બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / બારડોલી-નવસારી સ્ટેટ હાઈવે પર પૈડાં ડૂબી જાય તેટલું પાણી ભરાયું, ચોટીલામાં રસ્તા પર વહેવા લાગ્યા પાણી
5 ફોટો ગેલેરી
Last Updated: 04:53 PM, 2 July 2026
FOLLOW ON
શેર કરો
1/5
ગુજરાતમાં ચોમાસાનું વિધિવત આગમન થતાં જ વાતાવરણમાં ધરખમ ફેરફારો જોવા મળી રહ્યા છે. એક તરફ સૌરાષ્ટ્રના ચોટીલા અને લીલીયા પંથકમાં મેઘરાજાની મહેરથી જગતનો તાત ખુશખુશાલ બન્યો છે, તો બીજી તરફ દક્ષિણ ગુજરાતમાં માળખાકીય સુવિધા અને દબાણોને કારણે સામાન્ય નાગરિકો મુશ્કેલીમાં મુકાયા છે.
આ તસવીર શેર કરો
2/5
સૌરાષ્ટ્રના યાત્રાધામ ચોટીલામાં લાંબા સમયના અસહ્ય ઉકળાટ બાદ વરસાદનું આગમન થતાં લોકોએ ગરમીમાંથી રાહતનો શ્વાસ લીધો છે. સિઝનના આ પ્રથમ સારા વરસાદે ખેડૂતોના મુખ પર સ્મિત લાવી દીધું છે, તો અમરેલીના લીલીયામાં બપોર બાદ શરૂ થયેલા ધોધમાર વરસાદને પગલે નાવલી નદીમાં પૂરના નવા નીર આવ્યા છે. આ દ્રશ્યો ખેડૂતો માટે આગામી વાવણીના મંગલ સંકેત સમાન છે.
આ તસવીર શેર કરો
3/5
જોકે, આ વરસાદની સાથે જ દક્ષિણ ગુજરાતના બારડોલી-નવસારી સ્ટેટ હાઈવે પર તંત્રની બેદરકારી અને આડેધડ દબાણો સામે રોષ પણ જોવા મળી રહ્યો છે. તરભોણ પાટિયા નજીક રસ્તા પર એટલા પાણી ભરાઈ ગયા છે કે નાના વાહનોના પૈડાં સંપૂર્ણપણે ડૂબી જાય છે.
આ તસવીર શેર કરો
4/5
સ્થાનિકો અને વાહનચાલકોના જણાવ્યા અનુસાર, સરભોણ ગામની સીમમાં આવેલી કેટલીક ફેક્ટરીઓ દ્વારા કુદરતી પાણીના નિકાલના માર્ગો પર દબાણ કરવામાં આવ્યું છે, જેના કારણે વરસાદી પાણી ભરાઈ રહે છે. આ જોખમી સ્થિતિ વચ્ચે વાહનચાલકો જીવના જોખમે પાણીમાંથી પસાર થવા મજબૂર બન્યા છે. હાઈવે પરની આ જળબંબાકાર સ્થિતિને પગલે સ્થાનિક વહીવટી તંત્ર તાત્કાલિક અસરથી દબાણો દૂર કરી નિકાલની વ્યવસ્થા કરે તેવી માંગ ઉઠી છે.
આ તસવીર શેર કરો
5/5
નવસારી જિલ્લામાં અને ઉપરવાસમાં ભારે વરસાદને કારણે પંચાયત હસ્તકના 6 રસ્તાઓ પર પાણી ફરી વળતાં માર્ગો બંધ કરાયા છે. પાણીના ઓવરટોપિંગ (OT) ના કારણે સરોણા–સદલપુર રોડ કોઝવે, ખડસુપા–ઊન રોડ સ્લેબ ડ્રેઇન, પારડી–સદલાવ રોડ કોઝવે અને સુપા–પેરા–કુચેદ રોડ સ્લેબ ડ્રેઇન બંધ કરવામાં આવ્યા છે. વહીવટી તંત્રએ લોકોને વૈકલ્પિક માર્ગો વાપરવા અપીલ કરી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
