તમારા કામનું / દેશના દરેક નાગરિકનું બનશે હેલ્થ કાર્ડ, મોદી સરકાર 15 ઓગસ્ટે કરશે જાહેરાત, કાર્ડથી તમને થશે આ ફાયદો

• સ્વાસ્થ્ય આઈડી કાર્ડ, પર્સનલ હેલ્થ રિકોર્ડ, ડિજી ડૉક્ટર અને હેલ્થ ફેસિલિટીનો રિકોર્ડ
• આ મિશનમાં ટેલી મેડિસિન સેવાઓને જોડવામાં આવશે
•  હેલ્થ આઈડી કાર્ડ ધારકોની પ્રાઈવેસીનું સંપૂર્ણ ધ્યાન રાખવામાં આવશે

આ યોજના હેઠળ 4 બાબતો પર ફોકસ કરવામાં આવશે. સ્વાસ્થ્ય આઈડી કાર્ડ, પર્સનલ હેલ્થ રિકોર્ડ, ડિજી ડૉક્ટર અને હેલ્થ ફેસિલિટીનો રિકોર્ડ. પછીથી આ મિશનમાં ટેલી મેડિસિન સેવાઓને જોડવામાં આવશે. આમાં હેલ્થ આઈડી કાર્ડ ધારકોની પ્રાઈવેસીનું સંપૂર્ણ ધ્યાન રાખવામાં આવશે. આ સ્વૈચ્છિક પ્લેટફોર્મ છે.  આની સાથે જોડાવું ફરજિયાત નથી. એટલે કે કોઈ પણ વ્યક્તિ સાથે સ્વાસ્થ્ય સંબંધિત માહિતી તેની મરજીથી શેર કરવામાં આવશે. આ સાથે ડૉક્ટર તથા હોસ્પિટલની મરજીથી જ તેમની જાણકારી શેર કરવામાં આવશે.

આ હેલ્થ કાર્ડના બન્યા બાદ કોઈ ડૉક્ટરની પાસે સારવાર માટે જાય છે તો ડૉક્ટર તેની સહમતિથી તેની મેડિકલ હિસ્ટ્રી જોઈ શકે છે. જેથી એવી વ્યવસ્થા કરવામાં આવી છે કે કોઈ પણ વ્યક્તિનો ડેટા તેની સહમતિ વગર કોઈ બીજી વ્યક્તિ જોઈ ન શકે. એ માટે મોબાઈલમાં વન ટાઈમ પાસવર્ડ જેવી સુવિધા આપવામાં આવી છે. માની લો કે તમે કોઈ હેલ્થ ટેસ્ટ કરાવી રાખ્યો છે તેની ડિટેલ એક જગ્યાએ ઓનલાઈન અવેલેબલ હશે જેને તમે ડૉક્ટરને બતાવી શકશો.