દિલ્હી / બસમાં બેસવાનું, મોહક સ્મિત સાથે રુપકડી 'બસ હોસ્ટેસ' નાસ્તાની ડિશ લઈને આવશે, ડિટેલ્સ જાણીને બુક કરાવી દેશો

વિમાનમાં એર હોસ્ટેસ વાળી જુની થઈ હવે તો બસ હોસ્ટેસની વાતો ચાલી રહી છે. આગામી થોડા સમયમાં ચહેરા પર મોહક હાસ્ય સાથે હાથમાં નાસ્તાની ડિશ લઈને પેસેન્જરોને સર્વિસ આપતી બસ હોસ્ટેસ જોવા મળે તો નવાઈ ન પામતાં. આગામી સમયમાં બસોમાં આ દ્રશ્ય જોવા મળી શકે છે કારણ કે કેન્દ્ર સરકાર તે દિશામાં કામ કરી રહી છે.

ઈલેક્ટ્રીક બસમાં બસ હોસ્ટેસની ચર્ચા વિચારણા

હવે દેશમાં એવી બસ આવવાની છે જે બિલકુલ પ્લેન જેવી જ એકસ્ટ્રા લક્ઝરી હશે, એટલે કે પૂરી રીતે આરામદાયક અને દરેક સુવિધાઓથી સજ્જ હશે. સૌથી ખાસ વાત તો એ છે કે જે રીતે એરોપ્લેનમાં એર હોસ્ટેસ હોય છે તેવી જ રીતે બસોમાં બસ હોસ્ટેસ હશે. કેન્દ્રિય માર્ગ અને પરિવહન મંત્રી નીતિન ગડકરીએ એક પ્રસંગે બોલતા જણાવ્યુ હતુ કે ભારતમાં પબ્લિક ટ્રાન્સપોર્ટ સિસ્ટમને વધુ સારી બનાવવા પર કામ કરી રહી છે.

પેસેન્જરોને કોફી, ચા, ફળો અને કોલ્ડ ડ્રિંક્સની સુવિધા

ગડકરીએ કહ્યું કે સરકાર અલ્ટ્રા મોર્ડન ઇલેક્ટ્રિક બસ ચલાવવાની યોજના પર કામ કરી રહી છે, જેમાં પેસેન્જરોને કોફી, ચા, ફળો અને કોલ્ડ ડ્રિંક્સની સુવિધા મળી રહેશે. ટાટા સાથે સહયોગ કરીને હાલમાં આ પ્રોજેક્ટ પર કામ ચાલી રહ્યુ છે. ગડકરીએ કહ્યું કે તેઓ ટનલ, પુલ અને રસ્તા બનાવવા માટે AIનો ઉપયોગ કરવાનું પણ વિચારી રહ્યા છે. AIનો ઉપયોગ પહાડી વિસ્તારોમાં, ખાસ કરીને હિમાચલ અને ઉત્તરાખંડમાં આવતા પડકારોનો સામનો કરવા માટે કરવામાં આવશે.

વધુ વાંચો : પરિણીત શખ્સે પ્રેમિકાને હોટલમાં બોલાવી, પછી બાંધ્યો સંબંધ અને થઈ ગયું મોત, છોકરી પર 60 લાખનો દંડ

ભાડુ સામાન્ય બસ કરતાં 30 ગણું વધારે

જોકે ઈલેક્ટ્રીક બસની આ આરામદાયક મુસાફરી માટે મુસાફરોએ થોડું વધારે ખિસ્સું હળવું કરશે કારણ કે તેનું ભાડું ડીઝલ બસોની સરખામણીમાં લગભગ 30 ટકા વધુ રહેવાની ધારણા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ