આજથી રાજ્યભરમાં નવો મોટર એક્ટ લાગુ થશે. આ ટ્રાફિક નિયમનું પાલન નહી કરવામાં આવે તો આકરો દંડ થશે. તેમજ જરૂરી દસ્તાવેજો સાથે નહીં રાખો તો આકરો દંડ થશે. મહત્વનું છે કે, ગુજરાતમાં નવા મોટર વ્હીકલ એક્ટમાં ફેરફાર કરી અમુક દંડમાં ઘટાડો કરવામાં આવ્યો હતો. ત્યારે જાણો શું છે નવા દંડ?
રાજ્યની સત્તા હેઠળ આવતા દંડની જોગવાઇમાં ફેરફાર કરાયો છે. આ જોગવાઈમાં સરકારે કેટલાક દંડમાં ફેરફાર કર્યા છે. કલમ-200 હેઠળ રાજ્ય સરકાર ફેરફાર કરવામાં આવ્યા છે. ત્યારે આ મોટર વ્હીકલ એક્ટના નવા નિયમો 16 સપ્ટેમ્બર આજથી લાગૂ પડશે.
નવા નિયમ પ્રમાણે દંડની રકમમાં વધારો કરવામાં આવ્યો છે. હેલ્મેટ, લાયસન્સ, સીટ બેલ્ટ વિના વાહન ચલાવવા પર નવાદંડ લગાવવામાં આવ્યા છે. ત્રિપલ સવારી, ઓવરસ્પીડિંગમાં દંડની રકમમાં પણ વધારો કરવામાં આવ્યો છે. વીમા, RC બુક વિના વાહન ચલાવવા પર પણ દંડ છે. અકસ્માતની સંખ્યા ઘટાડવા માટે સરકારે આ દંડ લાગુ કર્યો છે. જોકે PUC વિના 30 સપ્ટેમ્બર સુધી જૂના નિયમ પ્રમાણે દંડ થશે. HSRP નંબર પ્લેટ માટે પણ એક માસની સમય મર્યાદા છે.
અડચણરૂપ પાર્કિંગ, ડાર્ક ફિલ્મ મુદ્દે રૂ.1500ના દંડની જોગવાઈ છે. ચાલુ વાહને મોબાઇલનો ઉપયોગ કરાશે તો રૂ. એક હજાર દંડ થશે. અવાજનું પ્રદૂષણ અને ભારે હોર્ન માટે રૂ.1000 નો દંડ છે. જાહેર સ્થળે રેસ કરવા પર રૂપિયા 5-10 હજારની દંડની જોગવાઈ છે. ઇમરજન્સી વાહનોને સાઇડ નહીં આપો તો રૂપિયા 1000 દંડ થશે. ડિજીટલ સ્વરૂપે દસ્તાવેજો રજૂ કરવા પર માન્યતા છે. સ્થળ પર દસ્તાવેજ ન હોય તો 15 દિવસમાં તેની રજૂઆત કરી શકાશે. ભયજનક રીતે વાહન ચલાવવા બદલ થશે અધધ દંડ... જાણો નવા દંડના નિયમો અને ફેરફારો...
શું છે નવા દંડ-નિયમો અને ફેરફાર ?
ગુનો
નવો દંડ (રાજ્ય સરકાર)
નવા મોટર વ્હીકલ એક્ટમાં દંડ (કેન્દ્ર સરકાર)
1. લાઇસન્સ, વીમો, પીયૂસી, RC બુક વગેરે દસ્તાવેજો સાથે ન હોવા પર, PUC કઢાવેલ ન હોવું.
પ્રથમ વખત 500 અને બીજી વખત 1000 રૂપિયાનો દંડ
પ્રથમ વખત 500 અને બીજી વખત 1500 રૂપિયાનો દંડ
2. અડચણ રૂપ પાર્કિંગ
પ્રથમ વખત 500 અને બીજી વખત 1000 રૂપિયાનો દંડ
પ્રથમ વખત 500 અને બીજી વખત 1500 રૂપિયાનો દંડ
3. કાચ પર ડાર્ક ફિલ્મ
પ્રથમ વખત 500 અને બીજી વખત 1000 રૂપિયાનો દંડ
પ્રથમ વખત 500 અને બીજી વખત 1500 રૂપિયાનો દંડ
4. ચાલુ વાહન પર મોબાઇલનો ઉપયોગ
પ્રથમ વખત 500 અને બીજી વખત 1000 રૂપિયાનો દંડ
પ્રથમ વખત 500 અને બીજી વખત 1500 રૂપિયાનો દંડ
5. હેલ્મેટ વગર વાહન ચલાવવા પર
500 રૂપિયા દંડ
1000 રૂપિયા દંડ
6. સીટ બેલ્ટ ન બાંધવો
500 રૂપિયા દંડ
1000 રૂપિયા દંડ
7. ત્રિપલ સવારી મોટર સાઇકલ ચલાવવા પર
100 રૂપિયા દંડ
1000 રૂપિયા દંડ
8. ભયજનક ડ્રાઈવિંગ/ રોંગ સાઇડ ડ્રાઇવિંગ
થ્રી વ્હીલર 1500 દંડ
એલ.એમ.વી. 3000 દંડ
અન્ય 5000 દંડ