આણંદ / નિર્દયી ! પ્રેમને માટે નાના દીકરાને તરછોડીને ઘેરથી ભાગી ગઈ શિક્ષિકા, આચાર્ય સાથે લવઅફેર્સની ચર્ચા

• આણંદના ઉમરેઠના શીલી ગામની સિદ્ધનાથ વિદ્યાલયમાં હોબાળો
• આચાર્ય શિક્ષક અને શિક્ષિકાના કથિત પ્રેમ પ્રકરણને લઇને હોબાળો
• શિક્ષિકાના પતિ સાથે ગામલોકોએ શાળાની કરી તાળાબંધી

શિક્ષણ એક એવું ધામ છે જ્યાં વિદ્યાર્થીઓને શિક્ષણ અને સારા સંસ્કારોનુ સિંચન કરવામાં આવે છે. પરંતુ આવી જ શાળામાં શિક્ષકો પોતાની મર્યાદા ભૂલતા હોવાના અનેક કિસ્સાઓ સામે આવતા હોય છે ત્યારે આવો જ એક કિસ્સો આણંદ જિલ્લાના ઉમરેઠના શીલી ગામે સામે આવ્યો હતો. જેમાં સિદ્ધનાથ વિદ્યાલયમાં  આચાર્ય શિક્ષક અને શિક્ષિકાની પ્રેમ લીલા બહાર આવતા શિક્ષિકાના પતિ સાથે ગ્રામજનોએ હોબાળો મચાવ્યો હતો અને શાળાને તાળાં બંધી કરી દેતા દેકારો બોલી ગયો હતો

શિક્ષકોની હરકતોથી વિદ્યાર્થીઓ સ્તબ્ધ 
શિક્ષણના ધામમાં પ્રેમ લીલાનું પાપ સામે આવતા સમગ્ર પંથકમાં હડકંપ મચી ગયો છે. આ શાળામાં શિક્ષક અને શિક્ષિકા વચ્ચે પ્રેમ લીલા ચાલી રહી હતી. શાળામાં જ શિક્ષકોની આવી હરકતો જોઈને વિદ્યાર્થીઓ જ સ્તબ્ધ થઈ ગયા. જેને લઈને વિદ્યાર્થીઓએ વાલીને આ ઘટના અંગે જાણ કરતા વાલીઓ શાળામાં પહોંચ્યા હતા. આથી પરિસ્થિતિ પારખી ગયેલ શિક્ષિકા પોતાના સાથ વર્ષના પુત્રને મૂકી ઘર છોડી પલાયન થઈ ગઇ હતી.

બંન્નેને શિક્ષકને બરતરફ કરવામાં માંગ
આ સમગ્ર મામલે વાલીઓએ આકરા સૂત્રોચ્ચાર કરી જ્યાં સુધી સ્કૂલમાંથી બંન્નેને શિક્ષક ને બરતરફ કરવામાં નહિ આવે ત્યાં સુધી તાળાબંધીની ચીમકી ઉચ્ચારી હતી. બીજી બાજુ શાળામાં હોબાળો થતા જ આચાર્ય અને શિક્ષિકા ભૂગર્ભમાં ઉતરી ગયા છે. તો શીલીના ગ્રામજનો આણંદ શિક્ષણ અધિકારી સમક્ષ ઘટનાની રજૂઆત કરી આકરા પગલાં ભરવા માંગ પણ કરી હતી.