાથોસાથ નીચે મુજબના ફેરફારો અને લક્ષણો જોવા મળે છે. માથાના દુખાવાની સાથે સાથે ચક્કર આવવા, ઉબકા થવા કે ઉલટી થવી સામાન્ય છે. દર્દીને તીવ્ર પ્રકાશ (અજવાળું), મોટો અવાજ, તીવ્ર ગંધ કે કોઈના સ્પર્શથી પણ અસ્વસ્થતા કે તકલીફ અનુભવાય છે. માઈગ્રેનનો એટેક શરૂ થાય તે પહેલાં મૂડમાં અચાનક ફેરફાર, ગરદન અકડાઈ જવી, વારંવાર બગાસા આવવા, ચોક્કસ ખોરાકની ક્રેવિંગ થવી કે વારંવાર પેશાબ જવું જેવા સંકેતો મળી શકે છે.
આ તસવીર શેર કરો
3/5
કેટલાક લોકોને આંખો સામે ચમકતી રોશની, કાળા ધબ્બા કે અજીબ આકારો દેખાવા, નજર ઓછી થવી, હાથ-પગમાં ખાલી ચડવી કે અસંવેદનશીલતા (સુન્નપન) અનુભવાવી અને બોલવામાં તકલીફ પડવી જેવી સમસ્યાઓ થાય છે. એટેક પૂરો થયા પછી પણ શરીરમાં અતિશય થાક, નબળાઈ કે ગૂંચવણ (કન્ફ્યુઝન) અનુભવાઈ શકે છે.
આ તસવીર શેર કરો
4/5
માઈગ્રેનની તકલીફ ઓછી કરવા માટે કેટલીક દિનચર્યાની આદતો બદલવી જરૂરી છે. પૂરતી ઊંઘ લેવી, સમયસર ભોજન કરવું અને પૂરતા પ્રમાણમાં પાણી પીવું. જો તીવ્ર પ્રકાશ કે અવાજથી મુશ્કેલી થતી હોય, તો શાંત અને આછા અજવાળા વાળા રૂમમાં આરામ કરવો. દરરોજ હળવી શારીરિક પ્રવૃત્તિ કે વ્યાયામ કરવો અને માનસિક તણાવ (સ્ટ્રેસ) ઓછો રાખવાનો પ્રયાસ કરવો. એક ડાયરીમાં નોંધ રાખવી કે માઈગ્રેન ક્યારે અને કઈ પરિસ્થિતિમાં થાય છે. આનાથી ટ્રિગર્સ ઓળખવામાં મદદ મળશે. જો તકલીફ વારંવાર થતી હોય તો ડૉક્ટરની સલાહ મુજબ યોગ્ય સારવાર લેવી.
આ તસવીર શેર કરો
5/5
જો માઈગ્રેન વારંવાર થતું હોય, પહેલાં કરતાં વધી ગયું હોય કે તેના કારણે દૈનિક કાર્યો પ્રભાવિત થતા હોય. માથાના દુખાવાની પેટર્ન અચાનક બદલાઈ જાય અથવા દુખાવો અગાઉ કરતાં સાવ અલગ અનુભવાય. અચાનક અસહ્ય માથાનો દુખાવો શરૂ થાય, અથવા દુખાવાની સાથે તાવ, ગરદનની અકડન, ભ્રમ (Confusion), આંચકી (દૌરે), બોલવામાં તકલીફ, દ્રષ્ટિની સમસ્યા કે શરીરના કોઈ ભાગમાં નબળાઈ કે સુન્નપન આવી જાય તો તરત જ મેડિકલ ઈમરજન્સી લેવી. માથામાં ઈજા લાગ્યા બાદ જો તીવ્ર માથાનો દુખાવો થાય, તો પણ વિલંબ કર્યા વગર ડૉક્ટરનો સંપર્ક કરવો જોઈએ.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
