કાર ટિપ્સ / મોટા નુકસાનથી બચવા ઉનાળામાં કારનું ફ્યૂઅલ ટેન્ક ક્યારેય પણ ફૂલ ન કરાવો, જાણો કારણ

ઉનાળો શરૂ થઈ ગયો છે જેથી ઘણા લોકો વેકેશનની રજાના કારણે બહાર ફરવા જવાની યોજના બનાવી રહ્યા છે. આ ટુરમાં તમે કારથી મુસાફરી કરવાનું વિચારી રહ્યા છો તો તમારે કેટલીક મહત્વની બાબતો ધ્યાનમાં રાખવી જોઈયે. નહીં તો મુસાફરી દરમિયાન તમારે મુશ્કેલી વેઠવી પડી શકે છે.ઉનાળામાં કારમા મુસાફરી દરમિયાન અનેક લોકો કારનું ફ્યુઅલ ટેન્ક ફુલ કરાવી દેતા હોય છે. પરંતુ આવુ કરવુ તે નુકસાનકારક સાબિત થઈ શકે છે. 

એક્સપર્ટ્સના મતે,ઉનાળામાં મુસાફરી વખતે તમે તમારી કારનું ટેન્ક ફુલ કરાવી રહ્યા છો તો તમે ભૂલ કરી રહ્યા છો. કેમ કે પેટ્રોલ અને ડીઝલનું ઝડપી બાષ્પીભવન થાય છે. ઉનાળામાં તાપમાન ઉઁચુ હોવાથી જો તમે કારનું ટેન્ક ફુલ કરાવી દો છો તો પેટ્રોલ કે ડીઝલના બાષ્પીભવનથી ઉત્પન્ન થતા ગેસ માટે કોઈ  જગ્યા વધતી નથી. જેથી વાહનને નુકસાન પહોચી શકે છે. આથી જ્યારે પણ ફ્યૂઅલ ભરાવો ત્યારે ટેન્ક 10% ખાલી રાખવું જોઈયે.

 આ બાબતોનું પણ રાખો ધ્યાન
 ટાયરની હવા
ઉનાળાની ઋતુમાં રોડ ખૂબ જ ગરમ થઈ જતો હોય છે જેથી તેની અસર ટાયર પર પણ પડે છે. ગરમ રોડ પર કાર ચલાવવાથી ઘર્ષણ અને ગરમીને કારણે ટાયરમાં હવાનું દબાણ વધે છે. જેથી લાંબા અંતરની મુસાફરી કરતા દરમિયાન ટાયરના 2 psi પ્રેશર ઓછુ રાખો.

 લાઈટર-પરફ્યુમ ન રાખો
સ્મોકિંગ કરનારા લોકો કારમાં લાઇટર રાખે છે. પરંતુ કારમાં લાઈટર રાખવુ ઘણીવાર જોખમી સાબીત થઈ શકે છે. કારણ કે, ઉનાળામાં કારની અંદરની હવા બહાર ન નીકળી શકવાથી     લાઈટર કે પરફ્યુમની બોટલ ગરમ થઈને ફુટી શકે છે, તેના ફાટવાથી કારમાં આગ લાગવાની શક્યતા વધી જાય છે.

 છાંયડામાં પાર્કિંગ
તમારી કારને સેફ રાખવા તમે જ્યારે તેને પાર્ક કરો ત્યારે તેને છાંયડામા પાર્ક કરો. છાંયડામાં વાહન પાર્ક કરવાથી કારનો કલર પણ બરકરાર રહે છે, જ્યારે તમે કારમાં બેસસો તો તમે તપી     પણ નહીં જાઓ, ઉપરાંત તમે જ્યારે AC ઓન કરશો તો AC પર વધારે લોડ નહીં પડે. 
આ સિવાય જો તમારે મુસાફરી દરમિયાન કોઈ મુશ્કેલીનો સામનો ન કરવો હોય તો નિયમિત રીતે તમારી કારની સર્વિસ કરાવતા રહો.