ના હોય! / મેક્સિકોમાં એલિયનની લાશ બાદ હવે NASAનો ભયંકર દાવો! કહ્યું હા એલિયન છે જ, UFO સૌથી મોટો ખતરો

• NASAનો ભયંકર દાવો
• કહ્યું હા એલિયન છે જ
• UFO સૌથી મોટો ખતરો

નાસા પ્રમુખ બિલ નેલ્સને ગુરૂવારે કહ્યું કે તેમને લાગે છે કે ધરતીના બહારના વાતાવરણમાં એલિયન્સ હાજર છે. અંતરિક્ષ એજન્સીએ અજાણી અસામાન્ય ઘટના અથવા તો યુએફઓ પર પોતાના રિપોર્ટ પહેલા તારણ જાહેર કર્યું. ત્યાર બાદ નેલ્સને એ વાત જણાવી છે. તેની સાથે જ તેમણે જાહેરાત કરી છે કે આ સંપૂર્ણ તથ્યની તપાસ માટે યુએપી રિસર્ચ ડાયરેક્ટરની નિયુક્તિ કરી રહ્યું છે. 

અસાધારણ વૈજ્ઞાનિક તક 
યુએફઓની સ્વતંત્ર રિસર્ચ ટીમમાં ઘણા ક્ષેત્રોના 16 એક્સપર્ટ ગ્રુપને શામેલ કરવામાં આવ્યા છે. રિપોર્ટમાં કહેવામાં આવ્યું છે કે યુએફઓ અમેરિકી હવાઈ ક્ષેત્રની સુરક્ષા માટે ખતરો છે અને આ વાત જાતે જ સાબિત થઈ ચુકી છે. રિપોર્ટ અનુસાર યુએફઓના રિસર્ચ એક અસાધારણ વૈજ્ઞાનિક તક રજૂ કરે છે. આ તક એક વ્યવસ્થિત રિપોર્ટિંગ ઢાંચાની સાથે સાથે એક મજબૂત, પુરાવા આધિરિત દષ્ટિકોણનો આધાર તૈયાર કરે છે. 

જોકે તેમાં સાર્વજનિક ભાગીદારીની સાથે સાથે ક્રાઉડસોર્સિંગ અને રિપોર્ટિંગ પર નજર રાખવી ખૂબ જ જરૂરી છે. રિપોર્ટમાં કહેવામાં આવ્યું છે કે આ દુર્લભ ઘટનાઓની ઓળખ માટે આર્ટિફિશિયલ ઈન્ટેલીજન્સી અને મશીન લર્નિંગ સૌથી જરૂરી સાધન છે. 

વધુ સારી જાણકારી મળશે 
નાસાની તરફથી જાહેર એક પ્રેસ રિલીઝમાં કહેવામાં આવ્યું છે કે એજન્સીએ સારી રીતે સમજાવવા માટે સ્વતંત્ર અભ્યાસ શરૂ કર્યો છે. તેના હેઠળ જાણકારી મળી રહી છે કે આ આકાશમાં થતી ઘટનાઓના રિસર્ચને આગળ વધારવા માટે ચાલી રહેલા સરકારી પ્રયત્નોમાં કોઈ યોગદાન કરી શકે છે. આઘટનાઓ છે જેમને ફૂગ્ગા, વિમાન, કે જ્ઞાત પ્રાકૃતિક  ઘટનાઓના રૂપમાં ઓળખી ન શકાય અને તેના માટે એક વૈજ્ઞાનિક દષ્ટિકોણ જરૂરી છે.