ચિંતાજનક / કોરોના સંક્રમિત સિંહનું મોત થતાં સરકાર ટેન્શનમાં : બધા રાજ્યોને તાબડતોબ આ કામ કરવા તાકીદ

• કોરોના વાયરસનો વધ્યો કહેર : પ્રાણીઓના જીવન પણ જોખમમાં
• સંક્રમિત સિંહનું મૃત્યુ થતા તંત્ર હરકતમાં
• નેશનલ પાર્ક અને અભ્યારણો બંધ રાખવા કહ્યું

કોરોના વાયરસથી હવે પ્રાણીઓના જીવન પણ જોખમમાં

કોરોના વાયરસના કારણે ગુજરાત સહિત આખા ભારતમાં તબાહી જોવા મળી રહી છે. ભારતમાં લાખો લોકો દરરોજ કોરોના વાયરસની ઝપેટમાં આવી રહ્યા છે ત્યારે હવે વધુ એક ચિંતાજનક સમાચાર સામે આવી રહ્યા છે. મનુષ્ય જ નહીં, હવે તો આ વાયરસનો કહેર પ્રાણીઓમાં પણ જોવા મળી રહ્યો છે. 

તાબડતોડ મંત્રાલયે તમામ રાજ્યો માટે એડવાઈઝરી કરી જાહેર

કોરોના વાયરસના કારણે પ્રાણીઓમાં જીવનું જોખમ ઊભું થઈ ગયું છે. કેન્દ્ર સરકારના પર્યાવરણ મંત્રાલય દ્વારાઆ પુષ્ટિ કરવામાં આવી છે કે કોરોના વાયરસથી પીડાતા સિંહનું મોત થયું છે. આ મોતના સમાચાર બાદ સરકારોનું ટેન્શન ફરી વધી ગયું છે. મંત્રાલય દ્વારા તાબડતોબ બધા જ રાજ્યો માટે આદેશ આપી દેવામાં આવ્યા છે. 

એડવાઈઝરી બાદ સાસણગીરમાં પ્રાણીઓ માટે વધારાઈ સુરક્ષા

સિંહની મોતના સમાચાર બાદ મંત્રાલય દ્વારા તાત્કાલિક બધા જ નેશનલ પાર્ક અને અભ્યારણ્યોને બંધ રાખવા માટે કેન્દ્ર સરકાર દ્વારા એડવાઇઝરી આપવામાં આવી છે. આટલું જ નહીં પ્રાણીઓ માટે ઈમરજન્સી ટ્રીટમેન્ટ માટે તૈયારીઓ રાખવા પણ સૂચન કરવામાં આવ્યા છે. ભારતના સિંહ માત્ર ગુજરાતના ગીરમાં જોવા મળે છે ત્યારે આ એડવાઇઝરી સાસણગીર પણ પહોંચી છે અને કેન્દ્ર સરકારના આદેશને જોતાં સાસણગીરમાં પ્રાણીઓ માટે સુરક્ષા વધારવા માટે કામ ચાલુ કરી દેવામાં આવ્યું છે. 

ભારતમાં કોરોના વાયરસની સુનામી 

માર્ચ મહિનાથી ભારતમાં કોરોના વાયરસના કેસમાં અચાનક જ ઉછાળો જોવાં મળ્યો હતો અને તે બાદ સતત કેસ વધી રહ્યા છે. દેશની હોસ્પિટલો ઉભરાઇ ગઈ છે અને લોકો સારવાર વિના જ દમ તોડી રહ્યા છે. ઈન્જેક્શનો અને ઑક્સીજન ખૂટી પડ્યું છે અને હાલત એ છે કે હવેથી સ્મશાનોમાં જગ્યા નથી અને લાકડાઓ ખૂટી રહ્યા છે.