રાજ્યસભા ચૂંટણી 2026 / મહારાષ્ટ્ર-હરિયાણા સહિત 10 રાજ્યોની 37 બેઠકો પર રાજ્યસભા ચૂંટણીની જાહેરાત, આ દિવસે થશે મતદાન

Rajya Sabha Election 2026: ભારતીય ચૂંટણી પંચે રાજ્યસભા માટે ચૂંટણી કાર્યક્રમની જાહેરાત કરી દીધી છે. આ ચૂંટણી એ સભ્યોની જગ્યા ભરવા માટે કરાવવામાં આવી રહી છે, જેમનો કાર્યકાળ એપ્રિલ 2026માં પૂર્ણ થઈ રહ્યો છે. કુલ 10 રાજ્યોની 37 બેઠકો પર ચૂંટણી થશે. ચૂંટણી પંચ દ્વારા જાહેર કરાયેલ કાર્યક્રમ પ્રમાણે, 26 ફેબ્રુઆરીએ ચૂંટણીનું નોટિફિકેશન જારી કરવામાં આવશે. નોમિનેશન દાખલ કરવા માટે, ચકાસણી અને નામ પાછું લેવાની પ્રક્રિયા નક્કી કરવામાં આવેલી સમય મર્યાદા પ્રમાણે પૂર્ણ કરવામાં આવશે. આ તમામ બેઠકો માટે 16 માર્ચ 2026ના રોજ મતદાન થશે. મતદાનના દિવસે જ મતગણતરી પણ કરવામાં આવશે.

આ ચૂંટણી મહારાષ્ટ્ર, તમિલનાડુ, પશ્ચિમ બંગાળ, બિહાર, ઓડિશા, આસામ, છત્તીસગઢ, હરિયાણા, તેલંગાણા અને હિમાચલ પ્રદેશની બેઠકો માટે કરાવવામાં આવશે. રાજકીય પક્ષોએ પોતાના ઉમેદવારોની પસંદગી પ્રક્રિયા શરૂ કરી દીધી છે અને રાજ્યોમાં ચૂંટણીની હલચલ તેજ થઈ ગઈ છે.

ચૂંટણી કાર્યક્રમ

• 26 ફેબ્રુઆરીએ નોટિફિકેશન જારી થશે.
• નોમિનેશન માટેની છેલ્લી તારીખ 5 માર્ચ 2026 નક્કી કરવામાં આવી છે.
• નોમિનેશન પત્રોની ચકાસણી 6 માર્ચ 2026ના રોજ થશે.
• નોમિનેશન પાછું ખેંચવાની છેલ્લી તારીખ 9 માર્ચ 2026 છે.
• મતદાન 16 માર્ચ 2026ના રોજ સવારે 9થી સાંજે 4 વાગ્યા સુધી થશે.
• મત ગણતરી 16 માર્ચ 2026ના રોજ સાંજે 5 વાગ્યે શરૂ થશે.
• ચૂંટણી પ્રક્રિયા 20 માર્ચ 2026 સુધીમાં પૂર્ણ કરી લેવામાં આવશે.

મહારાષ્ટ્રથી નિવૃત્ત થનારા સભ્યો

• ડો. ભગવત કિશનરાવ કરાડ
• ડૉ. ફૌઝિયા તહસીન અહેમદ ખાન
• પ્રિયંકા વિક્રમ ચતુર્વેદી
• શરદચંદ્ર ગોવિંદરાવ પવાર
• ધૈર્યશીલ મોહન પાટિલ
• રજની અશોકરાવ પાટિલ
• રામદાસ બંધુ આઠવલે

ઓડિશાથી નિવૃત્ત સભ્યો

• મમતા મોહંતા
• મુજીબુલ્લા ખાન
• સુજીત કુમાર
• નિરંજન બિશી

તમિલનાડુથી નિવૃત્ત સભ્યો

• એન.આર. એલંગો
• પી. સેલ્વારસુ
• એમ. થમ્બિદુરઈ
• તિરુચી સિવા
• ડો. કનિમોઝી
• એન.વી.એન. સોમુ
• જી.કે. વાસન

પશ્ચિમ બંગાળથી નિવૃત્ત સભ્યો

• સાકેત ગોખલે
• ઋતબ્રત બેનર્જી
• વિકાસ રંજન ભટ્ટાચાર્ય
• મૌસમ નૂર
• સુબ્રત બક્ષી

આસામથી નિવૃત્ત સભ્યો

• રામેશ્વર તેલી
• ભુવનેશ્વર કલિતા
• અજીત કુમાર ભુઇયાં

બિહારથી નિવૃત્ત સભ્યો

• અમરેન્દ્ર ધારી સિંહ
• પ્રેમચંદ ગુપ્તા
• રામનાથ ઠાકુર
• ઉપેન્દ્ર કુશવાહા
• હરિવંશ નારાયણ સિંહ

છત્તીસગઢથી નિવૃત્ત સભ્ય

• કવિ તેજપાલ સિંહ તુલસી
• ફૂલો દેવી નેતામ

આ પણ વાંચો: "જે નીચે પડ્યા છે તેમને ઉઠાવવા પડશે" UGC માર્ગદર્શિકા પર મોહન ભાગવતનું મોટું નિવેદન

હરિયાણાથી નિવૃત્ત સભ્ય

• કિરણ ચૌધરી
• રામચંદર જાંગરા

હિમાચલ પ્રદેશથી નિવૃત્ત સભ્ય

• ઈન્દુ બાલા ગોસ્વામી

તેલંગાણાથી નિવૃત્ત સભ્ય

• ડો.અભિષેક મનુ સિંઘવી
• કે.આર. સુરેશ રેડ્ડી

આ તમામ બેઠકો માટે 16 માર્ચ, 2026ના રોજ મતદાન થશે. રાજકીય પક્ષોએ તેમના ઉમેદવારોને અંતિમ સ્વરૂપ આપવાની પ્રક્રિયા ઝડપી બનાવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ