ન્યાયની માંગ / દીવાલો અમને કરડવા આવે, ખાવાનું પણ.!' મોરબી દુર્ઘટનામાં દીકરો ગુમાવનાર માતા, વ્હાલસોયાના જન્મદિવસે ધ્રુસકેને ધ્રુસકે રડી પડી

• અમદાવાદના દંપતિએ પણ દુર્ધટનામાં જીવ ગુમાવ્યો હતો 
• અમદાવાદના અશોક ભાઈ અને ભાવના બેનનું મૃત્યું થયું હતું 
• અમદાવાદથી 7 વર્ષની દિકરી સાથે દંપતિ ગયા હતા ફરવા
• રિપોર્ટ કસુરવારોને સજા મળવી જોઈએ - મૃતક પરિજનો

બરાબર એક વર્ષ પહેલાં રાજ્યના મોરબી શહેરમાં ઝૂલતા બ્રિજ તૂટવાની ઘટના બની હતી,આજે જ્યારે સમગ્ર મામલે તપાસ કરતી SIT દ્વારા ગુજરાત હાઇકોર્ટમાં એક રિપોર્ટ સબમિટ કરવામાં આવ્યો હતો,અને રિપોર્ટ મુજબ ઝૂલતા બ્રિજ ઘટના મામલે ઓરેવા વાળા જયસુખ પટેલ ને કસૂરવાર ગણવામાં આવ્યો હતો,ત્યારે ઘટનામાં મૃત્યુ પામનારા નિર્દોષ અશોક ચાવડા અને તેમની પત્ની ભાવના ચાવડા નાં પરિવાર પાસે Vtv ની ટીમ પહોંચી અને જાણ્યું તેમનું દર્દ.મૃતક નાં પરિજનો ની વાત માનવામાં આવે તો SIT નાં રિપોર્ટ પ્રમાણે જેને કસૂરવાર ગણવામાં આવ્યાં છે તેમને કડક સજા આપવામાં આવે તેવી માંગ કરી હતી,તેમજ જે પરિવાર નો એકજ કમાનાર દીકરો આવી ઘટનામાં મૃત્યુ પામ્યો હોય ત્યારે સમગ્ર પરિવાર ઉપર કેવી કઠિન પરિસ્થિતી ઉભી થાય તેનું ધ્યાન રાખીને કોર્ટ દ્વારા કડક કાર્યવાહી નો આદેશ કરવામાં આવે તેવી લાગણી દર્શાવી હતી.

આ બેબીને સાચવવી તેમજ તેને મોટી કરવાની જવાબદારી મારી પર જ છેઃ  જેસંગભાઈ (મૃતકનાં પિતા)
આ બાબતે મૃતક અશોકભાઈનાં પિતા જેસંગભાઈએ જણાવ્યું હતું કે,  પરિસ્થિતિ અત્યારે બહુ ખરાબ છે. આ બેબીને અત્યારે સાચવવી એને મોટી કરવી, ભણાવવી આ બધી જ જવાબદારી હવે મારી ઉપર જ છે. બીજુ કોણ છે અમારે. દિકરીની દાદીની પણ ઉંમર થઈ. મારી પણ 65 વર્ષની ઉંમર થઈ.  ત્યારે મારે આ બેબીને સાચવવી કે નોકરી માટે જવું. બેબીને ન્યાય મળવો જોઈએ. તેમજ ગુનેગારને સજા થવી જોઈએ. 

મારા દિકરા વગર ઘર સુનુ સુનુ લાગે છેઃ મૃતકનાં માતા
મૃતક અશોકભાઈનાં માતા બાલુબેને જણાવ્યું હતું કે, આજે  મારા દિકરાનો જન્મ દિવસ છે. ત્યારે આજે ખુશીની જગ્યાએ અમે બધા શોકમાં જ છીએ હજુ. મારા દિકરા વગર ઘર સુનુ સુનુ લાગે છે. જે પણ દોષિતો છે તેઓને સજા મળવી જોઈએ.

SIT ની ટીમે 5000 પાનાનો તપાસ અહેવાલ હાઈકોર્ટમાં રજૂ કર્યો
મોરબી ઝૂલતા પૂલ દુર્ઘટના મામલે SITની ટીમે 5000 પાનાનો તપાસ અહેવાલ હાઇકોર્ટમાં રજૂ કર્યો છે. SIT દ્વારા રજૂ કરવામાં આવેલ રિપોર્ટમાં કહેવામાં આવ્યું છે કે, મોરબી કેબલ બ્રિજ દુર્ઘટનામાં ઓરેવા કંપનીની ગંભીર બેદરકારી હતી. ઘટના માટે ઓરેવા કંપનીનાં તમામ લોકો જવાબદાર તો બ્રિજનું સંચાલન અને સમારકામ કરનાર તમામ જવાબદાર હોવાનું પણ SITનું કહેવું છે. 

શું છે SITના રિપોર્ટમાં ? 
SITના રિપોર્ટમાં સામે આવ્યું છે કે, બ્રિજ ખોલતા પેહલા કોઈપણ ફિટનેસ રિપોર્ટ તૈયાર કરવામાં આવ્યો નહોતો. આ સાથે ઓરેવા કંપનીએ નગરપાલિકાને પણ કન્સલ્ટ કર્યું ન હતુ. ટિકિટ વેંચાણ પર પણ કોઈપણ પ્રકારનો પ્રતિબંધ કરવામાં આવ્યો ન હોવાનું પણ સામે આવ્યું છે. આ સાથે બ્રિજ પર સુરક્ષાના સાધનો અને સુરક્ષા કર્મીઓનો પણ અભાવ હોવાનો રિપોર્ટમાં ઉલ્લેખ કરવામાં આવ્યો છે.