રેસિપી / કાચી-પાકી કેરીની આ વાનગી આજ પહેલા નહીં ચાખી હોય, આજે કરો ટ્રાય!

કેરી રસિયાઓ માટે અત્યારે સૌથી શ્રેષ્ઠ સમય ચાલી રહ્યો છે. અત્યારે તેઓ કેરીનો કોઈ પર સર છોડવા માંગતા નથી. મનભરીને ફળોના રાજાને માણવા માંગ છે. એવામાં જો રોજ-રોજ એકનો એક કેરીનો રસ ખાઈને કંટાળી ગયા હોવ તો, આજે અમે તમારી માટે લઈને આવ્યા છીએ સરસ મજાની કેરીની કઢીની રેસિપિ. 

• માણો કેરીની ખાસ વાનગી
• બનાવી લો કાચી કેરીની કઢી 
• સ્વાદ એવો કે પડી જશે મજા 

રાજસ્થાની કેરીની કઢી

સામગ્રી

કઢી માટે

-1 કપ કાચી કેરીની પ્યોરી
-1 કપ છાશ
-1/4 કપ ચણાનો લોટ છાશમાં ઓગાળેલું મિશ્રણ
-1/4 ચમચી હળદર
-1/4 ચમચી હિંગ
-મીઠું સ્વાદાનુસાર

બેઝ માટે

-11/2 ચમચી તેલ
-1/2 ચમચી જીરૂં
-1/2 ચમચી મેથી દાણા
-1/2 ચમચી રાઈ
-2 થી 3 નંગ લીલા મરચાં
-2 થી 3 ચમચી બુંદી
-7 થી 8 મીઠા લીમડાના પાન

વઘાર માટે

-1 ચમચી તેલ
-1 ચમચી આદુંની પેસ્ટ
-1 નંગ લીલું મરચું સમારેલું
-કોથમીર
-મેથીની ભાજી

રીત

સૌપ્રથમ એક બાઉલમાં કેરીની પ્યોરીમાં છાશ નાખો. હવે તેમાં ચણાના લોટવાળું મિશ્રણ, હળદર, લાલ મરચું પાવડર, હિંગ અને મીઠું નાખીને બરાબર મિક્સ કરો. ત્યાર બાદ બેઝ બનાવો. તેના માટે એક કડાઈમાં તેલ ગરમ કરો. તેલ ગરમ થાય એટલે તેમાં જીરૂં નાખો. જીરૂં લાલ થાય એટલે તેમાં રાઈ, મેથી અને લીમડાના પાન નાખીના અડધીથી એક મિનિટ સાંતળો. હવે તેમાં તૈયાર કરેલું કેરીનું મિશ્રણ નાખીને બરાબર મિક્સ કરો. હવે તેમાં બુંદી નાખીને છથી આઠ મિનિટ સુધી ઉકળવા દો. હવે વઘાર માટે એક ચમચી તેલ ગરમ કરો. તેલ ગરમ થાય એટલે તેમાં આદુંની પેસ્ટ નાખીને સાંતળો. લગભગ અડધી મિનિટ બાદ તેમાં લીલા મરચાં નાખીને સાંતળો. હવે તેમાં કોથમીર અને મેથી ભાજી નાખો. હવે તેમાં થોડી બુંદી નાખીને સાંતળો. તૈયાર થયેલા વઘારને કેરીની કઢીમાં નાખીને બરાબર મિક્સ કરી લો. તૈયાર છે ટેસ્ટી કઢી, ગરમા-ગરમ સર્વ કરો.