LIST / ગુજરાતમાં ભાજપના સ્ટાર પ્રચારકોની યાદી જાહેર, PM મોદી સહિત 40 નેતાનો સમાવેશ, રૂપાણી, નીતિન પટેલ પણ સ્ટાર

લોકસભા ચૂંટણી પહેલા ભાજપે ચૂંટણી પ્રચાર માટે રણનીતિ બનાવવાનું શરૂ કરી દીધું છે. પાર્ટીએ ગુજરાત રાજ્યના સ્ટાર પ્રચારકોની યાદી જાહેર કરી છે. ગુજરાતમાં એક બાજુ ક્ષત્રિયો દ્વારા રાજકોટના ભાજપના ઉમેદવાર પરશોત્તમ રૂપાલાનો વિરોધ ચાલી રહ્યા છે તો બીજી તરફ ભાજપે ચૂંટણી પ્રચાર માટે સ્ટાર પ્રચારકોની યાદી જાહેર કરી છે. જેમાં વડાપ્રધાન મોદી સહિતના દિગ્ગજ નેતાઓનો સમાવેશ કરવામાં આવ્યો છે. રાજકોટ બેઠકના ઉમેદવાર પરશોત્તમ રૂપાલા પણ સ્ટાર પ્રચારકમાં સામેલ છે.

વધુ વાંચો : કોંગ્રેસે વિધાનસભાની પેટાચૂંટણી માટે 5 નામો કર્યા જાહેર, મોઢવાડિયા સામે ઓડેદરાનો જંગ, જુઓ લિસ્ટ

વિજય રૂપાણી અને નીતિન પટેલ પણ ઉતરશે મેદાનમાં

ગુજરાતમાં પ્રચાર માટે ગુજરાતના મુખ્યમંત્રી ભુપેન્દ્ર પટેલ અને કેન્દ્રિય મંત્રી મનસુખ માંડવિયાના નામનો પણ સમાવેશ કરવામાં આવ્યો છે. તો સાથે સાથે રાજ્યના પૂર્વ મુખ્યમંત્રી વિજય રૂપાણી અને પૂર્વ નાયબ મંત્રી નીતિન પટેલ પણ ભાજપના સ્ટાર પ્રચારકોની યાદીમાં સામેલ છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો