Microsoft Server Down / માઈક્રોસોફ્ટ આઉટેજના કારણે અનેક દેશમાં ઘણી સર્વિસ ઠપ, જાણો ક્યારે સમસ્યાનો અંત

Microsoft Server Down : Microsoftનું સર્વર ડાઉન થયું એતો બધાને ખબર હશે પણ હવે તેને રેગ્યુલર શરૂ થવામાં કેટલો સમય લાગશે અને તેને કારણે અવરોધાયેલ સેવાઓ ક્યારે શરૂ થશે તેના વિશે તમને ખબર છે ? વાસ્તવમાં શુક્રવારે ક્રાઉડસ્ટ્રાઈકના ખોટા અપડેટથી સમગ્ર વિશ્વમાં ગભરાટ ફેલાયો હતો. આ ટેકનિકલ સમસ્યાના કારણે ભારત સહિત વિશ્વના ઘણા દેશોમાં હવાઈ સેવાને ખરાબ અસર થઈ હતી. સમગ્ર વિશ્વમાં સેંકડો ફ્લાઇટ્સ રદ કરવી પડી હતી. એટલું જ નહીં બેંકો, હોસ્પિટલો, શેરબજારો, ટીવી ચેનલો, કોલ સેન્ટરો પણ ઠપ્પ થઈ ગયા હતા. નાગરિક ઉડ્ડયન નિષ્ણાતો પણ સાયબર આતંકવાદની શક્યતા વ્યક્ત કરી રહ્યા છે. જોકે માઇક્રોસોફ્ટ આવી શક્યતાને નકારી રહ્યું છે. માઈક્રોસોફ્ટની ટીમ સાથે વિશ્વભરના શ્રેષ્ઠ એન્જિનિયરો આ તકનીકી સમસ્યાનું સમાધાન શોધવા માટે કામ કરી રહ્યા છે પરંતુ હાલમાં એવું લાગે છે કે, સેવાઓને સંપૂર્ણપણે પુનઃસ્થાપિત કરવામાં વધુ સમય લાગશે.

સત્ય નડેલાએ શું કહ્યું ?

માઇક્રોસોફ્ટના CEO સત્ય નડેલાએ પોસ્ટ કર્યું કે, ગઈકાલે ક્રાઉડસ્ટ્રાઇકે એક અપડેટ બહાર પાડ્યું જેણે વૈશ્વિક સ્તરે આઇટી સિસ્ટમ્સને અસર કરવાનું શરૂ કર્યું. અમે આ સમસ્યાથી વાકેફ છીએ અને ગ્રાહકોને તેમની સિસ્ટમને સુરક્ષિત રીતે પાછી ઓનલાઈન લાવવા માટે ટેકનિકલ માર્ગદર્શન અને સમર્થન આપવા માટે CrowdStrike અને સમગ્ર ઉદ્યોગ સાથે મળીને કામ કરી રહ્યા છીએ.

આ સમસ્યા તકનીકી સમસ્યાને કારણે થઈ હતી. વૈશ્વિક સાયબર સિક્યુરિટી ફર્મ ક્રાઉડસ્ટ્રાઈકે જણાવ્યું હતું કે, તેણે તેના સોફ્ટવેરમાં ઓળખી કાઢ્યું છે અને તેને ઉકેલવા માટે કામ કરી રહી છે. વાસ્તવમાં CrowdStrike માઇક્રોસોફ્ટને તેના Windows ઉપકરણો માટે એન્ટીવાયરસ સોફ્ટવેર પ્રદાન કરે છે. એક નિવેદનમાં માઇક્રોસોફ્ટે જણાવ્યું હતું કે, ક્રાઉડસ્ટ્રાઇક અપડેટને કારણે વૈશ્વિક સ્તરે બહુવિધ આઇટી સિસ્ટમો આઉટેજ થઈ ગઈ છે.

શું છે આ CrowdStrike ?

CrowdStrike એ સાયબર સિક્યુરિટી ફર્મ છે જે કંપનીઓને તેમના IT વાતાવરણને સુરક્ષિત કરવામાં મદદ કરે છે. સરળ શબ્દોમાં કહીએ તો કંપની ઇન્ટરનેટની મદદથી જે પણ કામ કરે છે CrowdStrike તેને હેકર્સથી સુરક્ષિત રાખવામાં મદદ કરે છે. તેનું મુખ્ય કાર્ય કંપનીઓને હેકર્સ, સાયબર હુમલા, રેન્સમવેર અને ડેટા લીકથી બચાવવાનું છે. આ જ કારણ છે કે આ કંપનીના મુખ્ય ગ્રાહકો વિશ્વભરની મોટી બેંકો, યુનિવર્સિટીઓ અને સરકારી એજન્સીઓ છે. તાજેતરના સમયમાં સાયબર જગતમાં ઘણો બદલાવ આવ્યો છે. હેકર્સ દ્વારા વધતા હુમલાઓને કારણે ક્રાઉડસ્ટ્રાઈક જેવી કંપનીઓ પર કંપનીઓની નિર્ભરતા વધી છે.

એક નિવેદનમાં ક્રાઉડસ્ટ્રાઈકના સીઈઓ જ્યોર્જ કુર્ટઝે કહ્યું કે, સમસ્યાની ઓળખ કરવામાં આવી છે અને તેનું સમાધાન શોધવામાં આવી રહ્યું છે. તેમણે કહ્યું કે, આ કોઈ સુરક્ષા ઘટના કે સાયબર એટેક નથી. સમસ્યાને ઓળખી કાઢવામાં આવી છે, અલગ કરવામાં આવી છે અને ઉકેલવામાં આવી છે.

માઇક્રોસોફ્ટનું નિવેદન

માઇક્રોસોફ્ટે આખરે વૈશ્વિક IT આઉટેજ પર હકારાત્મક અપડેટ શેર કર્યું છે. કંપનીએ પુષ્ટિ કરી છે કે તેની 365 એપ્સ અને સેવાઓના આઉટેજનું મૂળ કારણ નક્કી કરવામાં આવ્યું છે. અમારી સમસ્યાનું મોટાભાગે નિરાકરણ કરવામાં આવ્યું છે અને અમારી ટેલિમેટ્રી બતાવે છે કે અગાઉની તમામ અસરગ્રસ્ત Microsoft 365 એપ્સ અને સેવાઓને ઠીક કરવામાં આવી છે. અમે ખાતરી કરવા માટે મોનિટર કરવાનું ચાલુ રાખીએ છીએ કે સમસ્યા સંપૂર્ણપણે ઉકેલાઈ ગઈ છે. આનો અર્થ એ છે કે ચાલુ બ્લુ સ્ક્રીન ઓફ ડેથ (BSOD) સમસ્યા થોડા સમય માટે ચાલુ રહેશે.

આવો જાણીએ શું છે આ બ્લુ સ્ક્રીન ઓફ ડેથ ?

બ્લુ સ્ક્રીન ઓફ ડેથ (BSoD) એ સ્ક્રીનની ગંભીર સમસ્યા છે જે Microsoft Windows પર દેખાય છે. આ સિસ્ટમ ક્રેશ સૂચવે છે જેમાં ઓપરેટિંગ સિસ્ટમ ગંભીર સ્થિતિમાં પહોંચે છે અને કામ કરવાની સ્થિતિમાં નથી, બીજા શબ્દોમાં કહીએ તો આખી સિસ્ટમ કોઈ ગંભીર સમસ્યાને કારણે ક્રેશ થાય છે તેનું કારણ હાર્ડવેર અથવા સૉફ્ટવેરમાં સમસ્યા હોઈ શકે છે.

Microsoft આઉટેજ ક્યારે ઠીક થશે?

સાયબર સિક્યુરિટી ફર્મ સાયબરઆર્કના ચીફ ઇન્ફોર્મેશન ઓફિસર ઓમર ગ્રોસમેને જણાવ્યું હતું કે, ક્રાઉડસ્ટ્રાઇક આ મુદ્દાને સંબોધતા હોવા છતાં કેટલીક સમસ્યાઓ જે ઊભી થાય છે તેને ઉકેલવામાં સમય લાગી શકે છે. તેમણે કહ્યું કે આ એટલા માટે છે કારણ કે સમસ્યા એંડપોઇન્ટ ડિટેક્શન એન્ડ રિસ્પોન્સ (EDR) પ્રોડક્ટ્સ સાથે સંબંધિત છે જે પર્સનલ ક્લાયન્ટ કમ્પ્યુટર્સ પર ચાલે છે. વાસ્તવમાં એન્ડપોઇન્ટ ડિટેક્શન એન્ડ રિસ્પોન્સ (EDR) એ એક ટેક્નોલોજી પ્લેટફોર્મ છે જે એન્ડપોઇન્ટ પરના જોખમોને શોધી કાઢે છે અને તેની તપાસ કરે છે.

એક મુલાકાતમાં CrowdStrike's Kurtz એ જણાવ્યું હતું કે, ઘણી અસરગ્રસ્ત સિસ્ટમો પહેલેથી જ ઠીક થવા લાગી છે અને કેટલાક ક્લાયન્ટ્સ માટે ફિક્સ તેમના કમ્પ્યુટર અથવા સર્વરને રીબૂટ કરવા જેટલું સરળ હોઈ શકે છે. જોકે તેમણે સ્વીકાર્યું કે, કેટલીક સિસ્ટમો સંપૂર્ણપણે પુનઃસ્થાપિત કરવામાં આવી નથી અને અમે દરેક ક્લાયન્ટ સાથે વ્યક્તિગત રીતે કામ કરી રહ્યા છીએ જેથી કરીને અમે તેમને બેકઅપ અને ચાલુ કરી શકીએ. કુર્ટઝે સમસ્યાને સંપૂર્ણપણે ઠીક કરવામાં કેટલો સમય લાગશે તે અંગે કોઈ સમયમર્યાદા આપી નથી.

વધુ વાંચો : માઈક્રોસોફ્ટની સર્વિસ ફરી અપ ટુ ડેટ! વૈશ્વિક મુશ્કેલી પર CEO સત્ય નડેલાનું આવ્યું પહેલું રીએક્શન

હકીકતમાં જ્યારે આપણે કમ્પ્યુટરના માઉસ પર ક્લિક કરીને સમગ્ર વિશ્વના સમાચાર મેળવી શકીએ છીએ ત્યારે આ સમસ્યાએ સમગ્ર વિશ્વમાં હલચલ મચાવી હતી. દુનિયાભરમાં મોટા ભાગનું કામ સર્વર પર નિર્ભર હોય છે ત્યારે જો સર્વરમાં ટેકનિકલ સમસ્યા સર્જાય તો દુનિયા થંભી જાય છે અને શુક્રવારના રોજ કંઈક આવું જ બન્યું હતું. માઈક્રોસોફ્ટના સર્વરમાં ટેકનિકલ સમસ્યા સર્જાયા બાદ સમગ્ર વિશ્વમાં હલચલ મચી ગઈ હતી અને ઘણા દેશોમાં સર્વર્સને કારણે એરલાઈન્સ બંધ થઈ ગઈ હતી. ટીવી પ્રસારણ બંધ થઈ ગયું, શેરબજાર ઠપ્પ થઈ ગયું, બેન્કિંગ અને ઘણી કોર્પોરેટ કંપનીઓનું કામકાજ પણ બંધ કરવું પડ્યું.

વધુ વાંચો : હિંસક વિરોધ વચ્ચે સમગ્ર બાંગ્લાદેશમાં કર્ફ્યુ, PM શેખ હસીનાનો નિર્ણય, અત્યાર સુધીમાં 105 લોકોના મોત

ભારતની પાંચ એરલાઈન્સ - ઈન્ડિગો, સ્પાઈસ જેટ, અકાસા એરલાઈન્સ, વિસ્તારા અને એર ઈન્ડિયા એક્સપ્રેસે જણાવ્યું હતું કે તેમની બુકિંગ, ચેક-ઈન અને ફ્લાઈટ અપડેટ સેવાઓને આ ટેકનિકલ સમસ્યાનો સામનો કરવો પડ્યો હતો. વિશ્વભરના કેટલાક માઇક્રોસોફ્ટ વિન્ડોઝ વપરાશકર્તાઓ તેમના લેપટોપ પર વાદળી સ્ક્રીન જોઈ રહ્યા હતા, જેના કારણે તેમની સિસ્ટમ્સ આપમેળે પુનઃપ્રારંભ અથવા બંધ થઈ હતી. જોકે ટેક્નોલોજીના લાખો ફાયદા છે અને કેટલાક ગેરફાયદા પણ શુક્રવારની સાયબર કટોકટીએ સમગ્ર વિશ્વને બેકફૂટ પર મૂકી દીધું છે. વિશ્વમાં આવા ઘણા ઓછા પ્રસંગો બન્યા છે જ્યારે એકસાથે ઘણા દેશોના લોકો કોઈ સમસ્યાથી પ્રભાવિત થયા હોય તે જોવાનું રહે છે કે, માઈક્રોસોફ્ટ નિષ્ણાતો આ સમસ્યાનો ઉકેલ કેટલી ઝડપથી શોધી કાઢે છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ