ક્રાઈમ / હળવદમાં બે પરિવાર વચ્ચે મારામારી, 8 લોકો ઇજાગ્રસ્ત

હળવદ તાલુકાના રાણેકપર ગામમાં એક જ કુટુંબના બે પરિવાર વચ્ચે થયેલી મારામારીની ઘટનાએ વિસ્તારમાં ચકચાર મચાવી છે. મંદિર નજીક ફેન્સિંગની કામગીરી ચાલી રહી હતી ત્યારે અચાનક બંને પક્ષો વચ્ચે ઉગ્ર બોલાચાલી થતાં મામલો મારામારી સુધી પહોંચ્યો હોવાનું સામે આવ્યું છે.

એક પરિવાર દ્વારા બીજા પરિવાર પર હુમલો

પ્રાપ્ત માહિતી મુજબ, એક પરિવાર દ્વારા બીજા પરિવાર પર હુમલો કરવામાં આવ્યો હતો, જેમાં કુલ 8 લોકોને ઈજાઓ પહોંચી હોવાનું જાણવા મળ્યું છે. ઈજાગ્રસ્તોને સારવાર માટે નજીકની હોસ્પિટલમાં ખસેડવામાં આવ્યા હોવાનું સૂત્રો પાસેથી જાણવા મળ્યું છે.

ઇજાગ્રસ્તના નામ

• પ્રભુભાઈ મોતીભાઈ બાબરીયા
• મુકેશભાઈ પ્રભુભાઈ બાબરીયા
• ચંદ્રિકાબેન મુકેશભાઈ બાબરીયા
• જોસના બેન ઘનશ્યામભાઈ બાબરીયા
• અલ્પાબેન ઘનશ્યામભાઈ બાબરીયા
• રતિલાલ પ્રભુભાઈ બાબરીયા
• ગોરધનભાઈ પ્રેમજીભાઈ બાબરીયા
• જયસુખભાઈ દિલીપભાઈ બાબરીયા

15થી વધુ લોકોએ હુમલો કર્યો હોવાનો આક્ષેપ

આક્ષેપ મુજબ, રાણેકપર બેઠકના તાલુકા પંચાયતના ભાજપ સભ્ય શિલ્પાબેનના પરિવાર સાથે સંકળાયેલા અનિલ સહિત 15થી વધુ લોકોએ હુમલો કર્યો હોવાનો આરોપ લગાવવામાં આવ્યો છે. જોકે, આક્ષેપોની સત્તાવાર પુષ્ટિ થવાની બાકી છે અને પોલીસ સમગ્ર મામલે તપાસ કરી રહી છે.

આ પણ વાંચોઃ સેમિકન્ડક્ટર ક્ષેત્રે આધુનિક સંશોધન અને તાલીમ માટે ટૂંક સમયમાં IIT ગાંધીનગરમાં શરૂ થશે ‘સમર્થ’

પોલીસનો કાફલો સ્થળ પર પહોંચ્યો

ઘટનાની જાણ થતાં પોલીસનો કાફલો સ્થળ પર પહોંચી ગયો હતો અને પરિસ્થિતિને કાબૂમાં લઈ વધુ તપાસ હાથ ધરી છે. બંને પક્ષોના નિવેદનો નોંધવાની તેમજ ઘટનાના કારણો અંગે તપાસ ચાલી રહી છે. પોલીસે તપાસ પૂર્ણ થયા બાદ જ સમગ્ર ઘટનાક્રમ અંગે સ્પષ્ટ માહિતી સામે આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ