- મંગળ ગ્રહે 1 જુલાઈના રોજ સિંહ રાશિમાં પ્રવેશ કર્યો
- આ રાશિના જાતકોને મંગળ ફળી જશે
- બિઝનેસમાં લાભ થશે તથા દુશ્મન પર વિજય મેળવશે
જ્યોતિષ શાસ્ત્રમાં તમામ ગ્રહ નિશ્ચિત સમયે ગોચર કરે છે. તમામ ગ્રહનું વિશેષ મહત્ત્વ છે અને તમામ ગ્રહના ગોચરની તમામ રાશિના જાતકો પર અસર થાય છે. મંગળને ગ્રહોના સેનાપતિ કહેવામાં આવે છે. મંગળ ગ્રહે 1 જુલાઈના રોજ સિંહ રાશિમાં પ્રવેશ કર્યો હતો. મંગળ એક રાશિમાંથી બીજી રાશિમાં ગોચર કરવા માટે 45 દિવસનો સમય લે છે. મંગળ 18 ઓગસ્ટ સુધી આ જ રાશિમાં રહેશે. ત્યાર પછી સિંહ રાશિમાંથી નીકળીને કન્યા રાશિમાં પ્રવેશ કરશે. આ દરમિયાન કેટલીક રાશિના જાતકોને સારા પરિણામ પ્રાપ્ત થશે. ઉપરાંત મત્સ્ય યોગ અને વિષ્ણુ યોગનું નિર્માણ થઈ રહ્યું છે. કઈ રાશિના જાતકોને મંગળ ફળી જશે, તે અંગે અહીંયા જણાવવામાં આવ્યું છે.
મેષ-
મંગળની ચાલના કારણે મેષ રાશિના જાતકોને બિઝનેસમાં લાભ થશે. આવકમાં વૃદ્ધિ થશે અને અચાનક નાણાંકીય યોગ બનશે. તમે બચત કરી શકશો. સાહસ અને પરાક્રમમાં વૃદ્ધિ થશે. મેષ રાશિના જાતકો દુશ્મન પર વિજય મેળવશે.
મિથુન-
આ રાશિના જાતકો માટે મંગળ ગોચર શુભ સાબિત થશે અને નાણાંકીય લાભ થશે. સમાજમાં મિથુન રાશિના જાતકોનું માન વધશે. વીરતા અને પરાક્રમ નીખરશે. સપંત્તિ સાથે જોડાયેલ વિવાદનું નિવારણ આવશે. બિઝનેસ સાથે જોડાયેલા લોકો માટે હાલનો સમય લાભકારી છે.
સિંહ-
આ રાશિના જાતકોને 18 ઓગસ્ટ સુધી ભાગ્ય સાથ આપશે. તમામ કામમાં સફળતા મળશે. સંપત્તિ અને વાહન સંબંધિત લાભ થશે. સાહસ અને પરાક્રમમાં વૃદ્ધિ થશે. મહત્ત્વપૂર્ણ ખરીદી કરી શકો છો. કર્મચારીઓની પ્રગતિ થશે અને નવી નોકરીનો પ્રસ્તાવ મળશે.
ધન-
ધાર્મિક ગતિવિધિઓમાં વૃદ્ધિ થશે. નોકરિયાત વર્ગને લાભ થશે. બિઝનેસમાં સારું પરિણામ પ્રાપ્ત તશે. આર્થિકરૂપે સદ્ધર થશો. વારસામાં જે પણ સંપત્તિ મળી છે, તેનાથી હાલમાં લાભ થશે.
મીન-
આ રાશિના જાતકો માટે મંગળ ગોચર શુભ સાબિત થશે. પદોન્નતિ થશે, 18 ઓગસ્ટ સુધી ભાગ્ય સાથ આપશે. વિદેશ યાત્રાથી લાભ થઈ શકે છે. પ્રસિદ્ધિ અને પ્રતિષ્ઠામાં વૃદ્ધિ થશે. જે પણ કામ અટકેલા છે, તે પૂર્ણ થશે. યાત્રાનો યોગ બની રહ્યો છે, જેનાથી લાભ થશે.
