નેશનલ / ફરીદાબાદ ટેરર મોડ્યૂલમાં અનેક ભણેલા ગણેલા લોકોની સંડોવણી, મુસ્લિમ યુનિવર્સિટીઓમાં તપાસ

દિલ્લીના લાલ કિલ્લા નજીક થયેલી ભયંકર ધડાકાની ઘટનાઓ બાદ ફરીદાબાદના ટેરર મોડ્યુલની એક-એક પરત ઉઘાડવા પોલીસે તપાસ વધુ ગતિમાન બનાવી છે. તપાસના તાર અલ-ફલાહ યુનિવર્સિટી તરફ વળતા, પોલીસે અહીંના ડૉ. મુજમ્મિલ અને ડૉ. શાહીંન શાહિદ સાથે સંકળાયેલા તમામ વ્યક્તિઓને રડારમાં લીધા છે. ફરીદાબાદ પોલીસે અત્યાર સુધી 52થી વધુ લોકોની પૂછપરછ પૂર્ણ કરી છે, જેમાં યુનિવર્સિટીના અનેક ફેકલ્ટી સભ્યો, મેડિકલ વિદ્યાર્થીઓ તેમજ મેડિકલ કોલેજના પ્રિન્સિપલનો સમાવેશ થાય છે. હાલ 6 શંકાસ્પદોની અટકાયત કરી તપાસ ચાલી રહી છે.

બ્લાસ્ટ સમયે કારમાં બીજો કોણ હતો?

ધડાકાની ઘટનામાં વપરાયેલી કાર અંગેનું એક મોટું સવાલ ઉભું થયું છે. CCTV ફૂટેજમાં સ્પષ્ટ રીતે એક જ વ્યક્તિ કારમાં બેઠેલો દેખાય છે, જેને સુસાઈડ બોમ્બર માનવામાં આવી રહ્યું છે. પરંતુ તપાસમાં આ પણ સામે આવ્યું છે કે ધડાકા પહેલાં થોડા જ ક્ષણો અગાઉ કારમાંથી બીજો એક વ્યક્તિ ઉતરી ગયો હતો, જેના કારણે એજન્સીઓમાં શંકા વધુ વધી છે.

લખનૌમાં ડૉ. શાહીનનું ઘર ક્યાં છે?

આ કેસની તપાસમાં એ પણ બહાર આવ્યું છે કે સોમવારે ફરીદાબાદથી ધરપકડ કરાયેલ ડૉ. શાહીન લખનૌના લાલબાગમાં રહે છે. શાહીનનો પરિવાર લખનૌના કંધારી બજારના ઘર નંબર ૧૨૧ પર રહેતો હતો.

ડૉ. શાહીનનું લખનૌ-પ્રયાગરાજ કનેક્શન

ધરપકડ કરાયેલ ડૉ. શાહીનના પિતાએ જણાવ્યું કે તેમને શાહીન સહિત ત્રણ બાળકો છે. મોટો દીકરો શોએબ અહીં તેના પિતા સાથે રહે છે. શાહીન બીજો હતો, જેની સોમવારે ધરપકડ કરવામાં આવી હતી. શાહીન પ્રયાગરાજમાં દવાનો અભ્યાસ કરતી હતી. આગળ, ત્રીજો દીકરો પરવેઝ છે, જેના ઘરે મંગળવારે સવારે દરોડો પાડવામાં આવ્યો હતો.

વધુ વાંચો: ...અને Live વીડિયોમાં કેપ્ચર દિલ્હી બ્લાસ્ટનો ભયાવહ મંજર, Video વાયરલ

ડૉ. શાહીન શાહિદે લગ્ન ક્યાં કર્યા હતા?

ડૉ. શાહીનના પિતાએ વધુમાં જણાવ્યું કે શાહીન ઘણા સમય પહેલા અહીંથી ચાલ્યા ગયા હતા. તે ફરીદાબાદમાં કામ કરતી હતી અને મહારાષ્ટ્રના એક પુરુષ સાથે લગ્ન કર્યા હતા. ફરીદાબાદ અને દિલ્હી વચ્ચે શું થયું તેની તેમને ખબર નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ