- શનિદેવની પૂજા કરવાથી તેઓ પ્રસન્ન થાય છે
- શનિવારે અનેક બાબતોનું ધ્યાન રાખવું જરૂરી છે...
- ... નહીંતર શનિદેવ થાય છે અત્યંત કોપાયમાન
હિંદુ ધર્મમાં તમામ દિવસ કોઈને કોઈ દેવી દેવતાને સમર્પિત છે, શનિવારનો દિવસ શનિદેવને સમર્પિત છે. માનવામાં આવે છે કે, શનિવારે વિધિ વિધાન સાથ શનિદેવની પૂજા કરવાથી તેઓ પ્રસન્ન થાય છે. શનિવારના દિવસે અનેક બાબતોનું ધ્યાન રાખવું જોઈએ, નહીંતર શનિદેવના પ્રકોપનો સામનો કરવો પડી શકે છે.
સરસિયાનું તેલ-
ધાર્મિક માન્યતા અનુસાર શનિવારના દિવસે સરસિયાના તેલની ખરીદી ના કરવી જોઈએ. શનિવારે શનિદેવને સરસિયાનું તેલ અર્પણ કરવામાં આવે છે. સરસિયાનું તેલ શનિવારે ખરીદવાથી શનિદેવ નારાજ થઈ જાય છે.
લોખંડની વસ્તુ-
ધાર્મિક માન્યતા અનુસાર શનિવારે લોખંડનો સામાન ના ખરીદવો જોઈએ. માનવામાં આવે છે કે, શનિવારે લોખંડની વસ્તુ ખરીદવાથી શનિદેવ કોપાયમાન થાય છે. શનિવારે લોખંડની વસ્તુઓનું દાન જરૂરથી કરવું જોઈએ, જેથી શનિદેવ પ્રસન્ન થાય છે.
કાળા તલ-
શનિવારના દેવસે કાળા તલની ખરીદી ના કરવી જોઈએ. આ દિવસે કાળા તલ ખરીદવાથી કાર્યોમાં અડચણ આવે છે. શનિદોષ ખતમ કરવા માટે શનિવારના દિવસે પીપળાના ઝાડે કાળા તલ અર્પણ કરવા જોઈએ.
ચામડાની વસ્તુ-
શનિવારના દિવસે ચામડાની વસ્તુ ના ખરીદવી જોઈએ. આ પ્રકારે કરવાથી કાર્યોમાં અસફળતા પ્રાપ્ત થાય છે.
(DISCLAIMER: આ લેખમાં ધર્મને લગતી આ માહિતી માત્ર અલગ-અલગ મળતી માહિતીને આધારિત છે. નહીં કે, તમે તેને સત્ય જ માની લો. કારણ કે ધર્મ એ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. કોઈપણ પ્રકારની મુશ્કેલી સર્જાશે તો તે માટે VTV ગુજરાતી જવાબદાર નહીં રહે. આ લેખ માત્ર ન્યૂઝના હેતુસર પબ્લિશ કરવામાં આવ્યો છે.)
