મોટા સમાચાર / આમ આદમીને મોટી રાહત: આખરે 12 અને 28 % ટેક્સ સ્લેબને ખતમ કરવાનો પ્રસ્તાવ સ્વીકાર

GST Slabs : GSTમાં સામાન્ય માણસ માટે રાહતના સમાચાર સામે આવ્યા છે. વાસ્તવમાં આજે એટલે કે, 21 ઓગસ્ટ 2025 ના રોજ મળેલી બેઠકમાં મંત્રીઓના જૂથ (GoM) એ કેન્દ્ર સરકારના પ્રસ્તાવને સ્વીકાર્યો હતો, જેમાં હાલના ચાર GST સ્લેબ (5%, 12%, 18%, 28%) ને ફક્ત બે સ્લેબ 5% અને 18% માં બદલવાની વાત કરવામાં આવી છે.

કેન્દ્ર સરકારે આપેલ એક મહત્વપૂર્ણ પ્રસ્તાવને GoM દ્વારા સમર્થન મળ્યું છે. ફેરફારનો સીધો લાભ સામાન્ય અને મધ્યમ વર્ગના નાગરિકોને મળશે, કારણ કે રોજિંદા ઉપયોગની અનેક વસ્તુઓ પરના ટેક્સમાં ઘટાડો થવાનું નિશ્ચિત છે.

હવે સરળ ભાષામાં સમજો શું છે નવા પ્રસ્તાવનું માળખું ?

• 12% અને 28% ના GST સ્લેબને સંપૂર્ણપણે રદ કરવાની ભલામણ
• ફક્ત 5% અને 18% GST સ્લેબ જ ચાલુ રહેશે
• તમાકુ, પાન મસાલા જેવા હાનિકારક માલ પર હજી પણ ઊંચા દર લાગુ રહેશે

શું બનશે હવે સસ્તું?

12% થી 5% રોજિંદી વસ્તુઓ હવે વધુ સસ્તી

12% ટેક્સ સ્લેબમાંથી 5% સ્લેબમાં મૂકવામાં આવેલી વસ્તુઓ પર હવે 7% ઓછો ટેક્સ લાગશે. પરિણામે નીચેના ઉત્પાદનો સસ્તા થઈ શકે છે.

• કપડાં અને રેડીમેડ વસ્ત્રો (₹1000 થી ઉપરના પણ)
• ફૂટવેર (જુતાં-મોજાં)
• પ્રિન્ટિંગ અને સ્ટેશનરી વસ્તુઓ
• ઘણા પ્રોસેસ્ડ ફૂડ પ્રોડક્ટ્સ
• કેટલાક ઘરગથ્થુ ઉપકરણો

આ લાભનો સીધો ફાયદો સામાન્ય ઘરેલુ ખર્ચ પર પડશે, ખાસ કરીને વિદ્યાર્થીઓ અને મધ્યમ વર્ગ માટે.

28% થી 18%માં મોટી બચત સંભવ

28% ટેક્સ સ્લેબમાં રહેલા લગભગ 90% ઉત્પાદનોને હવે 18% સ્લેબમાં લાવવામાં આવશે, જેના કારણે 10% ટેક્સ ઘટાડો થશે. આ સુધારાનો લાભ નીચે મુજબ વસ્તુઓ પર જોવા મળશે.

• ટુ-વ્હીલર અને નાના કાર મોડેલ્સ
• સિમેન્ટ, વાળુ, લોખંડ જેવી બાંધકામ સામગ્રી
• રેફ્રિજરેટર, ટીવી, વોશિંગ મશીન, A.C. જેવી કન્ઝ્યુમર ડ્યુરેબલ્સ
• પેકેજ્ડ ખોરાક અને પીણાં
• પેઇન્ટ અને વાર્નિશ

આ ફેરફાર રિયલ એસ્ટેટ અને ઓટોમોબાઈલ ઉદ્યોગમાં વેચાણ વધારવાનું કારક બની શકે છે.

આ પણ વાંચો : મિડલ ક્લાસની સાથે-સાથે ખેડૂતોને પણ મળશે મોટી રાહત, નાણામંત્રીએ કર્યું એલાન, જાણો વિગત

સરકારની ઘોષણા અને રાજ્યોનો પ્રતિસાદ

બિહારના નાયબ મુખ્યમંત્રી સમ્રાટ ચૌધરીએ જણાવ્યું હતું કે, મંત્રીઓના જૂથ દ્વારા કેન્દ્રના પ્રસ્તાવને સંપૂર્ણ સમર્થન આપવામાં આવ્યું છે. કેન્દ્ર અને રાજ્યો બંને તરફથી પ્રસ્તાવિત ફેરફારના હિતમાં ટિપ્પણીઓ આપવામાં આવી છે અને તેને હવે GST કાઉન્સિલને મોકલવામાં આવ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ