મોટા સમાચાર / વધુ એક ફ્લાઇટ...! ત્રણ કલાક સુધી હવામાં લટકી રહી, જઇ રહી હતી મુંબઇથી લંડન

Mumbai-London Flight : અમદાવાદથી લંડન જતું એર ઈન્ડિયાનું પ્લેન ક્રેશ થયા બાદ હવે અન્ય એક મોટા સમાચાર સામે આવ્યા છે. વાસ્તવમાં મુંબઈથી લંડન જતી એર ઈન્ડિયાની ફ્લાઈટ ટેકઓફ પછી ત્રણ કલાક હવામાં રહ્યા બાદ મુંબઈ પાછી ફરી હતી. Flightradar24ના ડેટા અનુસાર મુંબઈથી લંડન જતી ફ્લાઈટ સવારે 5:39 વાગ્યે એરપોર્ટ પરથી ઉડાન ભરી હતી અને ત્રણ કલાક હવામાં રહ્યા બાદ પાછી ફરી હતી.

શું કહ્યું AIR INDIAએ ?

એર ઇન્ડિયાએ એક નિવેદનમાં કહ્યું છે કે, ઈરાનમાં હાલમાં પરિસ્થિતિ તણાવપૂર્ણ છે. ઈરાનનું હવાઈ ક્ષેત્ર બંધ કરી દેવામાં આવ્યું છે, જેના કારણે તેની ઘણી ફ્લાઇટ્સ કાં તો ડાયવર્ટ કરવામાં આવી રહી છે અથવા તેમના મૂળ ગંતવ્ય સ્થાને પરત ફરી રહી છે.

આ ફ્લાઇટ્સ પ્રભાવિત થઈ હતી

• લંડન હીથ્રો-મુંબઈ ફ્લાઇટ નંબર AI130 ને વિયેના તરફ ડાયવર્ટ કરવામાં આવી હતી.
• ન્યૂ યોર્ક-દિલ્હી ફ્લાઇટ નંબર AI102 ને શારજાહ ડાયવર્ટ કરવામાં આવી હતી.
• ન્યૂ યોર્ક-મુંબઈ ફ્લાઇટ નંબર AI116 ને જેદ્દાહ તરફ ડાયવર્ટ કરવામાં આવી હતી.
• લંડન હીથ્રો-દિલ્હી ફ્લાઇટ નંબર AI2018 ને મુંબઈ ડાયવર્ટ કરવામાં આવી હતી.
• મુંબઈ-લંડન હીથ્રો ફ્લાઇટ નંબર AI129 મુંબઈ પરત ફરી રહી છે.
• મુંબઈ-ન્યૂ યોર્ક ફ્લાઇટ નંબર AI119 મુંબઈ પરત ફરી રહી છે.
• દિલ્હી-વોશિંગ્ટન ફ્લાઇટ નંબર AI103 દિલ્હી પરત ફરી રહી છે.
• નેવાર્ક-દિલ્હી ફ્લાઇટ નંબર AI106 દિલ્હી પરત ફરી રહી છે.
• વાનકુવર-દિલ્હી ફ્લાઇટ નંબર AI188 ને જેદ્દાહ તરફ ડાયવર્ટ કરવામાં આવી હતી.
• દિલ્હી-ન્યૂ યોર્ક ફ્લાઇટ નંબર AI101 ને ફ્રેન્કફર્ટ/મિલાન તરફ ડાયવર્ટ કરવામાં આવી હતી.
• શિકાગો-દિલ્હી ફ્લાઇટ નંબર AI126 ને જેદ્દાહ તરફ ડાયવર્ટ કરવામાં આવી હતી.
• લંડન હીથ્રો-બેંગલુરુ ફ્લાઇટ નંબર AI132 ને શારજાહ ડાયવર્ટ કરવામાં આવી રહી છે.
• લંડન હીથ્રો-દિલ્હી ફ્લાઇટ નંબર AI2016 ને વિયેના તરફ ડાયવર્ટ કરવામાં આવી હતી.
• વોશિંગ્ટન-દિલ્હી ફ્લાઇટ નંબર AI104 ને વિયેના તરફ ડાયવર્ટ કરવામાં આવી હતી.
• ટોરોન્ટો-દિલ્હી ફ્લાઇટ નંબર AI190 ને ફ્રેન્કફર્ટ તરફ ડાયવર્ટ કરવામાં આવી હતી.
• દિલ્હી-ટોરોન્ટો ફ્લાઇટ નંબર AI189 દિલ્હી પરત ફરી રહી છે.

એર ઇન્ડિયાએ આ વિક્ષેપ બદલ દિલગીરી વ્યક્ત કરી

એર ઇન્ડિયાએ એક નિવેદન બહાર પાડીને અણધાર્યા વિક્ષેપને કારણે મુસાફરોને થયેલી અસુવિધા બદલ દિલગીરી વ્યક્ત કરી. એર ઇન્ડિયાએ કહ્યું છે કે, તે મુસાફરો માટે રહેવાની સુવિધા પૂરી પાડવાની વ્યવસ્થા કરી રહી છે. એર ઇન્ડિયાએ એમ પણ કહ્યું કે, જો કોઈ મુસાફર ફ્લાઇટ રદ કરવા અથવા સમય બદલવા માંગે છે, તો તેને રિફંડ અથવા નવી બુકિંગની સુવિધા આપવામાં આવી રહી છે. કંપનીએ કહ્યું કે, મુસાફરોને તેમના ગંતવ્ય સ્થાન પર લઈ જવા માટે વૈકલ્પિક વ્યવસ્થા કરવામાં આવી રહી છે.

આ પણ વાંચો : લંડન ફરવા જતાં દંપતીનું મોત, ભાઈને ફોન કરી કહ્યું હતું, હું એરપોર્ટ જવા નીકળી ગયો છું...

ઈઝરાયલના હુમલા બાદ ઈરાને એરસ્પેસ બંધ કરી દીધું

નોંધનીય છે કે, ઈઝરાયલે ઈરાન પર હુમલો કરવા માટે ઓપરેશન રાઈઝિંગ લાયન શરૂ કર્યું છે. આ અભિયાન હેઠળ ઈઝરાયલે ઈરાનના પરમાણુ અને લશ્કરી થાણાઓને નિશાન બનાવ્યા છે. ઈઝરાયલના હુમલાના થોડા કલાકો પછી ઈરાની નાગરિક ઉડ્ડયન સત્તામંડળે દેશના એરસ્પેસ બંધ કરવાની જાહેરાત કરી. તે જ સમયે ઈઝરાયલે તેનું એરસ્પેસ પણ બંધ કરી દીધું છે. આ સાથે તેણે તેની ઉત્તરી અને દક્ષિણ સરહદો પર કટોકટીની તૈયારીઓ વધારી દીધી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ