સાવધાન / એક વ્યક્તિના પાન કાર્ડ પર બીજો લે છે લોન, આ રીતથી ચેક કરીને જોઈ લો તમારી સાથે તો નથી બની રહ્યું ને આવું

• એક ગ્રાહકના પાન કાર્ડ પર કંપનીએ બીજા ગ્રાહકને આપી લોન
• પાનકાર્ડનો ઉપયોગ કરતા લોકોની ચિંતામાં થયો વધારો
• ચેક કરો, શું તમારા પાન કાર્ડનો ખોટો ઉપયોગ તો થતો નથી ને? 

લોન લીધા વગર દેવાદાર બની રહ્યાં છે યુઝર

આ કેસમાં બહાર આવ્યું કે લોકોને જાણકારી નથી અને તેના પાન કાર્ડ પર કંપનીએ કોઈ બીજાને લોન આપી છે. એવામાં લોકોની ચિંતાઓ ખૂબ વધી ગઇ છે અને લોકોના મનમાં પ્રશ્ન થાય છે કે તેના પાન કાર્ડનો ખોટો ઉપયોગ તો થતો નથી ને. એવામાં આજે અમે તમને જણાવીએ છીએ કે થોડી એવી સરળ પદ્ધતિ જેના દ્વારા તમે ઘર બેઠા મિનિટોમાં ચેક કરી શકો છો કે તમારા પાન કાર્ડ પર લોન ઈશ્યુ થઇ છે કે નહીં. 

તમે પણ ચેક કરો, શું તમારી સાથે તો ફ્રોડ થયુ નથી ને

1. તમારા નામ પર કેટલા લોન એકાઉન્ટ છે, તેની માહિતી ક્રેડિટ સ્કોર રિપોર્ટ પરથી મળે છે.
2. રિપોર્ટ ચેક કરવા માટે કોઈક ક્રેડિટ બ્યુરોની સર્વિસ લેવાની જરૂર પડશે.
3. તમે ટ્રાન્સયુનિયન સિબિલ, ઈક્વિપફેક્સ, એક્સપીરિયન અથવા સીઆરઆઈએફ હાઈ માર્ક જેવા બ્યુરોની સર્વિસ લઇ શકો છો.
4. SBI કાર્ડ, Paytm, બેંક માર્કેટ વગેરે પણ બ્યુરોની સાથે ભાગીદારી કરી રિપોર્ટ ચેક કરવાની સુવિધા આપે છે.
5. જેમાંથી જે પણ ઓપ્શન સરળ લાગે તેને પસંદ કરી લો.
6. સંબંધિત પોર્ટલ અથવા એપ પર ક્રેડિટ સ્કોર ચેક કરવાનું ઓપ્શન શોધો.
7. એસબીઆઈ કાર્ડ જેવા થોડા એપ ફ્રીમાં સ્કોર ચેક કરવાની સુવિધા આપે છે. જેના માટે એસબીઆઈનું ક્રેડિટ કાર્ડ હોવુ જરૂરી છે. 
8. અન્ય યુઝર પોતાની સુવિધા પ્રમાણે કોઈ પ્લાન પસંદ કરી શકે છે. જેનાથી તમને બરાબર નજર રાખવામાં મદદ મળશે.
9. ડેટ ઑફ બર્થ, મોબાઈલ નંબર, ઈ-મેલ આઈડી, પાન નંબર જેવી અમુક માહિતીઓ આપીને તમારું એકાઉન્ટ બની જશે.
10. હવ જ્યારે તમે લોગ ઇન કરી રિપોર્ટ એક્સેસ કરી શકો છો. રિપોર્ટમાં જોવા મળશે કે તમારા નામ પર કેટલી લોન લેવામાં આવી છે.
11. જો કોઈ આવી લોન દેખાય, જે તમે લીધી નથી તો તાત્કાલિક તેની ફરિયાદ કરો. આ ફરિયાદ ઈન્કમટેક્સની વેબસાઈટ પર કરી શકાય છે.