રાજનીતિ / 2024 લોકસભા ચૂંટણી પહેલા ખડગેની નવી ટીમનું એલાન, સચિન પાયલટની એન્ટ્રી, ગાંધી પરિવાર સામેલ કે નહીં?

• કોંગ્રેસ અધ્યક્ષ મલ્લિકાર્જુન ખડગેએ બનાવી નવી CWC
• શશિ થરૂર અને સચિન પાયલટને CWCના સભ્ય બનાવ્યાં
• કોંગ્રેસમાં નિર્ણય લેતી ટોચની સંસ્થા છે CWC

ચાલુ વર્ષે યોજાનારી વિધાનસભા ચૂંટણી અને આગામી વર્ષે લોકસભા ચૂંટણી 2024 માટે કોંગ્રેસે તેની નવી ટીમ તૈયાર કરી છે. કોંગ્રેસ અધ્યક્ષ મલ્લિકાર્જુન ખડગેએ CWCની નવી ટીમની જાહેરાત કરી છે જેમાં કુલ 39 લોકોનો સમાવેશ કરવામાં આવ્યો છે. ખડગેએ કોંગ્રેસ સાંસદ શશિ થરૂર અને રાજસ્થાન કોંગ્રેસના નેતા સચિન પાયલટને પોતાની ટીમમાં સામેલ કર્યા છે. આ ઉપરાંત ગાંધી પરિવારના ત્રણેય ચહેરા કોંગ્રેસ વર્કિંગ કમિટીમાં રાખવામાં આવ્યા છે જેમાં સોનિયા ગાંધી, રાહુલ ગાંધી અને પ્રિયંકા ગાંધી સામેલ છે. 

The Congress President Shri @kharge has constituted the Congress Working Committee.

Here is the list: pic.twitter.com/dwPdbtxvY5

— Congress (@INCIndia) August 20, 2023

CWC બીજા કોણ છે સભ્યો
CWCમાં મલ્લિકાર્જુન ખડગે, સોનિયા ગાંધી, મનમોહન સિંહ, રાહુલ ગાંધી, પ્રિયંકા ગાંધી, એકે એન્ટની, અંબિકા સોની, અધીર રંજન ચૌધરી, દિગ્વિજય સિંહ, ચરણજીત સિંહ ચન્ની અને આનંદ શર્મા સહિત 39 નેતા સામેલ છે. આ ઉપરાંત 32 કાયમી આમંત્રિતો, 9 ખાસ આમંત્રિતો, યુથ કોંગ્રેસ, એનએસયુઆઈ, મહિલા કોંગ્રેસ અને સેવાદળના પ્રમુખોનો પણ સમાવેશ કરવામાં આવ્યો છે. કોંગ્રેસ વર્કિંગ કમિટીમાં સચિન પાયલટ, શશિ થરૂર, અશોક ચવ્હાણ, દીપક બાવરિયાના રૂપમાં નવા નામ સામે આવ્યા છે. CWCમાં ગૌરવ ગોગોઈ, નાસિર હુસૈન, દીપા દાસ મુનશીનો પણ સમાવેશ કરવામાં આવ્યો છે. ખાસ આમંત્રિતોમાં પવન ખેરા, સુપ્રિયા શ્રીનાતે અને અલકા લાંબાનો સમાવેશ થાય છે.

Congress President Shri @kharge meets Shri @KRajuINC, National Coordinator (SC, ST, OBC & Minorities Department), Shri @RajeshLilothia, Chairman of the SC Department, and the SC/ST leaders of Telangana PCC. pic.twitter.com/UkgE6S4V3u

— Congress (@INCIndia) August 20, 2023

શું છે CWC
CWC એટલે કોંગ્રેસ વર્કિંગ કમિટી. પાર્ટીમાં મહત્વના નિર્ણયો લેતી મોટી સમિતી છે. જો કે, જૂની કમિટીમાંથી આ નવી કમિટીમાં ખાસ કોઇ ફેરફાર કરવામાં આવ્યો નથી. યાદી જાહેર થયા પહેલા છેલ્લા ઘણા મહિનામાં બેઠકોના દોર ચાલી રહ્યા છે. કોંગ્રેસ અધ્યક્ષ મલ્લિકાર્જુન ખડગેએ સોનિયા ગાંધી અને રાહુલ ગાંધી સાથે શ્રેણીબદ્ધ બેઠક કરી હતી.