2023-2024ના રવિ સિઝનના પાકના ભાવ નક્કી કરવા બેઠક થઈ છે, પાકના ભાવ નક્કી કરી કેન્દ્ર સરકારને મોકલવામાં આવશે
Share
2023-2024ના રવિ સિઝનના પાકના ભાવ નક્કી કરવા બેઠક
વાર્ષિક ટેકાના ભાવ ખેડૂતોના ખર્ચને પહોંચી વળવા પૂરતા નથી
ખેડૂતના જે ખર્ચાઓ ગણતરીમાં લેવાય છે તે પૂરતા છે ખરા?
ખરીફ અને રવિ સિઝનના જુદા-જુદા પાકના ભાવ નક્કી કરવા રાજ્ય સરકાર સમીક્ષા બેઠક કરે છે અને કેન્દ્રને ભલામણ કરે છે. માર્કેટિંગની સિઝન પહેલા કેન્દ્ર જે તે પાકના ભાવ જાહેર કરે છે. કાગળ ઉપર યોજના બહુ સારી લાગે છે પણ સવાલ એ છે કે વર્ષે ટેકાના ભાવ કેટલા વધે તો ખેડૂતને પરવડે. ખેડૂતના જે ખર્ચાઓ ગણતરીમાં લેવાય છે તે પૂરતા છે ખરા?, કપાસ સિવાય જે તે પાકના ટેકાના ભાવમાં ખેડૂતને ફાયદો કેટલો અને નુકસાન કેટલું. ખેતીના સાધનો અને અન્ય ખર્ચ થતા ખેડૂતને ઉપજના મળતા ભાવનો સરવાળો કરીએ તો કેટલો થાય.
રવિ સિઝનના પાકના ભાવ નક્કી કરવા બેઠક
2023-2024ના રવિ સિઝનના પાકના ભાવ નક્કી કરવા બેઠક થઈ છે. પાકના ભાવ નક્કી કરી કેન્દ્ર સરકારને મોકલવામાં આવશે તેમજ કૃષિમંત્રીની અધ્યક્ષતામાં બેઠક મળશે અને ખેડૂતોના ખર્ચ સતત વધતા જાય છે તેમજ ખેડૂતોએ અનેક ખર્ચ માટે લોન લેવી પડે છે. વાર્ષિક ટેકાના ભાવ ખેડૂતોના ખર્ચને પહોંચી વળવા પૂરતા નથી
ટેકાના ભાવની યોજના સમજો
કેન્દ્ર સરકાર દ્વારા રાજ્યમાં યોજના લાગુ કરવામાં આવી છે. જુદા-જુદા ખરીફ અને રવિ પાકના ટેકાના ભાવની ભલામણ કેન્દ્રને કરવામાં આવે છે. પાક ઉત્પાદન ખર્ચની ગણતરી કરીને બેઠકમાં ભાવ નક્કી થાય છે તેમજ જે તે પાકના માર્કેટિંગ સિઝન પહેલા સરકાર ટેકાના ભાવની જાહેરાત કરે છે અને ખેત પેદાશના પ્રવર્તમાન ભાવ નીચા જાય તો નોડલ એજન્સી હરકતમાં આવે છે. નોડલ એજન્સી ખેત પેદાશોની ટેકાના ભાવે ખેડૂતો પાસેથી ખરીદી કરે છે અને આ ખરીદી APMC સેન્ટર દ્વારા કરવામાં આવે છે
સ્વામીનાથન કમિટીએ શું કહ્યું હતું?
ખેત પેદાશના ટેકાના ભાવ માટે સ્વામીનાથન કમિટીએ ભલામણ કરી હતી તેમજ ઈનપુટ કોસ્ટ, પારિવારિક શ્રમ, 50 ટકા નફો આ ત્રણ વસ્તુનો સરવાળો થવો જોઈએ. ખેડૂતોનું કહેવું છે કે ટેકાના ભાવ નક્કી કરવામાં આ બાબત ધ્યાને લેવાતી નથી.
ખેડૂતના ખર્ચ અને લેવામાં આવતા કર
જંતુનાશક દવા = 18 થી 28%
રાસાયણિક ખાતર = 5%
દવા છાંટવાના સાધન = 12%
ટપક સિંચાઈના સાધન = 12.5%
ટ્રેકટર = 12%
ટેકાનો ભાવ, ખેડૂતોની મુશ્કેલી શું?
ગુજરાતના ખેડૂતોનો 6% ભાવ એક અંદાજ મુજબ ટેકાના ભાવે ખરીદાય છે
બાકીનો ભાવ ઓપન માર્કેટમાં નીચા ભાવે વેચવો પડે છે
ખેડૂતોનો પાક લાંબો સમય સંગ્રહ થઈ શકે તેવી સ્થિતિમાં હોતો નથી
ખાતર ઉપરની સબ્સિડી મિક્સ ફર્ટિલાઈઝરમાં શૂન્ય થઈ એટલે ખર્ચ વધ્યો
બિયારણ અને લેબર ખર્ચમાં સતત વધારો
