- રશ્મિકાએ ફ્લાઈટમાં બેસીને એક ફોટો શેર કર્યો
- આ ફોટો થોડી જ વારમાં વાયરલ થઈ ગયો
- ચાહકો રશ્મિકાને લઇ ચિંતા વ્યક્ત કરતા જોવા મળ્યા
જાણીતી અભિનેત્રી રશ્મિકા મંદન્નાના જે ફ્લાઇટમાં હતી તેનું ઇમરજન્સી લેન્ડીંગ કરવું પડ્યું. આ ઘટનાથી અભિનેત્રી અને ફ્લાઈટમાં હાજર મુસાફરો ખૂબ જ ડરી ગયા હતા. રશ્મિકાએ પોતે આ ઘટના વિશે સોશિયલ મીડિયા પોસ્ટ દ્વારા માહિતી આપી હતી અને કહ્યું હતું કે તે મોતના મુખમાંથી બચીને બહાર આવી છે. રશ્મિકાએ ફ્લાઈટમાં બેસીને એક ફોટો શેર કર્યો . થોડી જ વારમાં તે વાયરલ થઈ ગયો અને ચાહકો અભિનેત્રી અને અન્ય મુસાફરો માટે ચિંતા વ્યક્ત કરતા જોવા મળ્યા.
ફ્લાઈટ મુંબઈથી હૈદરાબાદ જઈ રહી હતી
રશ્મિકા મંદન્ના શ્રદ્ધા દાસ સાથે મુસાફરી કરી રહી હતી. તેના ઈન્સ્ટાગ્રામ સ્ટોરીઝ પર રશ્મિકાએ શ્રદ્ધા સાથેની એક સેલ્ફી શેર કરી અને લખ્યું, 'માત્ર તમારી જાણકારી માટે, આજે અમે આ રીતે મોતથી બચી ગયા...' ડેક્કન ક્રોનિકલના રિપોર્ટ અનુસાર, ફ્લાઈટ મુંબઈથી હૈદરાબાદ જઈ રહી હતી. તેમાં કોઈ ટેકનિકલ ખામી હતી, જેના કારણે પ્લેનમાં હાજર લોકો ડરી ગયા હતા.
ફ્લાઇટ ટેકઓવર કર્યાના 30 મિનિટ પછી મુંબઈ પરત આવી
રિપોર્ટમાં વધુમાં દાવો કરવામાં આવ્યો છે કે ફ્લાઇટ ટેકઓવર કર્યાના 30 મિનિટ પછી મુંબઈ પરત આવી, જેથી તેની ટેકનિકલ ખામીની તપાસ કરી શકાય. આ ઘટનામાં કોઈને ઈજા થઈ નથી.રશ્મિકાએ શેર કરેલી તસવીરમાં તે અને અભિનેત્રી શ્રદ્ધા દાસ હસતા જોવા મળે છે. તેણે કેપ્શનમાં હસવાનું ઇમોજી પણ સામેલ કર્યું છે.
આ પણ વાંચોઃ ગર્લ ફ્રેન્ડ રકુલ પ્રીત સાથે પરણવા માટે તલપાપડ થયો જેકી, પોસ્ટ શેર કરી કહ્યું આવું
કોણ છે શ્રદ્ધા દાસ?
શ્રદ્ધા દાસ તેલુગુ, તમિલ અને મલયાલમ ફિલ્મ ઈન્ડસ્ટ્રીની ટોચની અભિનેત્રીઓમાંની એક છે.
રશ્મિકા મંડન્નાએ પુષ્પાઃ ધ રાઇઝ દ્વારા દક્ષિણ અને ઉત્તરમાં લોકપ્રિયતા મેળવી છે. આ દિવસોમાં તે ફિલ્મ 'એનિમલ'ની સફળતાનો આનંદ માણી રહી છે. આમાં તે રણબીર કપૂર સાથે જોવા મળી હતી. તેનું નિર્દેશન સંદીપ રેડ્ડી વાંગાએ કર્યું હતું.
